അളുപുളി പറയുന്നു...

പൂവാലന്‍.....

2011-08-01T05:56:00.000-07:00

ഇതു പോലെ നല്ല സൃഷ്ട്ടികളും ഇറങ്ങുന്നുണ്ട്.....

ചില തകര്‍പ്പന്‍ ഡയലോഗുകള്‍ ....

2011-08-01T05:40:00.000-07:00

ഒരു പട്ടിക്ക് അതിന്റെ വാല് കൊണ്ടു നാണം മറയ്ക്കാന്‍ ആകില്ല...

നീ വലിയവനാകാം . അതിനു ഞാന്‍ ചെറിയവനാണെന്നു അര്‍ത്ഥമില്ല..

ഒരു കോഴിക്ക് നിറം കറുപ്പാണെങ്കില്‍ അതിടുന്ന മുട്ടയുടെ നിറം കറുപ്പാണെന്ന് തെറ്റിദ്ധരിക്കരുത്....

എന്റെ മൂക്കിലൂടെ എത്ര കാലം ശ്വാസം പോകുന്നോ അത്ര കാലം ഞാന്‍ ജീവിക്കും......

പശുവിന്റെ പാല് കുടിക്കമെങ്കില്‍ അതിന്റെ മാംസം കഴിക്കുന്നതില്‍ എന്താണ് തെറ്റ്......

ബാക്കി ഇവിടെ കാണുക........

സന്തോഷ്‌ പണ്ടിറ്റിന്റെ ചിലവില്‍ ഒരു പോസ്റ്റ്‌ കൂടി....

നാണമില്ലാത്ത കോണ്‍ഗ്രസ്സേ....

2011-07-13T10:26:00.001-07:00

വീണ്ടും ഒരു സ്ഫോടന പരമ്പര മുംബയെ ഞെട്ടിച്ചപ്പോള്‍ നമ്മുടെ ആഭ്യന്തര മന്ത്രിയുടെ തിരുവാ ഇതും അങ്ങ് അന്വേഷിച്ചു ഒലത്തിക്കളയും എന്ന് പ്രഖ്യാപിക്കുമ്പോള്‍ ഇവനൊക്കെ അവിടെ ഇരിക്കാനുള്ള യോഗ്യതയെ പറ്റി വീണ്ടും ആലോചിച്ചു പോകുന്നു.

മരിച്ചവര്‍ക്കും പരുക്ക് ഏറ്റവര്‍ക്കും ധനസഹായം , അന്വേഷണം എന്‍.ഐ.എ -ക്ക് . ഇത്രയുമൊക്കെ പറഞ്ഞ് കടമ തീര്‍ക്കാന്‍ ചിദംബരം തന്നെ വേണമെന്നില്ല.

അഫ്സല്‍ ഗുരുവും, കസബും ഒക്കെ സുഖമായി ജീവിക്കട്ടെ .
ഇനി ആര്‍ക്കെങ്കിലും സര്‍ക്കാര്‍ ചിലവില്‍ സുഖവാസം അനുഭവിക്കണമെങ്കില്‍ ഈ കേസിലും പ്രതിയാകം.

കാത്തിരിക്കുന്നു .... 'കൃഷ്ണനും രാധയും' കാണാന്‍

2011-05-05T15:46:00.000-07:00

എന്താണ് സംഭവിക്കുന്നതെന്ന് മനസിലാവുന്നില്ല........
ഒരു പാവം മനുഷ്യനെ ഇങ്ങനെ പറ്റിക്കാമോ?

ലാദന്‍ കൊല്ലപ്പെട്ടു, നാളെ ഹര്‍ത്താല്‍.

2011-05-01T23:47:00.000-07:00

അമേരിക്കന്‍ സാമ്രാജ്യ ഭീകരതക്കെതിരെ വര്‍ഷങ്ങളായി പോരാടിയ ഒസാമ ബിന്‍ ലാദന്‍ കൊല്ലപ്പെട്ടതില്‍ പ്രതിഷേധിച്ചു കേരളത്തില്‍ നാളെ ഹര്‍ത്താല്‍ ആചരിക്കുന്നു. മൂരാച്ചി അമേരിക്കയുടെ ക്രൂരതയില്‍ കൊല്ലപ്പെട്ട ലാദന്റെ മെഴുകു പ്രതിമ താമസിയാതെ കേരളത്തില്‍ നിര്‍മിക്കും.

തോല്‍ക്കേണ്ടവര്‍...

2011-04-11T14:40:00.000-07:00

ഈ നിയമ സഭാ തിരഞ്ഞെടുപ്പില്‍ ചില സ്ഥാനാര്‍ഥികള്‍ തോല്‍ക്കണം എന്നാണ് എന്റെ ആഗ്രഹം.

1. പി.ജെ ജോസഫ്‌. നാണം എന്ന വാക്കിന്റെ അര്‍ഥം അറിയാവുന്ന ഒരു കോണ്‍ഗ്രെസ്സുകാരനും ജോസെഫിനു വോട്ട് ചെയ്യില്ല. ജോസഫ്‌ തോല്‍ക്കണം.

2 . കെ.ആര്‍ ഗൌരിയമ്മ. ആദ്യ മന്ത്രിസഭയിലെ മന്ത്രിയായി തിളങ്ങിയ ഗൌരിയമ്മയോടുള്ള എല്ലാ ബഹുമാനവും ഉള്ളില്‍ ഉണ്ട്.
പക്ഷെ ഈ തിരഞ്ഞെടുപ്പില്‍ എങ്കിലും ഒന്ന് മാറി നില്‍ക്കാന്‍ ഉള്ള മാന്യത അവര്‍ കാണിക്കേണ്ടതായിരുന്നു.

3 . എം.വി രാഘവന്‍. പ്രായാധിക്യം മൂലം ബുദ്ധിമുട്ടുന്ന അദ്ദേഹവും മാറി നില്ക്കാന്‍ ഉള്ള മാന്യത കാണിച്ചില്ല.

4 . കുഞ്ഞാലികുട്ടി. കോടതിയെ സ്വാധീനിച്ചു എന്ന ആരോപണം വളരെ ലാഘവത്തോടെ കാണുന്ന ലീഗിനെയും യു.ഡി.എഫ് നെയും ജനങ്ങളൊരു പാഠം പഠിപ്പിക്കണം.

ജയിച്ചാല്‍ മന്ത്രിമാരാവാന്‍ മുകളില്‍ പറഞ്ഞ നാല് പേരും മുമ്പില്‍ തന്നെ ഉണ്ടാവും.

5 . അടൂര്‍ പ്രകാശ്‌. എന്റെ നാട്ടിലെ മണ്ഡലമായ കോന്നിയില്‍ തുടര്‍ച്ചയായി മൂന്നു തവണ ജയിച്ച അടൂര്‍ പ്രകാശിനെ ഇത്തവണ തോല്പിക്കാന്‍ ഉള്ള ബുദ്ധി കോന്നിക്കാര്‍ കാണിക്കണം. ഒരു മണ്ഡലവും ആരുടെയും കുത്തക ആയികൂടാ.

6 . സാക്ഷാല്‍ വി.എസ് അച്യുതാനന്ദന്‍ . ഇടതു കോട്ടയായ മലമ്പുഴയില്‍ അദ്ദേഹത്തെ തോല്‍പ്പിക്കാന്‍ പാര്‍ട്ടി അനുകൂലികള്‍ തന്നെ മുന്‍കൈ എടുക്കണം. മാധ്യമങ്ങള്‍ ഊതിപെരുപ്പിച്ച ഒരു നേതാവാണ്‌ വി.എസ്. യു,ഡി.എഫ് സ്ഥാനാര്‍ഥി ലതിക സുരേഷിന്റെ പല പ്രവര്‍ത്തികളും ബാലിശമായി പോയി എന്ന് പറയാതെ വയ്യ.

ഒന്ന് രണ്ടു സീറ്റുകളില്‍ എങ്കിലും ബി.ജെ.പി ജയിക്കണം.
യു.ഡി.എഫ് ന് ഒരിക്കലും മൃഗീയ ഭൂരിപക്ഷം ലഭിക്കരുത്‌.

യു.ഡി.എഫ് : 75 -80
എല്‍.ഡി.എഫ്: 60-65
ബി.ജെ.പി : 1-2

ഫലം ഇങ്ങനെ ആയാല്‍ ചെളി വാരി എറിയലിന്റെ ഈ തിരഞ്ഞെടുപ്പ് എല്ലാ മുന്നണികള്‍ക്കും ഒരു പാഠമാവും .

വോട്ട് ചെയ്യാനാവാത്ത ഒരു പ്രവാസിയുടെ ആഗ്രഹങ്ങള്‍ മാത്രം. :(

ബി.ജെ.പി ക്ക് വോട്ട് ചെയ്യുക.

2011-04-11T00:19:00.000-07:00

ദ്വയാര്‍ത്ഥ പ്രയോഗം, ജമാ അത്തെ ഇസ്ലാമി ബന്ധം ( കഴിഞ്ഞ തവണ പി.ഡി.പി ) , ആരാവും മുഖ്യന്‍ തുടങ്ങി സാധാരണ ജനങ്ങളുടെ പ്രശ്നങ്ങള്‍ ചര്‍ച്ചയില്‍ ഉണ്ടാകാതെ കഴിഞ്ഞ മൂന്ന് പതിറ്റാണ്ടായി കേരളത്തിലെ ഇടതു വലതു മുന്നണികള്‍ നമ്മളെ കബളിപ്പിക്കുന്നത് സാക്ഷരതയിലും വിദ്യാ സമ്പന്നതയിലും മുമ്പില്‍ നില്‍ക്കുന്ന കേരളത്തിലെ ജനങ്ങള്‍ മനസിലാക്കുന്നില്ലേ?

മുല്ല പെരിയാര്‍ പോലൊരു വലിയ പ്രശനം ചര്‍ച്ചകളില്‍ വരാതെ മാധ്യമങ്ങളും ഇതിനു കൂട്ട് നില്‍ക്കുന്നു.

എ.കെ.ആന്റണി യെ പോലൊരു നേതാവ് പറയുന്നത് തുടര്‍ച്ചയായ ഇടതു ഭരണം നാശം വിതയ്ക്കും എന്നാണ് . യു.ഡി.എഫ് ജയിച്ച് അഞ്ചു വര്ഷം കഴിഞ്ഞ് ഈ ആന്റണി ഇടതിന് വേണ്ടി വോട്ടു ചോദിക്കുമോ. തുടര്‍ച്ചയായ ഭരണം മാത്രമേ നാശമുണ്ടാക്കൂ എന്നാണല്ലോ.

പരസ്പരം പഴിചാരല്‍ അല്ലാതെ എന്തെങ്കിലും വിഷയങ്ങള്‍ ചര്‍ച്ചകളില്‍ ഉണ്ടാവുന്നുണ്ടോ?

ഇവരില്‍ ഒരാളെ തിരഞ്ഞെടുക്കേണ്ട ഗതികേട് എന്തുകൊണ്ട് മാറുന്നില്ല?
നമ്മള്‍ കുറച്ചു കൂടി ബുദ്ധിപരമായി ചിന്തിക്കാത്തത് എന്തു കൊണ്ട്?

രണ്ടു മുന്നണികളുടെ അടിമകള്‍ ആകാതെ ബി.ജെ.പി യെ പോലെ ഉള്ള മൂന്നാം ചേരിയില്‍ നില്‍ക്കുന്ന പാര്‍ട്ടികളെയും വിജയിപ്പിച്ചു അവസരം കൊടുക്കണം.

സ്ഥാനാര്‍ഥികളെ നിശ്ചയിക്കുന്നതു മുതല്‍ വര്‍ഗീയ, ജാതി , ഉപജാതി തുടങ്ങിയവയെല്ലാം പരിഗണിക്കുന്ന മുന്നണികള്‍ ബി.ജെ.പി യെ വര്‍ഗീയത ആരോപിച്ചു മാറ്റി നിര്‍ത്തുന്നതില്‍ ഇതുവരെ വിജയിച്ചിട്ടുണ്ട്.

ബി.ജെ.പി കേരളം ഭരിച്ചാല്‍ ഇവിടം നന്നായി പോകും എന്നൊന്നും ഇല്ല. പക്ഷെ ഇടതു വലതു മുന്നണികളെ ഒരു പാഠം പഠിപ്പിക്കാന്‍ കുറച്ചു കൂടി ഉയര്‍ന്ന നിലയില്‍ ചിന്തിക്കാന്‍ ജനങ്ങള്‍ തയാറാകണം. ഈ ഇടതു വലതു മുന്നണികളുടെ അടിമകളായി നമ്മള്‍ മടിയന്മാരായി തുടരണോ?

ഞാന്‍ ഇങ്ങനെ ഒരു പോസ്റ്റ്‌ ഇട്ടതു കൊണ്ട് എല്ലാവരും ബി.ജെ.പിക്ക് വോട്ട് ചെയ്യും എന്നില്ല. പക്ഷെ ഒന്ന് മാറി ചിന്തിക്കേണ്ട കാലം അതിക്രമിച്ചിരിക്കുന്നു.

ഞരമ്പുരോഗികളും തെറിയും

2011-03-29T14:21:00.000-07:00

പലരും പോസ്റ്റിട്ട ഒരു വിഷയമാണ് സന്തോഷ്‌ പണ്ഡിറ്റിന്റെ 'കൃഷനും രാധയും'

ഒടുവില്‍ അയാളെ ഞരമ്പുരോഗി എന്ന് വിളിച്ചുകൊണ്ടു അനാമിക എന്ന അനോണി ബ്ലോഗ്ഗറുടെ പോസ്റ്റും വായിച്ചു.
അയാള്‍ കോട്ടിട്ടു, അയാളുടെ പല്ലുന്തിയതാണ് തുടങ്ങി പല ആരോപണങ്ങളും ആ പോസ്റ്റില്‍ വായിക്കാന്‍ കഴിഞ്ഞു.

എനിക്ക് മനസിലാവുന്നില്ല...
ഒരു ആല്‍ബം ഇറക്കാന്‍ അയാള്‍ക്ക് അവകാശം ഇല്ലേ?
പല്ലുന്തിയവരും മറ്റ് വൈകല്യങ്ങള്‍ ബാധിച്ചവരും ഒക്കെ കൂട്ട ആത്മഹത്യ ചെയ്യണമെന്നാണോ?

നമ്മുടെ ആദര്‍ശ നായകന്മാരായ നടന്മാരുടെ കൂതറ സിനിമകള്‍ക്ക്‌ ജയ് വിളിക്കാനും പാലഭിഷേകം നടത്താനുമുള്ള വിവരദോഷം കാണിക്കുന്ന നമ്മള്‍ മലയാളികള്‍ തന്നെ ആണ് കോപ്പിറൈറ്റ് ഉള്ള ഒരു വീഡിയോ ഒരു ഉളുപ്പും ഇല്ലാതെ യൂ ടുബില്‍ അപ്‌ലോഡ്‌ ചെയ്ത് തെറി കമ്മന്റുകള്‍ക്ക് അവസരം ഉണ്ടാക്കുന്നതും ഹിറ്റ്‌ ധാന്യത്തിന്റെ പങ്കു പറ്റുന്നതും.

കപട സദാചാരം പോലെ കപട കലാവാസന...

മലയാളിയുടെ അസൂയ മാത്രമാണ് ഇത്തരം തെറി കമന്റുകള്‍ക്കു കാരണം.
പണ്ട് ശ്രീനിവാസന്‍ 'പവിഴ മല്ലി' പാടി അഭിനയിച്ചത് പോലെ ഒരു ആക്ഷേപ ഹാസ്യമായി ഇതിനെ കണ്ടാല്‍ പോരെ..

ഒരു തമാശയായി വെറുതെ കേട്ടിരിക്കാന്‍ കൊള്ളാവുന്ന സില്സില വീഡിയോ തെറി കമ്മന്റുകള്‍ കൊണ്ടു മൂടിയപ്പോള്‍ പലപ്പോഴും തോന്നി ഈ ഹരിശങ്കര്‍ തന്നെ ആണോ ഈ തെറികള്‍ എഴുതുന്നതെന്ന്. കമന്‍റുകാരുടെ പ്രൊഫൈല്‍ കണ്ടപ്പോള്‍ നമ്മുടെ മലയാളി മാന്യ സുഹൃത്തുക്കള്‍ തന്നെ ആണ് കുത്തിയിരുന്നു തെറികള്‍ എഴുതുന്നതെന്ന് മനസിലായി.

വല്ലവന്റെയും വീഡിയോ യുടുബില്‍ ഇട്ട് അതിനെ തെറി പറഞ്ഞ് നടന്നു മാന്യന്മാര്‍ ആവുന്ന നമ്മള്‍ ഓരോ മലയാളിയും ഞരമ്പുരോഗികള്‍ ആണ്.

ഇത് വെറും കോണ്‍ഗ്രസ്‌ ആയി പോയി.

2011-03-18T05:34:00.000-07:00

വി.എസ് -നെ മത്സരിപ്പിക്കേണ്ട എന്ന ആദ്യ തീരുമാനം മികച്ചതെന്നു പറഞ്ഞ എന്റെ കഴിഞ്ഞ പോസ്റ്റ്‌ ഡിലീറ്റ് ചെയ്യാന്‍ ആവശ്യപെട്ടു ചില കമ്മന്റുകള്‍ വന്നു.

എന്തായാലും അദ്ദേഹത്തെ മത്സരിപ്പിക്കാന്‍ ഉള്ള തീരുമാനം കമ്മ്യൂണിസ്റ്റ്‌ പാര്‍ട്ടിയെ വെറും കോണ്‍ഗ്രസ്‌ ആക്കി കളഞ്ഞു.

എന്റെ നാട്ടിലും വി.എസ് -ന് വേണ്ടി പ്രകടനം നടത്തി എന്ന് സുഹൃത്തുക്കള്‍ പറഞ്ഞറിഞ്ഞു.
അഴിമതിക്കെതിരെ ,സ്ത്രീ പീഡകര്‍ക്കെതിരെ ഒക്കെ പോരാടുന്നു എന്ന് എല്ലാവരും അദ്ദേഹത്തെ പുകഴ്ത്തുന്നു.

ഒരു സമയത്ത് നാട്ടിലുള്ള കൃഷികള്‍ വെട്ടി നിരത്തി സാധാരണ ജനങ്ങളെ ബുദ്ധിമുട്ടിപ്പിച്ച ഈ വി.എസ് എങ്ങനെ ഇത്ര മഹാന്‍ ആയി എന്ന് ആലോചിച്ചിട്ട് പിടി കിട്ടുന്നില്ല.

പ്രതിപക്ഷ നേതാവായി അദ്ദേഹം ഏറ്റവും തിളങ്ങിയ കിളിരൂര്‍ കേസില്‍ പോലും ഒരു നല്ല നടപടി എടുക്കാന്‍ അദ്ദേഹത്തിന് കഴിഞ്ഞോ?
ആ ശാരിയുടെ അച്ഛനെ പോലും കാണാന്‍ വി.എസ് കൂട്ടാക്കുന്നില്ല എന്ന് വായിച്ചിരുന്നു.
വേറെ ഏതു പീഡന കേസില്‍ ആണ് അദ്ദേഹം ഇടപെട്ടു നടപി എടുപ്പിച്ചത്?

ഒരു അഭിമുഖത്തില്‍ പണ്ട് പോലീസുകാര്‍ ലോക്കപ്പില്‍ പോലീസ് മര്‍ദനം ഏറ്റതും ബയണട്ട് കൊണ്ടു കാലില്‍ കുത്ത് കിട്ടി ബോധം പോയതും വി.എസ് വിശദീകരിക്കുന്നുണ്ട്.പോലീസ് സ്റ്റേ ഷനുകളില്‍ മനുഷ്യന് നേരിടേണ്ടി വരുന്ന ക്രൂരമായ പീഡനങ്ങള്‍ അവസാനിപ്പിക്കാന്‍ വി.എസ് പ്രത്യേകമായി എന്തെങ്കിലും നടപടി എടുത്തോ?

വല്ലവന്റെയും കൃഷിയിടത്തില്‍ കയറി വെട്ടി നിരത്താന്‍ കാണിച്ച ആര്‍ജ്ജവം സാധാരണക്കാരനെ നേരിട്ടു ബാധിക്കുന്ന സര്‍ക്കാര്‍ ഓഫീസുകളിലെ അഴിമതിക്കും കൈ കൂലിക്കും എതിരെ തിരിച്ചു വിടാന്‍ ഈ അഞ്ചു വര്‍ഷത്തില്‍ അദ്ദേഹത്തിന് സാധിച്ചോ?

അഞ്ചു വര്ഷം കൊണ്ട് വി.എസ് വിഭാവനം ചെയ്ത് അദ്ദേഹത്തിന്റെ കഴിവ് കൊണ്ട് മാത്രം കേരളത്തില്‍ എന്തെങ്കിലും ചെയ്തിട്ടുണ്ടോ?

തിരഞ്ഞെടുപ്പ് രാഷ്ട്രീയത്തില്‍ നിന്നും സ്വയം ഒഴിഞ്ഞു മാറി മാതൃക കാണിക്കാനുള്ള മാന്യത പോലും അദ്ദേഹം കാണിച്ചില്ല.
അങ്ങനെ ചെയ്തിരുന്നെങ്കില്‍ അദ്ദേഹത്തിന്റെ വ്യക്തി പ്രഭാവം കൂടുകയേ ഉണ്ടായിരുന്നുള്ളു.
പകരം അധികാരത്തില്‍ കടിച്ചു തൂങ്ങാന്‍ ഉള്ള കൊതി അദ്ദേഹത്തിനുമുണ്ട്.

എന്റെ അഭിപ്രായത്തില്‍ പാര്‍ട്ടിയുടെ ഒരു ചരിത്രപരമായ വിഡ്ഢിത്തമായി പോയി ഈ തീരുമാനം.

ഇന്ന് ജയ്‌ വിളിക്കുന്നവര്‍ ഇദ്ദേഹത്തെ ഭാവിയില്‍ തള്ളി പറയും...

വി.എസ് ഇല്ല. മികച്ച തീരുമാനം.

2011-03-16T06:53:00.000-07:00

വലതു പക്ഷ മാധ്യമങ്ങള്‍ ഊതി പെരുപ്പിച്ച വെറുമൊരു ബലൂണ്‍ മാത്രമാണ് വി.എസും അദ്ദേഹത്തിന്റെ പ്രതിച്ഛായയും.പ്രതിപക്ഷ നേതാവായി അഴിമതിക്കെതിരെ പോരാടി നമ്മെ കോരിത്തരിപ്പിച്ച വി.എസ് അഞ്ചു വര്ഷം ഒരു വെറും മുഖ്യ മന്ത്രി യായി ഭരിച്ചു തീര്‍ത്തു.

അദ്ദേഹത്തെ മാറ്റി നിര്‍ത്തി കഴിഞ്ഞ തവണ കാണിച്ച അബദ്ധം ആവര്‍ത്തിക്കാതിരിക്കാന്‍ ഉള്ള തന്റേടം കാണിച്ച കമ്മ്യൂണിസ്റ്റ്‌ പാര്‍ട്ടിക്ക് അഭിനന്ദനം.

പ്രായം ഒരിക്കലും വി.എസിന് എതിരെ ആരും ഉയര്‍ത്തി കാണിക്കില്ല.പക്ഷെ പ്രതിപക്ഷ നേതാവായി അദ്ദേഹം ഉയര്‍ത്തിയ പ്രതീക്ഷകള്‍ ഭരണത്തിലൂടെ അദ്ദേഹം ഇല്ലാതാക്കി.

ചില യു.ഡി.എഫ് നേതാക്കള്‍ക്കെതിരെ ചില അഴിമതി കേസുകള്‍ ഉയര്‍ത്തികൊണ്ടു വന്നതല്ലാതെ സാധാരണ ജനങ്ങള്‍ക്ക് വേണ്ടി അഞ്ചു വര്‍ഷത്തെ ഭരണത്തിലൂടെ എന്ത് ചെയ്തു.

പുതുമുഖങ്ങളെ പരീക്ഷിക്കാനും ഇത്തരം ധീരമായ തീരുമാനങ്ങള്‍ എടുക്കാനും ഉള്ള കഴിവ് ഒരിക്കലും കോണ്‍ഗ്രെസ്സിനില്ല.

ഭരണം കിട്ടും എന്ന പ്രതീക്ഷയോടെ ഒരു കൂട്ടം നേതാക്കളുടെ ആള്‍ കൂട്ടമായി മാറിയ യു.ഡി.എഫ് -നെ ഭരണത്തില്‍ എത്തിക്കാതിരിക്കാന്‍ ഉള്ള വിവേചനബുദ്ധി കേരളജനത കാണിക്കുമോ?

ഞാനൊരു കമ്മ്യൂണിസ്റ്റ്‌കാരന്‍ അല്ല.പക്ഷെ ഈ തിരഞ്ഞെടുപ്പില്‍ യു.ഡി.എഫ് അധികാരത്തില്‍ വരരുത് എന്നാണ് എന്റെ ആഗ്രഹം.

ഞാന്‍ ഇലക്ഷനില്‍ മത്സരിക്കുന്നില്ല

2011-03-05T08:57:00.000-08:00

അടുത്തു വരുന്ന നിയമസഭാ തിരഞ്ഞെടുപ്പില്‍ മത്സരിക്കാന്‍ എനിക്ക് വ്യക്തിപരമായ ആഗ്രഹം ഇല്ല.കഴിഞ്ഞ നാല് പതിറ്റാണ്ടായി എം.എല്‍.എ, മന്ത്രി എന്നീ സ്ഥാനങ്ങള്‍ വഹിച്ച എനിക്ക് സ്ഥാനമാനങ്ങളില്‍ താല്‍പ്പര്യം ഇല്ല.എങ്കിലുംഞങ്ങളുടെ പാര്‍ട്ടിയുടെ തിരഞ്ഞെടുപ്പ് ഹൈ പവര്‍ കമ്മറ്റി നിര്‍ബന്ധിച്ചാല്‍ മാത്രം ഞാന്‍ മത്സരിക്കും.

കഴിഞ്ഞ തവണ ഞങ്ങളുടെ പാര്‍ട്ടിക്ക് ലഭിച്ച രണ്ടു സീറ്റുകളില്‍ ഞാനും,മകനും മത്സരിച്ചു തോറ്റതുകൊണ്ട് ഇത്തവണ നാല് സീറ്റുകള്‍ വേണം എന്ന് മുന്നണിയില്‍ ശക്തമായി വാദിക്കും.പാര്‍ട്ടിയുടെ യുവജന വിഭാഗത്തെ ദേശിയ തലത്തില്‍ നയിക്കുന്ന ചെറുമകനും , മഹിളാ വിഭാഗത്തെ നയിക്കുന്ന മരുമകളും ഇത്തവണ മത്സരിക്കാന്‍ അര്‍ഹരാണ്.പാര്‍ട്ടി ഹൈ പവര്‍ കമ്മറ്റി നിര്‍ദേശിച്ചാല്‍ അവരും മത്സര രംഗത്ത് ഉണ്ടാവും.അങ്ങനെ യുവാക്കള്‍ക്കും വനിതകള്‍ക്കും കൂടുതല്‍ അവസരം കൊടുക്കും.ചെയര്‍മാന്‍ ഒഴികെ നാല് തവണ മത്സരിച്ചവരെ ഇത്തവണ ഒഴിവാക്കണം എന്നത് പാര്‍ട്ടി നയവുമാണല്ലോ.

പ്രായം ഒരിക്കലും രാഷ്ട്രീയ പ്രവര്‍ത്തനത്തിനോ, ഇലക്ഷനില്‍ മത്സരിക്കുന്നതിനോ തടസമല്ല.നാല് വര്ഷം മുമ്പ് എണ്‍പത് വയസു കഴിഞ്ഞ എന്റെ ശബ്ദത്തിനു വ്യക്തത ഇല്ലാത്തത് പ്രായമേറുമ്പോള്‍ സാധാരണ സംഭവിക്കുന്നതാണ്.പിന്നെ കൈക്ക് അല്‍പ്പം വിറയലും ഉണ്ട്. അതൊന്നും ഇലക്ഷനില്‍ മത്സരിക്കാന്‍ ഒരിക്കലും തടസമാവില്ല. എഴുപത്തി എട്ടാം വയസില്‍ മരിക്കുന്നത് വരെ മഹാത്മാ ഗാന്ധി ജനങ്ങളെ സേവിക്കാന്‍ മുന്നില്‍ തന്നെ ഉണ്ടായിരുന്നു എന്നോര്‍ക്കുക.

എന്റെ സ്ഥിരം മണ്ഡലത്തിലെ വോട്ടറുമാര്‍ 'കൊച്ചാപ്പി ചേട്ടന്‍' മത്സരിക്കണം എന്ന് നിര്‍ബന്ധിച്ചാല്‍ എനിക്ക് മാറി നില്‍ക്കാനാവില്ല.

കഴിഞ്ഞ അഞ്ചു വര്ഷം കേരളം ഭരിച്ചു മുടിച്ച ഭരണ മുന്നണി ഇലക്ഷന്‍ അടുത്തപ്പോള്‍ എനിക്കെതിരെ അഞ്ചോളം അഴിമതി കേസുകളും, എന്റെ മകനെതിരെ സ്ത്രീ പീഡന കേസും കുത്തിപൊക്കി വന്നത് രാഷ്ട്രീയ ലാക്കോടെ ആണ്. അതവരുടെ രാഷ്ട്രീയ പാപ്പരത്വം തെളിയിക്കുന്നു.അതിനു ഞങ്ങള്‍ ഇലക്ഷനിലൂടെ മറുപടി പറയും.

നാടകത്തില്‍ അഭിനയിക്കുന്നവര്‍ സ്റ്റേജില്‍ കിടന്നു മരിക്കണം എന്ന് ആഗ്രഹിക്കുന്നത് പോലെ എനിക്കും എം.എല്‍.എ ആയി തന്നെ മരിക്കാന്‍ ആണ് ആഗ്രഹം.

അടുത്ത വരുന്ന നിയമസഭ ഇലക്ഷനില്‍ മത്സരിക്കാന്‍ എനിക്ക് വ്യക്തിപരമായ ആഗ്രഹം ഇല്ല .
പിന്നെ പാര്‍ട്ടി നിര്‍ബന്ധിച്ചാല്‍.......

ബി.സി.സി.ഐ യുടെ ടീമേ .. പൂയ് ..പൂയ്

2011-03-02T09:26:00.000-08:00

ക്രിക്കറ്റ്‌ ലോക കപ്പിന് മുമ്പേ ചാനല്‍ വാര്‍ത്തകളില്‍ ബി.സി.സി.ഐ യുടെ ടീം കപ്പ്‌ നേടുമെന്ന് പലരും പ്രവചിച്ചിരുന്നു..

പക്ഷെ ടീമിന്റെ ആദ്യ രണ്ടു മത്സരങ്ങള്‍ക്ക് ശേഷവും ആ അഭിപ്രായം അവര്‍ തുടരും എന്ന് തോന്നുന്നില്ല.

ബി.സി.സി.ഐ യുടെ ടീമിനെ സമനിലയില്‍ തളച്ച ഇംഗ്ലണ്ട് നെ ഇതാ അയര്‍ലണ്ട് തോല്‍പ്പിച്ചിരിക്കുന്നു.
അതും റെക്കോര്‍ഡ്‌ സെഞ്ചുറിയുടെ പിന്‍ബലത്തില്‍.

ബി.സി.സി.ഐ യുടെ ടീമേ .. പൂയ് ..പൂയ്

മുല്ലപ്പെരിയാറിന് എന്ത് സംഭവിച്ചു ?

2011-02-28T10:31:00.000-08:00

മലയാളം ബ്ലോഗില്‍ വളരെ സജീവമായി ചര്‍ച്ച ചെയ്ത മുല്ലപ്പെരിയാര്‍ പ്രശ്നത്തിന് എന്ത് സംഭവിച്ചു?

സുപ്രീം കോടതി ഒരു അഞ്ചംഗ കമ്മറ്റിയെ നിയമിച്ചു എന്ന് വിക്കിയില്‍ വായിച്ചറിയാന്‍ കഴിഞ്ഞു.
ആ കമ്മറ്റിയെ തമിഴ്നാട് അംഗീകരിക്കുന്നില്ല.
കോടതി നൂലമാലകളിലൂടെ വര്‍ഷങ്ങള്‍ ഉരുട്ടി പിരട്ടി ഈ പ്രശ്നം എങ്ങും എത്താതെ നില്‍ക്കുന്നു.

നൂറിലധികം പഴക്കം ഉള്ള ഈ അണക്കെട്ട് തകര്‍ന്നാല്‍ കേരളത്തിലെ നാലോ അഞ്ചോ ജില്ലകള്‍ വെള്ളത്തിന്‌ അടിയില്‍ ആവും എന്നാണ് പലയിടത്തും വായിച്ചത്.
അത് സത്യമോ, അതോ വെറും പ്രചാരണമോ എന്ന് ഇപ്പോള്‍ സംശയം തോന്നുന്നു.

കാരണം ഇത്രയും ഭീകരമായ ഒരു അണക്കെട്ട് ബോംബ്‌ കേരളത്തെ തകര്‍ക്കും എന്നറിഞ്ഞിട്ടും നമ്മുടെ രാഷ്ട്രീയ നേതാക്കള്‍ ആരും അതേ പറ്റി പറയുന്നില്ല.

ഭരണപക്ഷമോ , പ്രതിപക്ഷമോ ഒന്നും അതൊരു പ്രശ്നമായി കാണുന്നില്ല.
കോടതിയില്‍ കുരുക്കി ഈ പ്രശ്നത്തില്‍ ഒരു തീരുമാനവും ആകാതെ നിലനിര്‍ത്താനാവും.
പഴി കോടതിക്കാവട്ടെ....

ഒന്നുകില്‍ ആ അണക്കെട്ട് തകരണം...
അല്ലെങ്കില്‍ രാഷ്ട്രീയമായ ഇച്ചാശക്തിയോടെ ആരെങ്കിലും ഇതിനായി മുന്നോട്ട് വരണം.

നമ്മുടെ മന്ത്രിമാരോ ,എം.പി, എം.എല്‍.എ മാരോ ആരെങ്കിലും ഡല്‍ഹിയില്‍ പോയി പാര്‍ലമെന്റിന് മുമ്പില്‍ നിരാഹാരം കിടക്കണം.
രാജ്യം മൊത്തം ഈ വിഷയത്തില്‍ ചര്‍ച്ച ഉണ്ടാവണം. എത്രയോ മനുഷ്യ ജീവനുകള്‍ അപകടത്തില്‍ ആണെന്നത് രാജ്യം മുഴുവന്‍ ശ്രദ്ധിക്കണം.

നിയമസഭയില്‍ നേരെ ചൊവ്വേ ഇരിക്കാതെ അനാവശ്യ കാര്യങ്ങള്‍ക്ക് ഇറങ്ങി പോക്കു നടത്തി തങ്ങളുടെ ഉത്തരവാദിത്തമില്ലയ്മ്മ തെളിയിച്ച യു.ഡി.എഫ് ഇനി അധികാരത്തില്‍ വന്നാലും മുല്ലപെരിയാറിന്റെ കാര്യത്തില്‍ പ്രത്യേകിച്ചൊന്നും സംഭവിക്കില്ല.

മുഖ്യമന്ത്രിയുടെ മകനെതിരെ ആരോപണം ഉയര്‍ത്തി തങ്ങളുടെ മണ്ടന്‍ 'പുത്തി' കാണിച്ച യു.ഡി.എഫ് എന്തു കൊണ്ട് മുല്ലപെരിയാര്‍ പോലുള്ള പ്രശ്നങ്ങളെ പറ്റി സംസാരിക്കുന്നില്ല.

യു.ഡി.എഫ് - അടി തുടങ്ങി

2011-02-19T23:54:00.000-08:00

അടുത്ത ഒരു അഞ്ചു വര്‍ഷത്തേക്ക് കാണാന്‍ സാധ്യത ഉള്ള യു.ഡി.എഫ് -നുള്ളിലെ അടി തൊടുപുഴയില്‍ ഉല്‍ഘാടനം ചെയ്യപ്പെട്ടു.

വര്‍ഷങ്ങളോളം എല്‍.ഡി.എഫ് -ല്‍ നിന്ന പി.ജെ ജോസഫിന് എതിരെ ഉയര്‍ന്ന ആരോപണങ്ങളില്‍ സമരം ചെയ്തും, വഴി തടഞ്ഞും,കോലം കത്തിച്ചും ഒക്കെ പ്രതിഷേധിച്ചിരുന്ന അണികളെ എന്തു പറഞ്ഞാവും കോണ്‍ഗ്രസ്‌ നേതാക്കള്‍ ഇനി ജോസഫിന് വേണ്ടി ജയ് വിളിക്കാനും വോട്ട് ചെയ്യാനും ഒക്കെ ഒരുക്കുന്നത്.

കുഞ്ഞാലിക്കുട്ടി, ബാലകൃഷ്ണ പിള്ള , പി.ജെ ജൊസഫ് വിവാദങ്ങള്‍ യു.ഡി.എഫ് -നുള്ളിലും , മുരളീധരന്‍ , അബ്ദുള്ളക്കുട്ടി ഒക്കെ കാരണം ഉണ്ടാവാന്‍ സാധ്യത ഉള്ള പ്രശ്നങ്ങളും ,പിന്നെ രഹസ്യമായെങ്കിലും മുഖ്യമന്ത്രി കുപ്പായം തുന്നി നടക്കുന്ന നേതാക്കളും ഒക്കെ ചേര്‍ന്നു കോണ്‍ഗ്രസില്‍ ഉണ്ടാവാന്‍ സാധ്യത ഉള്ള പൊട്ടിത്തെറികളും ജനം കാണേണ്ടി വരും.

ഒരു മുഴം മുമ്പേ ഉള്ള മാണി സാറിന്റെ ഏറ് ഏതായാലും ഏറ്റു.
എല്‍.ഡി.എഫ് -ന് അനുകൂലമായി അടുത്തിടെ ഉണ്ടായിട്ടുണ്ട് എന്ന് പറയപ്പെടുന്ന തരംഗത്തില്‍ മാണി സാര്‍ ഒറ്റയ്ക്ക് മത്സരിക്കുകയും കൂടി ചെയ്താല്‍ അപ്രതീക്ഷിത കൂട്ടുകെട്ടുകള്‍ കേരളത്തില്‍ പ്രതീക്ഷിക്കാമോ ?

ഉമ്മന്‍ ചാണ്ടി,കെ.ആര്‍. ഗൌരിയമ്മ , കെ.എം. മാണി,പി.ജെ ജോസഫ്‌ ,എം.വി. രാഘവന്‍ ,ആര്‍.ബാലകൃഷ്ണ പിള്ള തുടങ്ങിയ നേതാക്കളില്‍ കുറച്ചു പേരെങ്കിലും അടുത്ത് വരുന്ന തിരഞ്ഞെടുപ്പില്‍ മത്സരിക്കാതെ മാറി നില്‍ക്കണം. 'യുവാക്കള്‍ക്ക് അവസരം കൊടുക്കും' എന്ന് മൈക്കിനു മുമ്പില്‍ വിളിച്ചു കൂവുന്നത് അല്‍പ്പം പ്രാവര്‍ത്തികം ആക്കി കാണിക്കുക.

എന്നും പുതുമുഖങ്ങളെ പരീക്ഷിക്കാന്‍ ഉള്ള ധൈര്യം കാണിക്കുന്നത് സി.പി.എം തന്നെ ആണ്.

യുവാക്കള്‍ക്കായി മാറി കൊടുത്ത ഒരു കോണ്‍ഗ്രസ്‌ നേതാവിനെ ഓര്‍മ്മ വരുന്നു.
1970- മുതല്‍ എം.എല്‍.എ, എം.പി, മന്ത്രി , സ്പീക്കര്‍ ,ലഫ്.ഗവര്‍ണര്‍ തുടങ്ങി എല്ലാ സ്ഥാനങ്ങളും നേടി ഒടുവില്‍ 2004- ല്‍ ഇനി ജനം ജയിപ്പിക്കില്ല എന്ന് ഉറപ്പായത് കൊണ്ട് കളം വിട്ട സാക്ഷാല്‍ വക്കം പുരുഷോത്തമന്‍.
അതാണ്‌ കോണ്‍ഗ്രസ്‌ ശൈലി.

അഴിമതി കേസുകള്‍ എഴുതിത്തള്ളുക ...

2011-02-10T01:04:00.000-08:00

ഇരുപതു വര്‍ഷങ്ങള്‍ക്കു ശേഷം ഇടമലയാര്‍ കേസില്‍ ആര്‍.ബാലകൃഷ്ണ പിള്ളക്ക് ഒരു വര്ഷം തടവ്‌ ശിക്ഷ വിധിച്ചു.

രണ്ടു കോടി നഷ്ട്ടം ഉണ്ടാക്കി എന്ന കേസില്‍ ഇരുപതു വര്ഷം അന്വേഷണം, അപ്പീല്‍, മറ്റ് കോടതി നൂലാമാലകള്‍ എല്ലാം കഴിഞ്ഞ് രണ്ടു കോടിക്ക് പകരം എത്ര കോടി രൂപ സര്‍ക്കാരിനും (കോടതിക്കും), പ്രതികള്‍ക്കും ചിലവായിട്ടുണ്ടാവും?

രാഷ്ട്രീയമായി അടിക്കാനല്ലാതെ ഇമ്മാതിരി കേസുകള്‍ ഖജനാവിന് കൂടുതല്‍ ചോര്‍ച്ച ഉണ്ടാക്കും എന്നല്ലാതെ വേറൊരു നേട്ടവും ഉണ്ടാവില്ല.
പാംഓയില്‍ കേസും അന്വേഷണങ്ങളിലും, കോടതികളിലൂടെയും ഒക്കെ ഉരുട്ടി പിരട്ടി അവസാനം വരെ ശ്രീ. കരുണാകരന്‍ കാലം കഴിച്ചു.
ലാവ്‌ലിന്‍ കേസും ഇങ്ങനൊക്കെ തന്നെ അവസാനിക്കും.
ബാലകൃഷ്ണ പിള്ളക്കും ഇനി അപ്പീല്‍ കൊടുത്തു വയസു കാലത്തെ ജയില്‍ വാസം ഒഴിവാക്കാം.

സമ്പന്ന കുടുംബത്തില്‍ ജനിച്ച ബാലകൃഷ്ണപിള്ള രാഷ്ട്രീയത്തില്‍ നിന്നും ഒന്നും നേടിയിട്ടില്ല എന്ന വാദം തൊണ്ട തൊടാതെ വിഴുങ്ങാന്‍ ബുദ്ധിമുട്ടുണ്ട്. രാഷ്ട്രീയത്തില്‍ നിന്നും നേടിയത് തന്നെ എടുത്താവും ഇത് വരെ കേസ് നടത്തിയത്.
അങ്ങനെ എങ്കില്‍ ഇമ്മാതിരി അഴിമതി കേസുകള്‍ രാഷ്ട്രീയക്കാരെ കൂടുതല്‍ അഴിമതിക്കാരാക്കും എന്നല്ലാതെ എന്ത് പ്രയോജനം.

എത്ര കോടികള്‍ ചിലവിട്ട് ബോഫോര്സ് കേസ് അന്വേഷിച്ചു, ഇപ്പോളും അന്വേഷിക്കുന്നു.
പിന്നെ ഒരു നൂറായിരം ജുഡീഷ്യല്‍ അന്വേഷണങ്ങള്‍.
എല്ലാം വെറും പാഴ്ചിലവുകള്‍...

സംസ്ഥാനങ്ങളില്‍ 500 കോടിയിലും കേന്ദ്രത്തില്‍ 1000 കോടിയിലും കുറഞ്ഞ ചീള് അഴിമതി കേസുകള്‍ അന്വേഷിക്കാതെ എഴുതി തള്ളണം എന്നാണ് ഒരു സാധാരണ നികുതിദായകന്‍ എന്ന നിലയില്‍ എന്റെ അഭിപ്രായം.

ഈ കവര്‍ സ്റ്റോറി കണ്ടുവോ?

2011-02-05T20:32:00.000-08:00

ഐസ് ക്രീം പാര്‍ലര്‍ കേസിന്റെ പുതിയ വെളിപ്പെടുത്തലുകളെ പറ്റി വസ്തുനിഷ്ഠമായ അവലോകനം .

കാണാത്തവര്‍ കണ്ടിരിക്കുക. ഏഷ്യാനെറ്റിന്റെ 'കവര്‍ സ്റ്റോറി' ...

http://www.asianetglobal.com/ShowVdo.aspx?GlHID=2113

ഐസ് ക്രീമും, വളരുന്ന ആലുകളും

2011-01-31T07:26:00.001-08:00

ഒരു മുഴം മുമ്പേ ഉള്ള ഏറു പോലെ കുഞ്ഞാലികുട്ടിയുടെ 'വധ ഭീക്ഷണി' പ്രസ്താവനയും, പിന്നീട് വന്ന റൌഫിന്റെ ആരോപണങ്ങളും അജിതയുടെയും , മീനാക്ഷി തമ്പാന്റെയും ഒക്കെ വെളിപ്പെടുത്തലുകളും ഒക്കെ ഐസ്ക്രീം പാര്‍ലര്‍ കേസില്‍ തിരിമറികള്‍ ഉണ്ടായിട്ടില്ലേ എന്ന് ന്യായമായും തോന്നി പോകുന്നു.

ജ്യുഡീഷറി പോലും ആരോപണ വിധേയം ആവുകയാണ് ഇവിടെ.

ഒരു ആരോപണം ഉയര്‍ന്നപ്പോള്‍ അതില്‍ എന്തെങ്കിലും വാസ്തവം ഉണ്ടോ എന്ന് പോലും ചിന്തിക്കാതെ കുഞ്ഞാലികുട്ടിയെ സംരക്ഷിക്കാന്‍ ചാണ്ടിയും,ചെന്നിത്തലയും, തങ്കച്ചനും ഒക്കെ അരയും തലയും മുറുക്കി രംഗത്ത് വന്നത് കാണുമ്പൊള്‍ ഇവന്റെയൊക്കെ ആസനത്തില്‍ വളരുന്ന നാണം കെട്ട ആലിനെ പറ്റി ഓര്‍ത്തു പോകുന്നു.കുഞ്ഞാലികുട്ടിയെ പറ്റി ഉള്ള ആരോപണം ലീഗിന് എതിരെ ഉള്ള ഗൂഢാലോചന ആയി ഒക്കെ ആയി ലീഗ് നേതാക്കളും എഴുന്നെള്ളിക്കുന്നു.

എല്‍.ഡി.എഫ് ഭരണ കാലത്ത് കുഞ്ഞാലിക്കുട്ടിക്ക് വേണ്ടി അന്വേഷണം ഉഴപ്പിയോ?
ഭരണത്തില്‍ വന്നാല്‍ സ്ത്രീ പീഡകരെ 'കല് തുറുങ്കില്‍ അടക്കും' എന്ന് പറഞ്ഞ് നമ്മെ വല്ലാതെ കൊതിപ്പിച്ച വി.എസ്, ഭരണത്തിന്റെ അവസാന കാലത്തെങ്കിലും വാക്ക് പാലിക്കുമോ?

ഇതിന്റെ ഒക്കെ വാസ്തവം അറിയാം പൊതുജനം എന്ന കഴുതയ്ക്ക് അവകാശം ഇല്ലേ.

ലജ്ജയില്ലേ പ്രധാനമന്ത്രി...

2010-11-26T00:24:00.000-08:00

ആത്മാര്‍ത്ഥത തൊട്ടു തീണ്ടിയിട്ടില്ലാതെ, തനി രാഷ്ട്രീയക്കാരന്റെ സ്ഥിരം അച്ചടി പ്രസ്താവനകള്‍ നടത്തി എത്ര നാള്‍ നിങ്ങള്‍ ജനങ്ങളെ കബളിപ്പിക്കും.
രണ്ടു വര്ഷം കൊണ്ട് സ്വീകരിക്കാത്ത എന്ത് നടപടി ആണ് താങ്കള്‍ ഇനിയും സ്വീകരിക്കാന്‍ പോകുന്നത്.

ഭീകര ആക്രമണത്തിന്റെ മൂന്നാം വാര്ഷികത്തിലും താങ്കള്‍ ഇതേ പ്രസ്താവന തന്നെ നടത്തും എന്ന് സംശയം ഇല്ല.
അതിന്റെ ഒരു കോപ്പി ഇപ്പോളെ യുവരാജാവിനെ ഏല്‍പ്പിച്ചാല്‍ അദ്ദേഹവും തുടര്‍ന്നും മാറ്റമില്ലാതെ ആ കര്ത്തവ്വ്യം നിറവേറ്റും.

പ്രതികള്‍ക്ക് കോടതി വിധിച്ച ശിക്ഷ നടപ്പാക്കാന്‍ ഉള്ള തന്റേടം കാണിക്കാതെ, അതിന്മേല്‍ നിര്‍ലജ്ജം അടയിരിക്കുന്ന താങ്കളുടെ ഭരണകൂടത്തിനു ഇമ്മാതിരി പ്രസ്താവനകള്‍ നടത്തി ജനങ്ങളുടെ കണ്ണില്‍ മണ്ണിടാന്‍ മാത്രമേ സാധിക്കൂ.

നമ്മുക്ക് കാത്തിരിക്കാം അടുത്ത ആക്രമണത്തിനായി.
എഴുതി തയാറാക്കു ഇന്നേ പ്രസ്താവനകള്‍.

അത്ഭുതമായി ഖനിയിലെ രക്ഷാപ്രവര്‍ത്തനം

2010-10-13T23:29:00.000-07:00

ചിലിയിലെ അറ്റകാമ മരുഭുമിയിലെ സാന്‍ ജോസേ ഖനിയില്‍ കുടുങ്ങിയ 33 പേരെയും 70 ദിവസത്തിനു ശേഷം പുറത്തു എത്തിച്ചു.

ലോകം മുഴുവന്‍ ആകാംഷയോടെ ഉറ്റു നോക്കിയ രക്ഷാപ്രവര്‍ത്തനം ഒരു അത്ഭുതം തന്നെ ആയിരുന്നു.700 മീറ്ററോളം താഴ്ചയില്‍ തുരന്ന ദ്വാരത്തിലൂടെ ആയിരുന്നു 'ഫിനിക്സ്' എന്ന് പേരിട്ട പേടകം ഇറക്കി തൊഴിലാളികളെ രക്ഷിച്ചത്‌.

ഗ്രാനൈറ്റ് പാറയിലെ ഒരു അറയില്‍ ആയിരുന്നു ഇത്രയും ദിവസം 33 തൊഴിലാളികള്‍ കഴിഞ്ഞത്.17 ദിവസം കഴിഞ്ഞാണ് ഇത്രയും ആളുകള്‍ ഖനിയില്‍ ജീവനോടെ ഉണ്ടെന്നു തന്നെ പുറം ലോകം അറിഞ്ഞത്.

അവരുടെ അവസ്ഥയെ പറ്റി ആലോചിച്ചാല്‍ തന്നെ സാധാരണ മനുഷ്യന് സ്വസ്ഥത നഷ്ട്ടപെടും.മനോനില തെറ്റി പോകുന്ന ഒരു അവസ്ഥയില്‍ അവരുടെ മാനസിക നില മെച്ച പെടുത്താന്‍ രക്ഷ പ്രവര്‍ത്തകരും ശ്രദ്ധിച്ചിരുന്നു. ടിവിയില്‍ ഫുട്ബോള്‍ മത്സരം കാണാനും മാറ്റും അവസരം ഉണ്ടാക്കി.

ലോകമെമ്പാടും ഉള്ള ചാനലുകളും മരുഭൂമിയില്‍ തമ്പടിച്ചു ഖനിക്കുളിലെ ദൃശ്യങ്ങള്‍ പോലും തത്സമയം പുറം ലോകത്തെ കാണിച്ചു.

ഈ സംഭവങ്ങള്‍ പുസ്തകങ്ങളിലൂടെയും സിനിമയിലൂടെയും തീര്‍ച്ചയായും പ്രചരിക്കും .

ഖനിയിലെ രക്ഷാപ്രവര്‍ത്തനം, ലോകം പ്രാര്‍ത്ഥനയോടെ

2010-10-12T00:48:00.000-07:00

ചിലിയിലെ ഖനിയില്‍ കഴിഞ്ഞ രണ്ടു മാസത്തില്‍ അധികമായി കുടുങ്ങിയവരെ രക്ഷിക്കാന്‍ ഉള്ള ശ്രമങ്ങള്‍ അവസാന ഘട്ടത്തില്‍.

700 മീറ്റര്‍ താഴ്ചയില്‍ തുരങ്കം ഉണ്ടാക്കി അതിലേക്കു 'ക്യാപ്സ്യൂള്‍' രൂപത്തില്‍ ഉള്ള പേടകം ഇറക്കി അതില്‍ കയറ്റി രക്ഷപെടുത്താന്‍ ആണ് ശ്രമിക്കുന്നത്.
ഖനിയില്‍ കുടുങ്ങിയവരുടെ ബന്ധുക്കളും, ലോകമെമ്പാടുമുള്ള മാധ്യമ പ്രവര്‍ത്തകരും എല്ലാം ആകാംഷയോടെ ഖനി പ്രദേശത്ത് തമ്പടിച്ചിരിക്കുന്നു.

ഇതുവരെ ആളുകളെ പുറത്തു എത്തിച്ചു തുടങ്ങി എന്ന് ഒരിടത്തും വായിക്കാന്‍ കഴിഞ്ഞില്ല, മനോരമയില്‍ ഒഴികെ.

രക്ഷാപ്രവര്‍ത്തനത്തെ പറ്റി കൂടുതല്‍ ഇവിടെ കാണാം.

http://www.bbc.co.uk/news/world-latin-america-11485392

ടിന്റു ലൂക്കാ- ഓട്ടം മാത്രം പഠിച്ചാല്‍ പോരാ

2010-10-11T07:44:00.000-07:00

നമ്മുടെ രാജ്യത്തെ പരിമിതികള്‍ക്ക്‌ ഉള്ളില്‍ നിന്നും തന്റെ കഴിവിന്റെ പരമാവധി ശ്രമിച്ച ടിന്റു ലൂക്കക്ക് അഭിനന്ദനം.

പക്ഷെ ഓട്ടം മാത്രം പഠിച്ചാല്‍ ഇത് പോലുള്ള അന്താരാഷ്ട്ര മത്സരങ്ങളില്‍ മെഡല്‍ നേടാന്‍ ആവില്ല.

ട്രാക്കില്‍ ഓട്ടത്തിന് മുമ്പ് അത് ലറ്റുകളെ പരിചയപ്പെടുത്തിയപ്പോള്‍ അവര്‍ കൈ ഉയര്‍ത്തിയും, 'ഫ്ലയിംഗ് കിസ്സ്‌ ' കൊടുത്തും ഒക്കെ സമ്മര്‍ദം ഇല്ലാതെ കാണപ്പെട്ടപോള്‍ ടിന്റു ലൂക്കാ ഒരു ചിരി പോലും ഇല്ലാതെ അമിത പ്രതീക്ഷകളുടെ സമ്മര്‍ദ്ദത്തില്‍ കാണപ്പെട്ടു.

800 മീറ്റര്‍ മത്സരത്തിന്റെ ആദ്യ ലാപ്പുകള്‍ വേഗത്തില്‍ ഓടി മുന്നില്‍ നിന്ന ടിന്റു ലൂക്കയെ, മറ്റ് അത് ലറ്റുകള്‍ അവസാന ലാപ്പുകളില്‍ നിഷ്പ്രയാസം പിന്നിലാക്കി ഓടി കയറി. ടിന്റു അവസാനം ആണ് ഫിനിഷ് ചെയ്തത്.

ഒരു ദൈവം വേറൊരു ദൈവത്തെ.......

2010-10-10T04:13:00.000-07:00

ഒരു ദൈവം വേറൊരു ദൈവത്തെ തന്റെ ദൈവം എന്ന് വിളിച്ചാല്‍, ആ ദൈവം ദൈവമാകുമോ എന്റെ ദൈവമേ?

എന്തിരന്‍ - ഞാനും കണ്ടു.

2010-10-03T07:00:00.001-07:00

ആദ്യമായിട്ടാണ് രജനികാന്തിന്റെ ഒരു സിനിമ തിയേറ്ററില്‍ പോയി കാണുന്നത്.
കോളേജ് ജീവിത കാലത്ത് വാലും തലയും നോക്കാതെ എല്ലാ മലയാള സിനിമകളും കണ്ടപ്പോഴും രജനികാന്ത് സിനിമകള്‍ കാണാന്‍ ആഗ്രഹം തോന്നിയിട്ടില്ല.
വെറും കോപ്രായം കാണിച്ചു തമിഴന്മാരെ പറ്റിക്കുന്നു എന്നെ തോന്നിയിട്ടുള്ളൂ.

പക്ഷെ പിന്നീട് പല സുഹൃത്തുക്കളും രജനികാന്ത് സിനിമകളെ പറ്റി പറഞ്ഞപ്പോള്‍ ആണ് ഞാന്‍ ശ്രദ്ധിച്ചു തുടങ്ങിയത്.
അവരൊക്കെ രജനികാന്ത് സിനിമകള്‍ വളരെ ഇഷ്ട്ടപെടുന്നു എന്നത് എനിക്ക് അത്ഭുതം ആയിരുന്നു.
സി.ഡി. ഇട്ടും മറ്റും പല രജനികാന്ത് സിനിമകള്‍ കണ്ടത് അപ്പോഴാണ്.

ഇത് രജനികാന്ത് സിനിമ എന്ന മുന്‍വിധിയോടെ കണ്ടപ്പോള്‍ എനിക്കും ഇഷ്ട്ടമായി സിനിമകള്‍.
അതുകൊണ്ട് തന്നെ 'എന്തിരന്‍' തിയേറ്ററില്‍ പോയി കാണാന്‍ ഉള്ള അവസരം വന്നപ്പോള്‍ പോയി കണ്ടു.

പക്ഷെ രജനികാന്തിന്റെ സിനിമകളിലെ പഞ്ച് ഡയലോഗ്, അഴിമതി, അനീതി തുടങ്ങി സമൂഹത്തിലെ തിന്മകളെ എതിര്‍ക്കുന്ന നായകന്‍ തുടങ്ങി പലതും
ഈ സിനിമയില്‍ ഇല്ല. ഒരു സയന്‍സ് ഫിക് ഷന്‍ എന്ന് വേണമെങ്കില്‍ ഈ സിനിമയെ വിശേഷിപ്പിക്കാം.
ഏതു ഭാഷയിലും മൊഴി മാറ്റം ചെയ്തു ഈ സിനിമ പ്രദര്‍ശിപ്പിക്കാം, ദേശ- ഭാഷ വ്യത്യാസങ്ങള്‍ ഇല്ലാതെ.

മറ്റാരോ ഡബ് ചെയ്തു കൊച്ചിന്‍ ഹനീഫയും ഈ സിനിമയില്‍ ഉണ്ട്.
അതുപോലെ കലാഭവന്‍ മണിയെ കണ്ടതും ഒരു സര്‍പ്രൈസ് ആയി.
ഐശ്വര്യ റായിയെ തോട്ടഭിനയിച്ചു എന്ന് മണിക്കും വേണമെങ്കില്‍ വീമ്പു പറയാം.

എ.ആര്‍. റഹ്മാന്റെ സംഗീതം ആകര്‍ഷകമായി തോന്നിയില്ല.

നാണക്കേടിന്റെ കോമണ്‍വെല്‍ത്ത്

2010-09-21T14:16:00.000-07:00

ഇന്ത്യയുടെ ഭരണ സിരാ കേന്ദ്രത്തില്‍ അഴിമതിയുടെയും കെടുകാര്യസ്ഥതയുടെയും ഒക്കെ പ്രതികമായി കോമണ്‍ വെല്‍ത്ത് ഗെയിംസ് ഒരുക്കങ്ങള്‍ പൂര്‍ത്തി ആവുന്നു.

ആദ്യം മുതലേ അഴിമതി ആരോപണങ്ങള്‍ ഉയര്‍ന്ന ഗെയിംസ് ഒരുക്കങ്ങള്‍.
ഇപ്പോഴിതാ അവയൊക്കെ ശരി വയ്ക്കുന്ന സംഭവങ്ങള്‍.
പണി തീര്‍ന്ന മേല്‍പ്പാലം പൊളിയുന്നു.
ഗെയിംസ് വില്ലെജിലെ സൌകര്യങ്ങള്‍ പലതും പൂര്‍ത്തിയായിട്ടില്ല, പൂര്‍ത്തിയായവ പലതും നിലവാരം ഇല്ലാത്തതെന്ന് പരാതി ഉയരുന്നു.
അതിന്റെ എല്ലാം ഒപ്പം സുരക്ഷ ഭീക്ഷണികള്‍, ചില സാമ്പിള്‍ വെടിക്കെട്ടുകള്‍.

ഒരു വശത്ത് രാഷ്ട്രീയക്കാര്‍,ഉദ്യോഗസ്ഥര്‍, കരാറുകാര്‍ തുടങ്ങി ഒരു കൂട്ടം കോടികള്‍ തട്ടി എടുക്കുമ്പോള്‍ മറുവശത്ത് അന്താരാഷ്ട്ര നിലവാരമുള്ള എത്രയോ കായിക താരങ്ങളുടെ ജീവനു തന്നെ ഭീഷണി ആവുന്നു.
അതും കേന്ദ്ര ഭരണകൂടത്തിന്റെ മൂക്കിനു കീഴെ ഇതൊക്കെ സംഭവിക്കുന്നു, എങ്ങനെയും ഈ ഗെയിംസ് ഒന്ന് തീര്‍ന്നു കിട്ടിയാല്‍ മതി എന്നാവും പലരുടെയും ആഗ്രഹം.

ഐ.പി.എല്‍ കുടം തുറന്നു അഴിമതി കഥകള്‍ പുറത്തു വന്നത് പോലെ ഇനി അനവധി കോമണ്‍ വെല്‍ത്ത് അഴിമതി കഥകളും പുറത്തു വരും.അഴിമതിക്ക് ഈ ഇന്ത്യ മഹാരാജ്യത് ആരെങ്കിലും ശിക്ഷിക്കപെടും എന്ന് പൊതുജനം കരുതേണ്ട.

കാലങ്ങളോളം രാജ്യത്തെ കൊള്ളയടിച്ച പഴയ ബ്രിട്ടീഷ്‌ സാമ്രാജ്യത ഭക്തി കാണിച്ച് ഈ കോമണ്‍ വെല്‍ത്ത് നുകം നമ്മള്‍ ഇങ്ങനെ ചുമക്കണോ?

മദ്യദുരന്തവും, മുതലെടുപ്പുകളും.

2010-09-06T05:39:00.001-07:00

കുറ്റിപ്പുറത്ത്‌ കേരളത്തെ ഞെട്ടിച്ചു കൊണ്ട് അടുത്ത മദ്യ ദുരന്തം.
ദിവസം മുഴുവന്‍ കഠിനാ ധ്വാനം ചെയ്ത് വൈകിട്ട് പത്തടിക്കുന്ന ശീലം ഉള്ള കുറച്ച് പാവങ്ങള്‍ ആണ് ഇവിടെ മരിച്ചത്.

ഉന്നത തല അന്വേഷണം നടത്തും എന്ന് കോടിയേരി ബാലകൃഷ്ണന്‍.
മരണങ്ങള്‍ വ്യാജ്യ മദ്യം കാരണം എങ്കില്‍ കൊലപാതക കുറ്റത്തിന് കേസ് എടുക്കും എന്ന് എക്സ് സൈസ് മന്ത്രി ഗുരുദാസന്‍.
മദ്യ നികുതി കൊണ്ട് ഖജനാവ്‌ നിറയുമ്പോള്‍, നല്ല മദ്യം വിതരണം ചെയ്യാന്‍ ഉള്ള ധര്‍മ്മം സര്‍ക്കാരിന്റെതാണ്.

പിന്നെ ഉറക്കപ്പായില്‍ നിന്നും എഴുന്നേറ്റു നടത്തിയ പോലെ രണ്ടു പേരുടെ പ്രസ്താവന.
"ജുഡീഷ്യല്‍ അന്വേഷണം വേണം" രമേശ്‌ ചെന്നിത്തല.
"ജുഡീഷ്യല്‍ അന്വേഷണം സിറ്റിംഗ് ജഡ്ജിയെ കൊണ്ട് തന്നെ വേണം" ഉമ്മന്‍ ചാണ്ടി.

മരിച്ചവര്‍ക്ക് കൊടുക്കേണ്ട ധന സഹായത്തെ പറ്റി രണ്ടു പേരും മറന്നു എന്ന് തോന്നുന്നു.
ധനസഹായം ആവശ്യപെടാന്‍ ഉള്ള അവകാശം മറ്റു പ്രതിപക്ഷ കക്ഷികള്‍ക്ക് വീതം വെച്ച് കൊടുത്തോ എന്നറിയില്ല.

ജുഡീഷ്യല്‍ അന്വേഷണം ആവശ്യപ്പെട്ടാല്‍ തങ്ങളുടെ കടമ തീര്‍ന്നു എന്നാണോ പ്രതിപക്ഷം കരുതുന്നത്.
ഒരു തല്ക്കാലിക്ക മറയിടല്‍ ആണ് ജുഡീഷ്യല്‍ അന്വേഷണങ്ങള്‍ കൊണ്ട് പലപ്പോഴും നേടാന്‍ കഴിയുന്നത്‌.
വര്‍ഷങ്ങള്‍ക്കു ശേഷം റിപ്പോര്‍ട്ട്‌ വരുമ്പോള്‍ അതിനൊക്കെ ഇവര്‍ എന്ത് വിലയാണ് കൊടുക്കുന്നത്.

മന്ത്രിയെ തടയാനും , കള്ളുഷാപ്പ് കത്തിക്കാനും ഒക്കെ മുന്നിട്ടു നിന്ന് യൂത്ത് കോണ്‍ഗ്രസ്സുകാരും നാട്ടുകാരും ഇതുവരെ എവിടെ ആയിരുന്നു.
ജാഥ നടത്താനും കൊടി ഉയര്‍ത്താനും താഴ്ത്താനും എന്ന് വേണ്ട എല്ലാ പരിപാടിക്കും ഇതേ ഷാപ്പില്‍ നിന്നും അവര്‍ എത്ര തവണ പിരിവു നടത്തിയിട്ടുണ്ടാവും.

വല്ലപ്പോഴും ഒരു മദ്യ ദുരന്തം നടന്നില്ലെങ്കില്‍ പിന്നെ എന്തോന്ന് കേരളം.

ഞാനും നൂറ് തികച്ചു.

2010-09-03T02:29:00.000-07:00

അങ്ങനെ തട്ടിയും മുട്ടിയും ഞാനും നൂറ് പോസ്റ്റ്‌ തികച്ചു.
എന്റെ നൂറാമത്തെ പോസ്റ്റ്‌

ഞാന്‍ ഒരു വല്യ സംഭവം - ഏഴു തെളിവുകള്‍. (നൂറാം പോസ്റ്റ്‌ )

എല്ലാവര്ക്കും നന്ദി.

ഞാന്‍ ഒരു വല്യ സംഭവം - ഏഴു തെളിവുകള്‍. (നൂറാം പോസ്റ്റ്‌ )

2010-09-01T22:50:00.000-07:00

ഇതെന്റ്റെ നൂറാം പോസ്റ്റ്‌ ആണ്

ഒന്നാമത്തെ തെളിവ്: ഞാന്‍ തന്നെ. ഞാന്‍ ഒരു വല്യ സംഭവം എന്ന് ഞാന്‍ തന്നെ പറയുന്നു.ഇപ്പോഴിതാ അതേ പറ്റി പോസ്റ്റും ഇടുന്നു.

രണ്ടാമത്തെ തെളിവ്: അഞ്ചാം ക്ലാസ്സില്‍ പഠിക്കുമ്പോള്‍ ഞാന്‍ ആദ്യമായി പ്രേമലേഖനം കൊടുത്ത പെണ്‍കുട്ടി. അവളുടെ മറുപടിയില്‍ നാലാമത്തെ വരിയില്‍ ഇങ്ങനെ കാണാം. " എന്റെ ഇഷ്ട്ടാ... നീ ഒരു വല്യ സംഭവം തന്നെ."

മൂന്നാമത്തെ തെളിവ്: നാട്ടിലെ വായനശാല നടത്തിയ ക്വിസ് മത്സരത്തില്‍ എനിക്ക് രണ്ടാം സ്ഥാനം കിട്ടി. അപ്പോള്‍ പലരും പറഞ്ഞ് ഞാന്‍ ഒരു ഭയങ്കര സംഭവം ആകും എന്ന്.

നാലാമത്തെ തെളിവ്:ആറാം ക്ലാസ്സില്‍ പഠിക്കുമ്പോള്‍ കൂട്ടുകാരുമായി തല്ലു കൂടി. ഒരുത്തനെ കോമ്പസ് കൊണ്ട് കുത്തി. വേറൊരുത്തന്റെ മുഖം നഖം കൊണ്ട് മാന്തി കീറി. അന്ന് ക്ലാസ്സില്‍ ഉള്ള പലരും പറഞ്ഞു " ഇവന്‍ ഭയങ്കരന്‍ ആണല്ലോ".

അഞ്ചാമത്തെ തെളിവ്: ആറാം ക്ലാസ്സില്‍ പഠിക്കുമ്പോള്‍ കൂടെ പഠിക്കുന്ന പെണ്‍കുട്ടിയെ എന്തോ പറഞ്ഞ് കളിയാക്കിയത് ടീച്ചറുടെ അടുത്ത് പരാതിയായി പോയി. "മൊട്ടേന്നു വിരിയുന്നതിനു മുമ്പ് കമന്റ്‌ അടി തുടങ്ങിയോ " എന്ന് ചോദിച്ചു തല്ലു കിട്ടി. "കമന്റ്‌ അടി" എന്ന ഭയങ്കര വാക്ക് ആദ്യമായി കേട്ടപ്പോള്‍ തോന്നി ഞാന്‍ ഒരു സംഭവം തന്നെ എന്ന്.

ആറാമത്തെ തെളിവ്: പ്രീ ഡിഗ്രിക്ക് കോളേജില്‍ ചെന്നപ്പോള്‍ പലരും എന്നെ റാഗ് ചെയ്ത്. പലരോടും എതിര്‍ത്ത് തല്ലു വാങ്ങിച്ചപ്പോള്‍ സഹപാഠികള്‍ എന്നെ ഒരു ഭയങ്കര സംഭവമായി കണ്ടു

ഏഴാമത്തെ തെളിവ്: ആദ്യ രാത്രിയില്‍ എന്റെ ഭാര്യ എന്റെ ചെവിയില്‍ മന്ത്രിച്ചു... "ഭയങ്കരാ...."

ബാക്കി തെളിവുകള്‍ കണ്ടുപിടിക്കുമ്പോള്‍ പ്രസിദ്ധീകരിക്കും.

ഉറക്കം വരുന്നീല്ല

2010-08-28T23:00:00.000-07:00

ഉറങ്ങാന്‍ കിടന്നിട്ടുറക്കം വരുന്നീല്ല
മറിഞ്ഞും തിരിഞ്ഞും കിടന്നു മടുത്തു

വേലി ചാടുന്ന ചെമ്മരിയാടുകള്‍
വേണ്ടുവോളം ഞാന്‍ എണ്ണി കഴിഞ്ഞു
നൂറില്‍ നിന്നൊന്നിലേക്കുള്ള ദൂരം
ഏറെ വേഗം പലകുറി താണ്ടി ഞാന്‍

ഉറക്കമേ എന്തേ അകന്നു പോവൂ?
മറക്കാതെന്നെ വാരിപ്പുണരൂ

പ്രവാസിയുടെ ഓണം ( പകര്‍ച്ച )

2010-08-23T06:18:00.000-07:00

ഒരു പാവം പ്രവാസിയുടെ ഓണം ( പകര്‍ച്ച )

ഈ ആഴ്ച തന്നെ അയല്ക്കാരുമായി ചേര്‍ന്ന് ഒന്ന് കൂടി ഓണം ആഘോഷിക്കാം എന്ന് സമാധാനം.

കടപ്പാട് :ginger restaurent, dublin

മദനി ..ഫ്ലാഷ് ന്യൂസ്‌.

2010-08-16T03:53:00.000-07:00

ഫ്ലാഷ് ന്യൂസ്‌.

മദനിക്ക് ചെറിയ പനിയും ചുമയും ഉണ്ട്.

മദനി അറസ്റ്റ് - സംഭവിക്കുന്നത്‌ എന്ത്?

2010-08-16T00:21:00.000-07:00

മദനി കുറ്റം ചെയ്തോ ഇല്ലയോ എന്നത് എനിക്കറിയില്ല.

പക്ഷെ പ്രതിപട്ടികയില്‍ പേരുള്ള ഒരാളെ അറസ്റ്റ് ചെയ്യാന്‍ ഇത്ര മാത്രം ബുദ്ധിമുട്ടുള്ള കാര്യം ആണോ?
അത് നമ്മുടെ കേരളാ പോലിസിനു.
ചര്‍ച്ചകളും ഊഹാപോഹങ്ങളും ഒക്കെ ആയി കുറെ ദിവസങ്ങളായി അറസ്റ്റ് വാര്‍ത്തകള്‍ മാത്രം.
പുലി വരുന്നേ .. പുലി വരുന്നേ എന്ന കഥ പോലെ കുറെ ദിവസമായി ഇപ്പോള്‍ അറസ്റ്റും, ഇപ്പോള്‍ അറസ്റ്റും എന്ന് പറഞ്ഞ് തുടങ്ങിയിട്ട്.
സ്വാതന്ത്ര്യ ദിനം പോലും മദനി അറസ്റ്റില്‍ മുങ്ങി പോയി.

കര്‍ണാടക പോലീസ് തങ്ങളെ സമീപിച്ചില്ല എന്ന് ആദ്യം കേരളാ പോലീസ്.
പിന്നീട് ഇവര്‍ രണ്ടു കൂട്ടരും ചേര്‍ന്നു വന്‍ സന്നാഹങ്ങളുമായി ഒരു ഭീകര ആക്രമണം നേരിടുന്ന രീതിയില്‍ തമ്പടിച്ചു നീങ്ങുന്നു.
ചര്‍ച്ചകള്‍ , ചര്‍ച്ചകള്‍ ഒരു വശത്ത്. മറുവശത്ത് തന്നെ ഒന്ന് അറസ്റ്റ് ചെയ്യു എന്ന് മദനി.

അറസ്റ്റിനു വഴങ്ങും എന്ന് മദനി പറയുമ്പോഴും അറസ്റ്റ് ചെയ്യാന്‍ പറ്റാത്ത ഒരു ഭീകര അന്തരീഷം ഉണ്ടെന്നു കേരളാ പോലീസ് വരുത്തി തീര്‍ക്കുന്നു.
അല്ലെങ്കില്‍ മാധ്യമങ്ങളിലൂടെ അത്തരമൊരു സാഹചര്യം ആണ് പുറത്തു വരുന്നത്.

ഇവിടെ ആരാണ് ശരിക്കും പൊതു ജനത്തെ പറ്റിക്കുന്നത് ?

ഖുര്‍ആന്‍ തൊട്ടു സത്യം ചെയ്തും, ബീമാപള്ളി വെടിവപ്പു നടത്തിയ പോലീസുകാരാണ് തന്നെ കുടുക്കാന്‍ ശ്രമിക്കുന്നത് എന്നുമൊക്കെ പറഞ്ഞ് ഒരു വര്‍ഗീയ വികാരം തനിക്കു അനുകൂലം ആക്കാന്‍ മദനി ശ്രമിക്കുന്നോ?
പോലീസ് തന്നെ അറസ്റ്റ് ചെയ്ത്, അത് വഴി ഒരു രക്തസാക്ഷി പരിവേഷം ഉണ്ടാക്കാനാണോ മദനിയുടെ ശ്രമം?

അതല്ല മദനിയെ അറസ്റ്റ് ചെയുന്നതിന് സഹായിച്ചാല്‍ അത് വഴി ഉണ്ടാകാന്‍ ഇടയുള്ള ഒരു 'നൂനപക്ഷ' വികാരം ഒഴിവാക്കാന്‍ ആണോ സര്‍ക്കാര്‍ ശ്രമം. പഞ്ചായത്ത്‌ തിരഞ്ഞെടുപ്പൊക്കെ അടുത്തില്ലേ.
പണ്ട് മദനിയെ അറസ്റ്റ് ചെയ്ത് തമിഴ്നാട്‌ പോലിസിനു കൈമാറിയ പാപം (?) വീണ്ടും ആവര്‍ത്തിക്കാന്‍ ഇടതു പക്ഷ സര്‍ക്കാരിനു താല്‍പ്പര്യം ഇല്ല എന്ന് തോന്നുന്നു

അതുകൊണ്ട് മദനിയെ പുകച്ചു പുറത്തു ചാടിച്ച് കോടതിയില്‍ കീഴടങ്ങാന്‍ അനുവദിക്കുക ആണോ പോലീസ് നീക്കം.
അതോ മദനിയുടെ മുന്‍‌കൂര്‍ ജാമ്യാപേക്ഷയില്‍ സുപ്രീം കോടതി വിധി വരെ കാര്യങ്ങള്‍ നീട്ടികൊണ്ട് പോകുക ആണോ ഉദ്ദേശം?

ദുബായിലോട്ട്‌ ഇമെയില്‍ ‌ അയക്കാന്‍ പറ്റുമോ?

2010-08-07T01:54:00.000-07:00

കമ്പ്യൂട്ടറും ഇന്റര്‍നെറ്റും ഒക്കെയായി ബന്ധപ്പെട്ട ചില തമാശകള്‍ പങ്കു വക്കട്ടെ.

എട്ടോ ഒന്‍പതോ വര്ഷം മുമ്പ് മുംബൈയില്‍ കമ്പ്യൂട്ടര്‍ പഠനവും ഇന്റര്‍നെറ്റ്‌ കഫെയില്‍ ജോലിയും ഒക്കെ ആയി കഴിയുന്ന കാലം.
ഇടയ്ക്കു കഫെയില്‍ അടുത്ത ഫ്ലാറ്റിലെ ഒരു സമ്പന്നനായ രത്ന വ്യാപാരി തന്റെ ചെറിയ കുട്ടികളെ 'ഗെയിം' കളിപ്പിക്കാന്‍ കൊണ്ടുവരുമായിരുന്നു.
പക്ഷെ ഒരിക്കലും ഇന്റര്‍നെറ്റ്‌ ഉപയോഗിച്ചിട്ടില്ല.
ഒരു ദിവസം അദ്ദേഹം കയറി വന്നു മുതലാളിയോട് ചോദിച്ച ചോദ്യം ഇങ്ങനെ. 'ദുബായിലോട്ട്‌ ഇമെയില്‍ ‌ അയക്കാന്‍ പറ്റുമോ?'

അതെ കാലം ഞാന്‍ പഠിച്ചിരുന്ന കമ്പ്യൂട്ടര്‍ സ്ഥാപനത്തില്‍ ഒരു സര്‍ദാര്‍ജിയും പഠിച്ചിരുന്നു.
അവിടെ പഠിക്കുന്നവര്‍ ഫയലുകള്‍ സേവ് ചെയ്യുന്നത് 'students' എന്ന ഫോള്‍ഡറില്‍ ആയിരുന്നു.
സര്‍ദാര്‍ജിയുടെ വീട്ടില്‍ കമ്പ്യൂട്ടര്‍ ഉണ്ടായിരുന്നു, പക്ഷെ ആരോ ചോദിച്ചപ്പോള്‍ അദ്ദേഹം അതില്‍ ഒന്നും പ്രാക്ടീസ് ചെയ്യുന്നില്ല എന്നറിഞ്ഞു.
അതിനു കാരണം പറഞ്ഞത് വീട്ടിലെ കമ്പ്യൂട്ടറില്‍ ഫയലുകള്‍ സേവ് ചെയ്യാന്‍ 'students' ഫോള്‍ഡര്‍ ഇല്ല എന്നതാണ്.
ഒരു ഫ്ലോപ്പി വാങ്ങി വന്നാല്‍ 'students' ഫോള്‍ഡര്‍ കോപ്പി ചെയ്തു തരാം എന്ന് ഏതോ ഒരു രസികന്‍ പറഞ്ഞതനുസരിച്ച് സര്‍ദാര്‍ജി ഫ്ലോപ്പി വാങ്ങി ഫോള്‍ഡര്‍ കോപ്പി ചെയ്തു കൊണ്ട് പോയി എന്നു കഥ.

ഒരു ആറു വര്ഷം മുമ്പ് ബാംഗ്ലൂരില്‍ ഒരു ബന്ധുവിന് ഞാനും കൂടി ചേര്‍ന്നാണ് ഒരു സെക്കന്റ്‌ ഹാന്‍ഡ്‌ കമ്പ്യൂട്ടര്‍ വാങ്ങി കൊടുത്തത്,
കുറെ നാളുകള്‍ക്ക് ശേഷം കമ്പ്യൂട്ടര്‍ നെ പറ്റി അന്വേഷിച്ചപ്പോള്‍ അദ്ദേഹം പറഞ്ഞത് ജോലി തിരക്ക് കാരണം അധികം ഉപയോഗിക്കാറില്ല എന്നാണ്.
ഒപ്പം ഒരു സംശയവും.'കുറെ നാളായി ഉപയോഗിക്കാത്തത് മൂലം അതില്‍ വല്ല വൈറസും കയറിയിട്ടുണ്ടാവും"

അടുത്തത് എന്റെ സുഹൃത്ത് ഡല്‍ഹിയില്‍ ആയിരുന്ന കാലത്തേ അനുഭവം.
ഇന്റര്‍നെറ്റ്‌ ഒക്കെ പഠിച്ചു വരുന്നു. അപ്പോള്‍ എവിടുന്നോ ഒരു വിവരം കിട്ടി.
'ഇന്റര്‍നെറ്റ്‌ വളരുമ്പോള്‍ കൂടുതല്‍ സൈറ്റുകള്‍ ഹോസ്റ്റ് ചെയ്യാന്‍ server space കിട്ടാതെ വരും'.
പിന്നീട് ഉയര്‍ന്ന വിലയ്ക്ക് മറിച്ചു വില്‍ക്കാന്‍ കുറെ server space വാങ്ങി അദ്ദേഹം.
അത് പറഞ്ഞു ഇന്ന് ചിരിക്കും.

എന്റെ ഒരു അശ്രദ്ധയുടെ കഥ കൂടി.
ലാപ്ടോപ് ഫോര്‍മാറ്റ്‌ ചെയ്യാന്‍ തീരുമാനിച്ചു. കുറെ നാളുകളായി കൊണ്ട് നടക്കുന്ന ആവശ്യം ഉള്ളതും ഇല്ലാത്തതുമായ കുറെ ഏറെ ഫയലുകളുടെ backup ഒരു external U.S.B Drive -ല്‍ കോപ്പി ചെയ്തു.
പക്ഷെ യു.എസ്.ബി ഊരാതെ XP സി.ഡി. ഇട്ടു പണി തുടങ്ങി.
XP ഇന്‍സ്റ്റോള്‍ ചെയ്യുന്നതിന് മുമ്പ് കാണിച്ച ഡ്രൈവുകള്‍ എല്ലാം ശ്രദ്ധിക്കാതെ 'delete partition' കൊടുത്തു.
കൂട്ടത്തില്‍ ഫയലുകളുടെ backup ഉള്ള യു.എസ്.ബി യുടെയും partition delete ചെയ്തതിനു ശേഷം ആണ് ബള്‍ബ്‌ കത്തിയത്.
പിന്നീട് പല സോഫ്റ്റ്‌വെയര്‍ കള്‍ പരീക്ഷിച്ചാണ് ഫയലുകള്‍ തിരികെ കിട്ടിയത്.
'partition' പോയ external drive എങ്ങനെ ഉപയോഗിക്കാം എന്ന് ഇന്നും അറിയില്ല.

ഒരു ഹോളി- മോളി താരതമ്യം

2010-07-14T18:17:00.000-07:00

ഹോളിവുഡ് അഭിനേതാക്കളില്‍ ചിലര്‍ക്ക് മലയാള സിനിമയിലെ ( മോളിവുഡ് ) അഭിനേതാക്കളുമായി സാമ്യം തോന്നിയിട്ടുണ്ടോ?

എന്റെ ഒരു ചിന്ത ഇങ്ങനെ.

Al Pacino - നെടുമുടി വേണു

Julia Roberts - ശോഭന

Morgan Freeman- തിലകന്‍

Tom Hanks - മോഹന്‍ലാല്‍

Robert de niro - മമ്മൂട്ടി + ജഗതി

സുറിയാനി ക്രിസ്ത്യാനികളുടെ പാരമ്പര്യം, ബ്രാഹ്മണ്യമോ?

2010-07-09T13:55:00.000-07:00

ഓര്‍ത്ത് ഡോക്സ് , യാക്കോബായ, മലങ്കര, മലബാര്‍,മാര്‍ത്തോമാ, ഇവാന്‍ജലിക്കല്‍ തുടങ്ങി പല വിഭാഗങ്ങളായി ഇന്ന് കേരളത്തില്‍ ആരാധനാ നടത്തുന്ന സഭകളുടെ ഒക്കെ പാരമ്പര്യം അറിയാന്‍ പലപ്പോഴും ശ്രമിച്ചിട്ടുണ്ട്. ഇങ്ങനെ പലതായി പിളരുന്നതിനു മുമ്പ് ഇവര്‍ എങ്ങനെ ആയിരുന്നു . ക്രിസ്ത്യാനികള്‍ ആകുന്നതിനു മുമ്പ് ഇവര്‍ ആരായിരുന്നു? പല അവകാശ വാദങ്ങളിലും കേട്ട് പിണഞ്ഞു കിടക്കുന്നതില്‍ സത്യം എന്താണെന്നു മനസിലാക്കാന്‍ പ്രയാസം.

എല്ലാ സഭകളും മാര്‍ത്തോമാ ശ്ലീഹായുടെ പാരമ്പര്യം അവകാശപെടുന്നു.

എ.ഡി 52 - ല്‍ മാര്‍ത്തോമാ കേരളത്തില്‍ കാലുകുത്തുമ്പോള്‍ നിലനിന്ന ദ്രാവിഡ സംസ്കാരവും, പ്രാദേശിക ബിംബങ്ങളെ ആരാധിച്ചിരുന്ന തദ്ദേശിയരായ ഇന്നത്തെ ദളിതരും ആദിവാസികളും, ജൈന - ബുദ്ധ മത അനുയായികളും , വ്യാപാരത്തിനായി വന്ന് സ്ഥിരതാമസം ആക്കിയ അറബികളും, ജൂതരും ഒക്കെയാണ് ഇവിടെ ഉണ്ടായിരുന്നത്. പല സ്വാദ്ര്യശങ്ങളും ഉള്ള ക്രിസ്തുമത ചിന്തകളില്‍ ബുദ്ധ മത അനുയായികളെ ആകര്‍ഷിച്ചു. അവര്‍ തന്നെ ആവും ആദ്യ കാല ക്രിസ്ത്യാനികള്‍.

ആറാം (?) നൂറ്റാണ്ടിനു ശേഷം ഉണ്ടായ ആര്യന്‍ - ബ്രാഹ്മണ അധിനിവേശത്തോടെ അത് വരെ പ്രബലം ആയിരുന്ന ജൈന-ബുദ്ധ മതങ്ങള്‍ തകരുന്നു. 'തോമാ ശ്ലീഹ മാര്‍ഗ്ഗം കൂട്ടിയ നമ്പൂതിരിമാര്‍, ബ്രാഹ്മണര്‍' എന്നൊക്കെ അഭിമാനിക്കുന്നത് ശുദ്ധ മണ്ട്ടത്തരം.

ഇന്ന് ഹിന്ദു മതത്തില്‍ കാണുന്ന ശൈവ - വൈഷ്ണവ കേന്ദ്രീകിത ആരാധന ബ്രാഹ്മണ്യത്തിന്റെ വരവോടെ നിര്‍ബന്ധിക്ക പെട്ടതാണ് .

ജൈന- ബുദ്ധ ദേവാലയങ്ങള്‍ (പള്ളികള്‍) അമ്പലങ്ങളായി. പല പ്രാദേശിക ബിംബങ്ങള്‍ക്കും ബ്രാഹ്മണ്യം പ്രചരിപ്പിച്ച അവതാര കഥകളിലൂടെ രൂപവും ഭാവവും മാറി.

ബ്രാഹ്മണ്യം ചാതുര്‍ വര്‍ണ്ണ്യം സമൂഹത്തില്‍ അടിച്ചേല്‍പ്പിച്ചു. തദ്ദേശീയര്‍ ശൂദ്രരായി. ന്യൂനപക്ഷം എങ്കിലും, ബ്രാഹ്മണ്യം സ്വയം അവകാശപ്പെട്ട് സ്വന്തമാക്കിയ പൌരോഹിത്യ അവകാശത്തിലൂടെ എല്ലാ മേഖലകളിലും അധികാരം സ്വന്തമാക്കി.

ഇന്ന് സുറിയാനി ക്രിസ്ത്യാനികളുടെ പല ആചാരങ്ങളും ഇന്നത്തെ ഹിന്ദു മതത്തിന്റെ ആചാരങ്ങള്‍ അനുകരിച്ചു എന്ന് പറയാറുണ്ട്. അത് ശരി ആണോ?

നേരെ മറിച്ച് പല ക്രൈസ്തവ ചിന്തകളും ഇന്നത്തെ ശൈവ വൈഷ്ണവ ഹിന്ദു മത ചിന്തകള്‍ക്കും,ആചാരങ്ങള്‍ക്കും പ്രേരകം ആയിട്ടുണ്ട്.

ശൈവ - വൈഷ്ണവ - ബ്രാഹ്മണ വിഭാഗങ്ങള്‍ തമ്മില്‍ ആദ്യ കാലത്ത് മത്സരവും അക്രമങ്ങളും ഉണ്ടായിരുന്നു.

കമലഹാസ്സന്റെ 'ദശാവതാരം' സിനിമയിലെ തുടക്കത്തിലേ സംഭവവും ഇത് തന്നെ.

പിന്നീടു ശ്രീ.ശങ്കരാചാര്യരുടെ അദ്വൈത സിദ്ധാന്തം അവതരിപ്പിച്ചപ്പോള്‍ ക്രൈസ്തവരുടെ ത്രീയേക ദൈവവിശ്വാസത്തില്‍ നിന്നും സ്വാധീനം ഉള്‍ക്കൊണ്ടു. അതുപോലെ രക്ത രഹിത ബലി അര്‍പ്പണം.

അതുവരെ ഉണ്ടായിരുന്ന ബുദ്ധ കൃതികളെ നശിപ്പിച്ചു അവയുടെ സ്ഥാനത്ത് പുതിയവ അവതരിപ്പിക്കാനും ബ്രാഹ്മണ്യത്തിനു കഴിഞ്ഞു.

അതിലൊക്കെ ക്രിസ്തു മതത്തിന്റെ സ്വാധീനവും ഉണ്ടായിട്ടുണ്ട്. മഹാവിഷ്ണുവിന്റെ അവതാര കഥകള്‍ യേശു ക്രിസ്തുവിന്റെ മനുഷ്യ അവതാരത്തില്‍ നിന്നും സ്വാധീനം ഉള്‍ക്കൊണ്ടു. അതുപോലെ ഭാഗവത പുരാണത്തിലെ ശ്രീകൃഷ്ണന്റെ ജീവിത കഥയില്‍ പലയിടത്തും

ബൈബിള്‍ സ്വാധീനം കാണാം. ശ്രീ കൃഷ്ണന്റെ ജനനത്തോട് ചേര്‍ന്നു സംഭവിച്ച ശിശു ഹത്യകള്‍, ക്രിസ്തു മണവാളനും സഭാഗംഗങ്ങള്‍ മണവാട്ടികളും ആണെന്ന ബൈബിള്‍ ദര്‍ശനത്തിന്റെ അനുകരണം ആണ് ശ്രീ കൃഷ്ണനും ഗോപികമാരും.

ബൈബിളിലെ മിത്തുകളും മതാനുഷ്ടാന സങ്കല്പങ്ങള്‍ പോലും പുരാണ രചനകളിലെ കഥകള്‍ ആയി രൂപപ്പെട്ടു.ക്രിസ്തു യോര്‍ദാനില്‍ പഴയ സര്‍പ്പത്തിന്റെ തല ചവിട്ടി മര്‍ദിച്ചു എന്ന സ്നാന ശ്രുശ്രൂഷയുടെ മിത്ത് ആണ് കാളിയമര്‍ദ്ദനം ആയി ഭാഗവതത്തില്‍ പ്രത്യക്ഷപ്പെടുന്നത്.

കേരളീയ മതങ്ങളെയും മത സാഹിത്യങ്ങളെയും എന്ന പോലെ സംഘ കാല സാഹിത്യ കൃതികളെ ബൈബിള്‍ സ്വാധീനിച്ചു. തിരുക്കുറള്‍ തൊട്ടു ചിലപ്പതികാരം വരെ നീണ്ടു കിടക്കുന്ന സംഘ കൃതികളുടെ സന്മാര്‍ഗവും ധാര്‍മികവും ആയ സന്ദേശത്തിന്റെ ഉള്‍ ചരട് ബൈബിള്‍ ആണ്.

കേരളത്തിലെ സുറിയാനി ക്രിസ്ത്യാനികള്‍ ഇന്ന് കാണുന്ന ഹിന്ദു മതത്തിന്റെ വിശാല മനസ്കത കൊണ്ട് പ്രചരിപ്പിക്കപ്പെട്ട വിദേശ മതം അല്ല.

പകരം ഇന്ന് കാണുന്ന ഹിന്ദു മതത്തിനും മുമ്പേ പ്രചാരത്തില്‍ വന്ന ക്രിസ്തു മതത്തിന്റെയും ബൈബിളിന്റെയും സ്വാധീനം ഉള്‍ക്കൊണ്ടിട്ടുള്ള ബ്രാഹ്മണ ഹിന്ദു മതം ആണ് കൂടുതല്‍ വൈദേശികം.

അതുപോലെ കേരളത്തിലെ ജൈന-ബുദ്ധ പാരമ്പര്യം ശരിയായി സ്കൂള്‍, കോളേജ് ചരിത്ര പഠനത്തില്‍ ഉള്‍ക്കൊണ്ടിട്ടില്ല.

ഒരു മുന്‍‌കൂര്‍ ജാമ്യം: ആരുടേയും വിശ്വാസത്തെ വൃണപ്പെടുത്തി എന്റെ വിശ്വാസം കേമം എന്ന് അവകാശപ്പെടാന്‍ അല്ല ഇത് എഴുതിയത്. നിഷ്പക്ഷമായ ചരിത്രം മനസിലാക്കാന്‍ ഉള്ള ഒരു ശ്രമത്തിന്റെ ഭാഗം മാത്രം.

ബോഡിഗാര്‍ഡിനെ കൂവി തോല്പ്പിച്ചോ?

2010-07-08T17:31:00.000-07:00

തന്റെ പുതിയ ചിത്രമായ ബോഡിഗാര്‍ഡിനെ ചിലര്‍ കൂവി തോല്‍പ്പിക്കാന്‍ ശ്രമിച്ചു എന്ന് സംവിധായകന്‍ സിദ്ധിക്ക് ആരോപിക്കുന്നു.

അത്ര വല്ല്യ സംഭവം ആയിരുന്നോ ഈ ബോഡിഗാര്‍ഡ് .

ഒരു ഓണ്‍ലൈന്‍ പത്രത്തില്‍ കണ്ട വാര്‍ത്ത‍. ബ്ലോഗില്‍ ചര്‍ച്ച ചെയ്തു പഴകിയതാവം എങ്കിലും ഇത് വായിച്ചപ്പോള്‍ കരച്ചില്‍ വരുന്നു.

പുതുമയുള്ള ലവ് സ്റ്റോറി
ആശയപരമായ വ്യത്യസ്തത ഉള്ള സിനിമ.

ഇതൊക്കെ ശരി അല്ലെ ?

ഇതുപോലൊരു കൂതറ സിനിമ മികച്ചതെന്നു സംവിധായകന്‍ ഇന്നും വിശ്വസിക്കുന്നോ?

താലിബാനിസം കേരളത്തിലും.

2010-07-05T22:49:00.000-07:00

ഇങ്ങനൊരു തലക്കെട്ട്‌ കണ്ട് ഇവിടെ വരികയും, കമന്റ്‌ ഇടുകയും ഒക്കെ അവരവരുടെ സ്വന്തം ഉത്തരവാദിത്വത്തില്‍ മാത്രം.

പറയാനുള്ളത് -3

2010-06-27T04:19:00.000-07:00

അളുപുളി: സമ്പൂര്‍ണ സാക്ഷരതയുടെ ഒരു ഗുണമേ.

-***ദേശാഭിമാനി ഓണ്‍ലൈന്‍ ***-

വിലക്കയറ്റത്തിന്റെ എരിതീയിലേക്ക് ജനങ്ങളെ യാകെ വലിച്ചെറിഞ്ഞ കേന്ദ്ര സര്‍ക്കാരിന്റെ കൊടും ചതിക്കെതിരായ പ്രതിഷേധ കൊടുംക്കാറ്റില്‍ കേരളം നിശ്ചലമായി.

-***മാതൃഭൂമി***-
ഹര്‍ത്താല്‍ പലയിടത്തും അക്രമം; ജനങ്ങള്‍ വലഞ്ഞു .

-***മനോരമ ഓണ്‍ലൈന്‍ ***-
സംസ്ഥാനത്ത് ഇന്നലെ എല്‍.ഡി.എഫ് ആഹ്വാനം ചെയ്ത ഹര്‍ത്താലിനിടെ പല സ്ഥലങ്ങളിലും അക്രമങ്ങള്‍ അരങ്ങേറി. വാഹനങ്ങള്‍ തടയുകയും കടകള്‍ ബലമായി അടപ്പിക്കുകയും ചെയ്തു,

- *** ദീപിക ഓണ്‍ലൈന്‍ ***-
ജനത്തെ ബന്ദിയാക്കി എല്‍.ഡി.എഫ് ഹര്‍ത്താല്‍. എസ്.ഐ. മാരെ തല്ലി ചതച്ചു.

അളുപുളി: ഒട്ടും പുതുമ ഇല്ലാത്ത ഈ തമാശകള്‍ എന്നാണോ അവസാനിക്കുക.
അത് പോലെ ഈ ഇന്ധന വില വര്‍ധന കേരളത്തിന്‌ മാത്രമോ ബാധകം ?.
ഈ ഹര്‍ത്താല്‍ മറ്റു സംസ്ഥാനങ്ങളിലോ ബംഗാളിലോ ഒക്കെ നടന്നോ?

-*** മാധ്യമം ഓണ്‍ലൈന്‍ ***-
ന്യൂദല്‍ഹി: വിലക്കയറ്റം രൂക്ഷമായ സാഹചര്യത്തില്‍ എം.പി മാരുടെ ശമ്പളം വര്‍ധിപ്പിക്കാന്‍ പാര്‍ലമെന്ററി കമ്മിറ്റി ശിപാര്‍ശ ചെയ്തു. 16.000 രൂപയില്‍ നിന്ന് 80,001 ആക്കാനാണ് ശിപാര്‍ശ.

അളുപുളി: ഈ ഇന്ധനത്തിനും മറ്റും അല്‍പ്പം കൂടെ വില കൂട്ടിയിരുന്നെങ്കില്‍ ഒരു ലക്ഷം തന്നെ ശുപാര്‍ശ ചെയ്യാമായിരുന്നു.

-***മനോരമ ഓണ്‍ലൈന്‍ ***-
സൈനാ നെഹ്വാളില് ഇന്തൊനീഷ്യ ഓപ്പണ്‍ കിരീടം.

അളുപുളി: ഈ മിടുക്കിക്ക് അഭിനന്ദനങ്ങള്‍. മറ്റെന്തു പറയാന്‍. സാനിയ പോയാലെന്താ :)

-***മനോരമ ഓണ്‍ലൈന്‍ ***-
ഒന്‍പതു മരണം കൂടി. 700 പോലീസുകാര്‍ക്ക് പനി.

അളുപുളി: അപ്പോള്‍ പനിക്ക് പോലീസിനെ പേടി ഇല്ല.

മുത്തശ്ശി കണക്കുകളൊക്കെ കൃത്യമായി സൂക്ഷിക്കുന്നുണ്ട്.
പക്ഷെ ഇതൊക്കെ ശ്രീമതി ടീച്ചര്‍ സമ്മതിച്ചു തരുമോ.

പറയാനുള്ളത് -2

2010-06-25T14:03:00.000-07:00

- ***മനോരമ ഓണ്‍ലൈന്‍***-

ഇന്ധന വിലവര്‍ധനക്ക് എതിരെ എല്‍.ഡി.എഫ് ഹര്ത്താലിന്റെ പശ്ചാത്തലത്തില്‍ എറണാകുളം , കണ്ണൂര്‍ ജില്ലകളില്‍ നാളെ (ശനി) നടത്താനിരുന്ന പി.എ.സ്സി. യുടെ ലാസ്റ്റ് ഗ്രേഡ് പരീക്ഷ ഒക്ടോബര്‍ ഒന്‍പതിലേക്ക് മാറ്റി.

അളുപുളി: മാസങ്ങളായി കോച്ചിങ്ങും മറ്റുമായി പഠിച്ചു തയാറെടുത്ത ആയിര കണക്കിന് ഉദ്യോഗാര്‍ത്തികള്‍ക്ക് ഒരു 'പണി' കൊടുക്കാന്‍ പറ്റിയല്ലോ.

-***ദീപിക ഓണ്‍ലൈന്‍ ***-

കെ.എം മാണിയും പി.ജെ ജോസെഫും തങ്ങളുടെ പാര്‍ടികള്‍ ഒന്നായ വിവരത്തിനു സ്പീകര്‍ക്ക് കത്ത് നല്‍കി. നിയമസഭ കക്ഷി നേതാവായി മാണി, ഉപ നേതാവായി ജോസഫ്‌, സെക്രടറിയായി തോമസ്‌ ചാഴിക്കാടന്‍ , വിപ്പായി ജോസഫ്‌ പുതുശ്ശേരി, ട്രഷററായി മോന്‍സ് ജോസഫ്‌ തുടങ്ങിയവരെ തിരഞ്ഞെടുതതായും അറിയിച്ചു.

അളുപുളി: സാദാ എം.എല്‍.എ, ചീഫ് കുക്ക് തുടങ്ങിയ സ്ഥാനങ്ങളിലേക്ക് മറ്റു പാര്‍ടികളിലെ എം.എല്‍.എ മാരില്‍ നിന്നും അപേക്ഷ ക്ഷണിച്ചിട്ടുണ്ട്.

പറയാനുള്ളത്-1

2010-06-24T16:49:00.000-07:00

-1ഇന്ത്യാ-പാക്‌ ചര്‍ച്ച മുന്നോട്ട്. സമഗ്രവും സുസ്ഥിരവും അര്‍ത്ഥവത്തുമായ ചര്‍ച്ചയുടെ പാതയിലേക്ക് മടങ്ങി തര്‍ക്ക പരിഹാരത്തിന് ശ്രമിക്കാന്‍ ഇന്ത്യയുടെയും പാകിസ്ഥാന്റെയും വിദേശ കാര്യാ സെക്രട്ടറിമാരുടെ ചര്‍ച്ചയില്‍ ധാരണ.
- ***മനോരമ ഓണ്‍ലൈന്‍ വാര്‍ത്ത‍***-

അളുപുളി : സമഗ്രം,സുസ്ഥിരം,അര്‍ത്ഥവത്ത്. ഇന്ത്യക്കാര്‍ കരുതി ഇരിക്കുക. കാര്‍ഗില്‍ ,മുംബൈ ഒക്കെ ആവര്‍ത്തിക്കാന്‍ സാധ്യത.

ഇന്ത്യ , ഏഷ്യന്‍ രാജാവ്‌. ഏഷ്യ കപ്പ്‌ ക്രിക്കറ്റ്‌ കിരീടം ഇന്ത്യക്ക്.
- ***മനോരമ ഓണ്‍ലൈന്‍***-

അളുപുളി : ഇതിനിടക്ക്‌ അങ്ങനെ ചില സംഭവങ്ങള്‍ ഒക്കെ നടന്നോ? ഈ സംഭവം ഒക്കെ കാണാന്‍ ഇപ്പോളും സമയം കളയുമോ. ഗാംഗുലി തന്നെ അല്ലെ ഇപ്പോളും കാപ്ത്യന്‍.?

കൂട്ടിയ പാല്‍ വില 28 മുതല്‍; നീലക്കവര്‍ ഇനിയും വൈകും.
- *** മാതൃഭൂമി ഓണ്‍ലൈന്‍***-

അളുപുളി : കുപ്പിയിലെ കുടിവെള്ളം, പെപ്സി, കോള തുടങ്ങിയവയുടെ ഒക്കെ വിലയും ആനുപാതികമായി കൂട്ടണം.

സി.എം.എസ്. കോളേജ്പ്രശ്‌നം ഒത്തുതീര്‍ന്നു; വിദ്യാര്‍ഥിയെ പരീക്ഷയെഴുതാന്‍ അനുവദിക്കും
- *** മാതൃഭൂമി ഓണ്‍ലൈന്‍***-

അളുപുളി : വിദ്യാഭ്യാസ സ്ഥാപനങ്ങളില്‍ അക്രമം നടക്കുന്നതിനു മുമ്പു തന്നെ ഇനി സി.എം.എസ് കോളേജ് ഫോര്‍മുല നടപ്പിലാക്കി പ്രശ്നം പരിഹരിക്കണം.

ഭോപ്പാലും 1500 കോടിയും

2010-06-22T11:26:00.000-07:00

25 വര്‍ഷങ്ങള്‍ക്കു ശേഷം ഭോപ്പാല്‍ ദുരന്തത്തിന് ഇരയായവര്‍ക്കായി 1500 കോടിയുടെ പുനരധിവാസ പാക്കേജ്.

ദുരന്തം അട്ടിമറി കാരണം എന്ന് വാദിക്കുന്ന യുണിയന്‍ കാര്‍ബൈഡ് കാരനെ രക്ഷപെടാന്‍ അനുവദിച്ച് ഒടുവില്‍ പിന്നെയും നികുതി പണം കൊണ്ട് കേന്ദ്ര സര്‍ക്കാരിന്റെ കാരുണ്യം.

ഈ പണം അങ്ങ് താഴെ തട്ടില്‍ എത്തുമ്പോഴേക്കും കുറെ പേരുടെ കീശ കൂടി വീര്‍പ്പിക്കാം.

പിന്നെ അതുവഴി കുറെ വോട്ട് കിട്ടും.

ദുരന്തം നേരിട്ടവര്‍ക്ക് വല്ലതും കിട്ടട്ടെ. നല്ല കാര്യം.

വല്ല മണി ഓര്‍ഡര്‍ ആയോ മറ്റോ ഇത് നേരിട്ട് അയച്ചു കൊടുത്താല്‍ നന്നായിരുന്നു.

ആ സിഖ് കലാപം മൂലം ജീവന്‍ നഷ്ട്ടപ്പെട്ടവര്‍ക്കും വല്ലതും ഒക്കെ കൊടുത്തിട്ടുണ്ടോ..

അഫ്സലിന്റെ സുരക്ഷ മാത്രം ആകരുത് പണം ചിലവിടാന്‍ ഒരു കാരണം.

ഇടതിനോട് മമത കുറയുന്നു.

2010-06-02T07:12:00.000-07:00

നിയമ സഭ തിരഞ്ഞെടുപ്പിന്റെ സെമി ഫൈനല്‍ എന്ന് മാധ്യമങ്ങള്‍ വിശേഷിപ്പിച്ച പശ്ചിമ ബംഗാള്‍ മുന്സിപല്‍ തിരഞ്ഞെടുപ്പില്‍ ഇടതു പക്ഷത്തിനു കൊല്‍ക്കത്ത ഉള്‍പ്പെടെ ഭൂരിപക്ഷം ഭരണ സമതികളിലും അധികാരം നഷ്ട്ടപ്പെട്ടു.

വര്‍ഷങ്ങളായി മമതാ ബാനര്‍ജീ നടത്തിയ ശ്രമങ്ങള്‍ക്ക് ഫലങ്ങള്‍ കണ്ടു തുടങ്ങി. നിയമസഭ തിരഞ്ഞെടുപ്പോടെ ഇടതു പക്ഷത്തിന്റെ കാല്‍ നൂറ്റാണ്ടില്‍ അധികം നിലനിന്ന ഭരണം അവസാനിക്കുമോ?

അച്യുതാനന്ദന്‍ ഒരു വര്ഷം കൊണ്ട് അത്ഭുതങ്ങള്‍ ഒന്നും കാണിച്ചില്ല എങ്കില്‍ ബംഗാളിനു പിന്നാലെ കേരളത്തിലും അടുത്ത തിരഞ്ഞെടുപ്പോടെ ഇടതു പക്ഷത്തിനു ഭരണം നഷ്ട്ടപെടും.അത് കൂടി കഴിയുമ്പോള്‍ സഖാക്കള്‍ എല്ലാം ഒന്ന് ഉണരും. പഴയ കൊടികളൊക്കെ പൊക്കി സമര പരിപാടികളുമായി തെരുവില്‍ ഇറങ്ങും. അപ്പോള്‍ പിന്നെ മുന്‍പും പിന്‍പും നോക്കേണ്ടല്ലോ.

കേരളത്തില്‍ കൊണ്ഗ്രസ്സിനെ വെട്ടുന്ന ഒരു മമതാ ബാനര്‍ജീ ആവാന്‍ സാക്ഷാല്‍ മാണി കുഞ്ഞിനു കഴിയുമോ.പി.ജെ ജോസെഫിനെ കുഴിയില്‍ വീഴ്ത്തി, മറ്റു പലതും മാണി മനസ്സില്‍ ഉണ്ടാവും.

യു.ഡി.എഫ് നോട് പിണങ്ങി മാണി എല്ലാ മണ്ഡലങ്ങളിലും സ്ഥാനാര്‍ഥികളെ നിര്‍ത്തുമോ?

കോണ്‍ഗ്രസ്‌ ക്രൈസ്തവ വര്‍ഗീയത വളര്‍ത്തുന്നു എന്ന് അച്യുതാനന്ദന്‍ ആരോപിക്കുന്നു.

മെത്രാന്മാരും പട്ടക്കാരും എല്ലാം കൂടി മാണിയെ അങ്ങ് മുഖ്യമന്ത്രി ആക്കി കളയുമോ?

ഇനിയും കാത്തിരുന്ന് കാണാം.

യു.ഡി.എഫിന്റെ തലവേദനകള്‍

2010-04-28T00:20:00.001-07:00

പഞ്ചായത്ത് തിരഞ്ഞെടുപ്പും, യു.ഡി.എഫ് അധികാരത്തില്‍ വരും എന്ന് കരുതുന്ന അസ്സംബ്ലി തിരഞ്ഞെടുപ്പും ഒക്കെ അടുത്ത് വരുമ്പോള്‍, ലയിച്ചും, നടന്നു കയറിയും, പിളര്‍ന്നും ഒക്കെ പലരും യു.ഡി.എഫില്‍ അടുത്ത് കൂടുന്നു.

ഒടുവില്‍ മാണിയില്‍ ലയിച്ചു പി.ജെ. ജോസ്സഫും വരുന്നത് പലരുടെയും തലവേദന കൂടുകയേ ഉള്ളു .

കുറച്ച് ജനതാദളും, കുറച്ച് ആര്‍.എസ്.പിയും ഒക്കെ പണ്ടേ യു.ഡി.എഫ്. ക്യാമ്പില്‍ ഇടം പിടിച്ചു,

പി.ജെ. ജോസ്സഫ് എല്‍.ഡി.എഫ് വിടുമ്പോള്‍ പിന്നീട് എപ്പോളെങ്കിലും തിരിച്ചൊരു ലയനത്തിന് സാധ്യത ഇട്ടു കൊണ്ട് ഒരു വിഭാഗം എല്‍.ഡി.എഫില്‍ ഉറച്ചു നില്‍ക്കും.

കോണ്‍ഗ്രസിലെ കരുണാകരന്റെ ഗ്രൂപ്പ്‌ പാരമ്പര്യം അവകാശപ്പെട്ട് അകത്തു നില്‍ക്കുന്ന പദ്മജയും, പുറത്തു കാത്തു നില്‍ക്കുന്ന മുരളീധരനും ഇടയ്ക്കു ഓരോന്നു തട്ടി വിടുന്നുണ്ട്.

യു.ഡി.എഫിന്റെ മുഖ്യമന്ത്രിയെ തീരുമാനിക്കും വരെ എങ്കിലും മുരളീധരനെ പുറത്തു തന്നെ നിറുത്താന്‍ ഉമ്മന്‍ ചാണ്ടി, രമേശ്‌ ചെന്നിത്തല തുടങ്ങിയവര്‍ക്കൊക്കെ കഴിയുമോ?

നിയമസഭ തിരഞ്ഞെടുപ്പില്‍ എല്‍.ഡി.എഫിന്റെ അധികാരം നിലനിര്‍ത്താന്‍ ഉള്ള വല്ല മാജിക്കും വി.എസ്സിന്റെ ആവനാഴിയില്‍ അവശേഷിക്കുന്നുണ്ടോ?

നിങ്ങള്‍ അത് ഉപേക്ഷിച്ചോ? ഇല്ലയോ?

2010-04-03T23:12:00.000-07:00

നിങ്ങള്‍ അത് ഉപേക്ഷിച്ചോ ഇല്ലയോ എന്ന് തീര്‍ത്ത് പറയുക.
വെറുതെ വളാ..വളാ.. എന്ന് പറഞ്ഞ് ഉഴപ്പാതെ.
ഉപേക്ഷിച്ചോ ? ഇല്ലയോ? ഒറ്റ വാക്കില്‍ മറുപടി തരിക.
ഉപേക്ഷിച്ചു എങ്കില്‍ നിങ്ങളുടെ കൂടും കുടുക്കയും എടുത്തു സ്ഥലം വിടുക.
അല്ലാതെ മറ്റവര്‍ വരുന്നത് വരെ കടിച്ചു തൂങ്ങി നില്‍ക്കാം എന്നൊന്നും കരുതേണ്ട.
നിങ്ങളെ കൊണ്ട് ഇരട്ട പ്രസവിപ്പിക്കും എന്ന് പറഞ്ഞ് നടക്കുന്ന മറ്റവന്മാരെ നമ്പരുത്
എന്തൊക്കെ വെടക്കാക്കി തങ്ങള്‍ക്കു അടിച്ചെടുക്കാന്‍ പറ്റുമോ എന്ന് ഗവേഷണം നടത്തി നടക്കുകയാണവര്‍.
അല്ലാതെ നിങ്ങളോടുള്ള പ്രേമം കൊണ്ടൊന്നും അല്ല.
എങ്ങനെയും ഉന്തി തള്ളി ഞങ്ങളുടെ കാലം കഴിക്കണം, അത്ര മാത്രം ആണ് അവന്മാരുടെ മനസിലിരുപ്പ്.
അതല്ലേ സഭയില്‍ കയറിയ ഉടനെ മൂട്ട കടി കൊണ്ടത്‌ പോലെ ഇറങ്ങി ഓടുന്നത്.

നിങ്ങള് പോയാല്‍ ഞങ്ങള്‍ക്ക് പുല്ലാണ്. 2500 കോടി സഞ്ചിയില്‍ നിറച്ചു വച്ചിട്ടുണ്ട്.
നിങ്ങള്‍ പോയാല്‍ ഉടന്‍ അതെടുത്തു പ്രയോഗിക്കും.
മൈക്രോ,ഇന്‍ഫോ,ഗൂ... തുടങ്ങിയ ബഹുരാഷ്ട്രകളെ ഒന്നും ഇവിടെ അടുപ്പിക്കില്ല.
ഒരു വടക്കനെ ഇവിടെ ആസ്ഥാന പ്രതിമ ആക്കാന്‍ ശ്രമിച്ചു വെറുതെ നാറിയതാണ്‌ .ആ റബറുകാരന്‍ വെള്ളം നന്നായി കലക്കി മീന്‍ പിടിച്ചു കളഞ്ഞു.
ഇനി പ്രകാശ്‌ മോന്റെയും മോളുടെയും ഒക്കെ മനസ് വായിച്ചേ വല്ലതും ചെയ്യു.
ചുവപ്പ്,നീല ഉടുപ്പും ട്രൌസറും ലുങ്കിയും ഒക്കെ ഇട്ടു നമ്മുടെ ഒരു ലക്ഷം പയലുകള്‍ സ്വതന്ത്ര വെയറുകളില്‍ പണിയും.
ഇനി പണി ഇല്ലെങ്കില്‍ തന്നെ 2500 കോടിയുടെ പലിശ കൊണ്ട് അവന്മാരെ തീറ്റി പോറ്റും.

സമയം അല്‍പ്പം ശരിയല്ല, ചെയ്യ്ന്നതും പറയുന്നതും ഒക്കെ പാരയാവുന്നു എന്ന് കരുതി നമ്മടെ വീര്യത്തെ തൊട്ടു കളിക്കരുത്.
വെട്ടി നിരത്തി കളയും. പറഞ്ഞേക്കാം.
അപ്പോള്‍ പിന്നെ എത്രയും വേഗം നിങ്ങള്‍ പരിപാടി ഉപേക്ഷിച്ചോ ഇല്ലയോ എന്ന് മലര്‍ന്നു കിടന്നു വിളിച്ചു പറയുക.

(കളി നമ്മളോടാ?)

മനോരമ എന്നെ പേടിച്ചോ....?

2010-03-29T04:13:00.000-07:00

മരണ സംഖ്യ പെരുപ്പിച്ചു കാണിക്കുന്ന മനോരമയുടെ നടപടിയെ പറ്റി എഴുതിയ എന്റെ പോസ്റ്റ്‌ 'മരണം.... മനോരമ വക. ' കണ്ടു പേടിച്ചു മനോരമ വാര്‍ത്ത‍ തിരുത്തി. :) :) :)

കുറെ കൂടി യഥാര്‍ത്ഥമായ വാര്‍ത്ത‍.

പോസ്റ്റ്‌ ഇടാന്‍ കാരണമായ പഴയ വാര്‍ത്ത‍....

എന്നെ പേടിച്ചു എന്ന് വെറുതെ പൊങ്ങച്ചം അടിച്ചതാണ്...
ഏതായാലും വാര്‍ത്ത‍ തിരുത്തിയല്ലോ...

മരണം.... മനോരമ വക.

2010-03-29T01:17:00.000-07:00

മനോരമയെ കുറ്റം പറഞ്ഞ് ബ്ലോഗ്‌ എഴുതുന്നതും വായിക്കുന്നതും ഒരു മടുപ്പിക്കുന്ന ഇടപാടാണ്...
പക്ഷെ മനുഷ്യന്റെ സ്വബോധത്തെ ചോദ്യം ചെയ്യുന്നത് കണ്ടിട്ട് എഴുതാതിരിക്കാന്‍ സാധിക്കുന്നില്ല...ക്ഷമിക്കുക.

ഏകദേശം 40 പേര്‍ മരിച്ചു എന്നല്ല, വളരെ ആധികാരികമായി 40 പേര്‍ മരിച്ചു എന്നാണ് മനോരമ വാര്‍ത്ത‍.

BBC,CNN,NDTV തുടങ്ങി മറ്റു കൊമ്പന്മാര്‍ക്കൊന്നും കിട്ടാത്ത കണക്ക്.
മനോരമയുടെ പ്രാദേശിക ലേഖകന്‍ പോയി മൃതദേഹങ്ങള്‍ എണ്ണി തിട്ടപ്പെടുത്തിയോ ?

വായനക്കാരുടെ എണ്ണം പെരുപ്പിച്ചു കാണിക്കുന്ന അതേ ലാഘവത്തോടെ മരണ സംഖ്യ കൂട്ടി പറയുന്നു.

കേരളത്തിലെ പാമ്പുകള്‍ക്കും ഐ.പി.എല്‍. ടീം.

2010-03-20T23:51:00.000-07:00

കൊച്ചി കേന്ദ്രമാക്കി കേരളത്തിലും ഒരു ഐ.പി.എല്‍ ടീം.
കേരളാ കോബ്രാസ് (kerala cobras ) എന്നാവും അത്രേ ടീമിന്റെ പേര്. എത്ര അര്‍ത്ഥവത്തായ പേര് .

പക്ഷെ ഇത് ഒരു വിഭാഗം സവര്‍ണ്ണ പാമ്പുകളെ മാത്രം പ്രതിനിധീകരിക്കുന്നുള്ളൂ.

എല്ലാ പാമ്പുകള്‍ക്കും വേണ്ടി കേരളാ സ്നേക്സ്‌ (kerala snakes ) എന്ന് ടീമിന്റെ പേര് മാറ്റാന്‍ ആവശ്യം ഉയരുന്നു.

ഈ ഒരു ടീമിനായി കാശ് മുടക്കിയവര്‍ക്ക് നന്ദി.

ജോയ് ഫിലിപ്പിനെ പറ്റി വീണ്ടും വായിക്കുമ്പോള്‍.

2010-03-15T09:04:00.000-07:00

2004 -ലെ ലോക്സഭാ തിരഞ്ഞെടുപ്പ് കാലത്ത് നടി സൌന്ദര്യ ഉള്‍പ്പെടെ നാല് പേരുടെ മരണത്തിനിടയാക്കിയ വിമാന അപകടം നമ്മെ ഞെട്ടിച്ചതാണ്.ഒരാഴ്ച കഴിഞ്ഞാണ് എന്റെ സ്കൂളില്‍ സീനിയര്‍ ആയിരുന്ന ജോയ് ഫിലിപ്പാണ് അപകടത്തില്‍ മരിച്ച പൈലറ്റ് എന്ന് ഞാന്‍ അറിഞ്ഞത് വ്യക്തിപരമായ ദുഖത്തിനും കാരണം ആയി.

എട്ടാം ക്ലാസ്സില്‍ സ്കൂളിലെ ബോര്‍ഡിങ്ങില്‍ എത്തുമ്പോള്‍ അവിടെ പത്താം ക്ലാസ്സില്‍ പഠിച്ചിരുന്ന ജോയ് ഫിലിപ്പും ഉണ്ടായിരുന്നു.

പെട്ടെന്ന് ദേഷ്യപ്പെടുന്നവനും, ബോര്‍ഡിങ്ങിലെ അച്ചന്മാരോടു പോലും കയര്‍ത്തു സംസാരിക്കാന്‍ ധൈര്യം കാണിച്ചിരുന്നവനും ഒക്കെ ആയി, ജോയ് എന്നെ പോലെ ഉള്ള ജൂനിയെര്സിനു പേടി സ്വപ്നവും അതേ സമയം ഒരു ഹീറോ യും ആയിരുന്നു.

ഈയിടെ മലയാള മനോരമ യുടെ 'ഞായറാഴ്ച' യില്‍ ജോയിയുടെ പിതാവിനെ പറ്റി വീണ്ടും വായിക്കാന്‍ ഇടയായി.

1965, 71 വര്‍ഷങ്ങളിലെ ഇന്ത്യ- പാക്‌ യുദ്ധത്തില്‍ അതിര്‍ത്തിയില്‍ അപകടകരമായ ജോലി ചെയ്തു രാജ്യത്തെ സേവിച്ച ഉമ്മന്‍ ജോയ് മകന്റെ മരണം നടന്നു അഞ്ചു വര്ഷം കഴിഞ്ഞിട്ടും ന്യായമായ നഷ്ട്ടപരിഹാരം കിട്ടാതെ അധികാരികളുടെ പക്കല്‍ അലയുകയാണ്.

പൈലറ്റിന്റെ കുഴപ്പം കൊണ്ട് അപകടം ഉണ്ടായി എന്ന് വരുത്തി തീര്‍ത്ത് ഇന്‍ഷുറന്‍സ് തുക പോലും ലഭിക്കാത്ത അവസ്ഥയില്‍ ആണിപ്പോള്‍.

മുഖ്യമന്ത്രി, എം.എല്‍.എ ,എം.പി, കേന്ദ്ര മന്ത്രിമാര്‍ തുടങ്ങി പലര്‍ക്കും പരാതി കൊടുത്തെങ്കിലും ന്യായമായ ഒരു നഷ്ട്ട പരിഹാരവും പ്രായമായ മാതാപിതാകള്‍ക്ക് ലഭിക്കാന്‍ ആരും ഒന്നും ചെയ്തിട്ടില്ല.

അപകടങ്ങളും , പ്രകൃതി ദുരന്തങ്ങളും ഒക്കെ ഉണ്ടായി നഷ്ട്ട പരിഹാരത്തിന് അര്‍ഹരായവര്‍ അധികാരികളുടെ പക്കല്‍ പലതവണ കയറി ഇറങ്ങേണ്ട അവസ്ഥ ആണ് നിലനില്‍ക്കുന്നത്. ഇത്തരം അവസരങ്ങളില്‍ നടപടികള്‍ വേഗത്തില്‍ ആക്കാന്‍ ഒരു സ്ഥിരം സംവിധാനം ഉണ്ടാകണം.

'ഞായറാഴ്ച' വാര്‍ത്ത‍ ഇവിടെ:
ഒരു മലയാളി പൈലറ്റിന്റെ ജീവിതം, മരണം, മരണ ശേഷം ....

അതേ വാര്‍ത്തയുടെ സ്ക്രീന്‍ ഷോട്ട് ഇവിടെ:

ഐ.പി.എല്‍. തമാശ തുടങ്ങി.

2010-03-12T11:58:00.001-08:00

ആദ്യ ഓവറില്‍ തന്നെ രണ്ടു വിക്കറ്റ് നഷ്ട്ടപ്പെട്ട ഷാരുഖ് ഖാന്റെ നൈറ്റ്‌ റൈഡേഴ്സ് ടീം കഴിഞ്ഞ ഐ.പി.എല്‍ സീസണിലെ പരാജയ പരമ്പര തുടരും എന്ന് തോന്നിച്ചു.

ഒടുവില്‍ അവര്‍ വിജയിച്ചപ്പോള്‍ ഡെക്കാന്‍ ചാര്‍ജ്ജേര്‍സിന് വേണ്ടി ബെറ്റ് വച്ചവരുടെ എല്ലാം ലക്ഷങ്ങള്‍ പോയി കാണും.

ഒന്നോ രണ്ടോ കളിക്കാര്‍ നന്നായി ബാറ്റ് ചെയ്താല്‍ മത്സര ഫലം മാറുന്ന ഇരുപതു ഓവര്‍ ഗയിം.

തോല്‍ക്കും എന്ന് നാം കരുതുന്ന ടീം ജയിക്കുകയും ജയിക്കും എന്ന് കരുതുന്ന ടീമുകള്‍ തോല്‍ക്കുകയം ചെയ്യുന്ന ഐ.പി.എല്‍ തമാശ ഇനി ഒന്നര മാസം ഉണ്ടാവും.

കല്‍ക്കട്ട നൈറ്റ്‌ റൈഡേഴ്സ് ഒടുക്കം ചാമ്പ്യന്മാര്‍ ആയാലും അത്ഭുതപ്പെടാന്‍ ഇല്ല.

കോടികള്‍ക്കൊന്നും ഒരു വിലയുമില്ലേ.?

2010-03-07T04:44:00.000-08:00

ഐ.പി.എല്‍ ലേലം മാറി വച്ചു.

ഓരോ തവണയും കോടികള്‍ കൂടുതല്‍ കൂടുതല്‍ മറിയുന്ന ഐ.പി.എല്‍ ലേലത്തില്‍ നിന്നും ചിലരെ ഒഴിവാക്കാന്‍ എന്നവണ്ണം പെട്ടെന്ന് കൊണ്ടു വന്ന 5000 കോടിയുടെ ബാങ്ക് ഗ്യാരന്റി എന്ന നിബന്ധന പിന്‍വലിച്ചു.

ഒരു സുപ്രഭാതത്തില്‍ വന്ന പുതിയ നിബന്ധന പ്രിയദര്‍ശനെ പോലെ ഉള്ളവരെ ലേലത്തില്‍ നിന്നും പിന്മാറാന്‍ പ്രേരിപ്പിച്ചു.

5000 -ത്തിലെ ഒരു പൂജ്യം വെറുതെ വെട്ടി പകരം 500 കോടി മതി എന്നായി ഇപ്പോള്‍.
കാരണം ഒന്നും ആരും ചോദിക്കരുത്.

പരമ്പരാഗത സമയം കൊല്ലികളായ രണ്‍ജി,ഏകദിനം,ടെസ്റ്റ്‌ തുടങ്ങിയവയില്‍ ഒക്കെ കളിക്കാര്‍ക്കും താല്‍പ്പര്യം ഉണ്ടാവില്ല.

Wrestling (WWE) ,പഴയ WWF,പോലെ ഒരു ഷോ ഗെയിം ആയി ക്രിക്കറ്റ്‌ മാറി.

ആര്‍ക്കും വേണ്ടാത്ത പാവം ഹോക്കി ടീം ഒന്ന് കൂടി തോറ്റു ലോകകപ്പില്‍ നിന്നും പുറത്തായി. :(

വിലകയറ്റവും കുണ്ടാമണ്ടികളും

2010-03-03T02:46:00.000-08:00

കേന്ദ്രം ഇന്ധന വില വര്‍ധിപ്പിച്ചു.. അവിടെ പ്രതിപക്ഷം പാര്‍ലമെന്‍റില്‍ ബഹളം ഉണ്ടാക്കി ഇറങ്ങി പോക്ക് നടത്തുന്നു.

കേന്ദ്രം ഭരിക്കുന്ന അതേ പാര്‍ട്ടി പ്രതിപക്ഷമായി കേരള നിയമസഭയില്‍ നിന്നും ഇറങ്ങി പോകുന്നു. അതും വിലകയറ്റം പറഞ്ഞ്.

ഇന്ധന വര്‍ധന കാരണം പറഞ്ഞ് ഒരു ഹര്‍ത്താല്‍ കൂടി ജനങ്ങളെ ബുദ്ധിമുട്ടിച്ചു.

ഇനി സംസ്ഥാന സര്‍ക്കാരിനു ബസ്‌ ചാര്‍ജ് കൂട്ടാം.. പഴി കേന്ദ്രത്തിനു കിടക്കും.

തുടര്‍ ദിവസങ്ങളിലും എന്തെങ്കിലും ഒക്കെ കാരണം കണ്ടു പിടിച്ചു നിയമസഭയിലും പാര്‍ലമെന്‍റിലും ഇറങ്ങി പോക്കുകള്‍ ഉണ്ടാവും.

പ്രതിപക്ഷം അവിടെ ഇരുന്നാല്‍ മാത്രമേ അത്ഭുതപ്പെടാന്‍ ഉള്ളു.

ഹര്‍ത്താല്‍,വിലകയറ്റം,ബസ്‌ ചാര്‍ജ് വര്‍ധന ... എല്ലാം സഹിക്കണം പാവം ജനം.

ആരാണ് ഉത്തരവാദികള്‍.

കേന്ദ്രമോ, സംസ്ഥാനമോ അതോ ഈ നാട്ടിലെ ജന്മം തന്നെയോ?

നന്ദി സച്ചിന്‍.... നന്ദി...

2010-02-24T11:55:00.000-08:00

പണ്ട് , 1997- ല്‍ ആ സയീദ് അന്‍വര്‍ ഇന്ത്യക്കെതിരെ 194 രണ്സ്സടിച്ചു റെക്കോര്‍ഡ്‌ ഇട്ട കാലം മുതലേ കാത്തിരിക്കുക ആയിരുന്നു.

ആ റെക്കോര്‍ഡ്‌ ആരെങ്കിലും ഒന്ന് തകര്‍ക്കണേ എന്ന്.

വിരേന്ദ്ര സേവാഗ് എന്നെങ്കിലും അമ്പതു ഓവര്‍ ബാറ്റ് ചെയ്താല്‍ 200 കടക്കും എന്ന് കരുതിയിരുന്നു.

ഒടുവില്‍ സച്ചിന്‍ തന്നെ വേണ്ടി വന്നു അത് മറികടക്കാന്‍.

അഭിനന്ദനങ്ങള്‍

ഇന്‍വിക് റ്റസ് , സിനിമയും കവിതയും.

2010-02-21T15:44:00.000-08:00

ക്ലിന്റ് ഈസ്റ്റ്‌ വുഡ് സംവിധാനം ചെയ്തു 2009 ഡിസംബറില്‍ അമേരിക്കയില്‍ റിലീസ് ചെയ്യുകയും പിന്നീട് ഈ മാസം ലോകം മുഴുവന്‍ റിലീസ് ചെയ്യുകയും ചെയ്തു 'Invictus' എന്ന സിനിമ.

ദക്ഷിണ ആഫ്രിക്കയില്‍ 1995-ല്‍‍ നടന്ന ലോക കപ്പ്‌ റഗ്ബിയില്‍ സെമി ഫൈനല്‍ വരെ പോലും സാധ്യത കല്പ്പിക്കപെടാതിരുന്ന ദക്ഷിണാഫ്രിക്കന്‍ റഗ്ബി ടീം ഫൈനല്‍ വരെ എത്തുകയും. ഫൈനലില്‍ ന്യൂ സീലണ്ടിനെ തോല്‍പ്പിച്ചു കിരീടം നേടുകയും ചെയ്യുന്നതാണ് സിനിമയുടെ ഇതിവൃത്തം.

വര്‍ണ്ണ വിവേചനം നിലനിന്ന ദക്ഷിണാഫ്രിക്കന്‍ രാഷ്ട്രീയ ചരിത്രത്തില്‍ വളരെ പ്രാധാന്യം അര്‍ഹിക്കുന്നതാണീ ലോക കപ്പ്‌ വിജയം.

1990-ല്‍, നീണ്ട 27 വര്‍ഷങ്ങള്‍ നീണ്ട ജയില്‍ വാസത്തിനു ഒടുവില്‍, നെല്‍സണ്‍ മണ്ടേല മോചിതനായി പുറത്ത് വരുന്ന രംഗത്തോടെ സിനിമ ആരംഭിക്കുന്നു. മണ്ടേല ആയി അഭിനയിക്കാന്‍ ഏറ്റവും യോഗ്യന്‍ ആയ മോര്‍ഗന്‍ ഫ്രീമാന്‍ തന്നെ ആ വേഷം കൈകാര്യം ചെയ്യുന്നു.

പിന്നീട് കറുത്ത വര്ഗ്ഗകാര്‍ക്കും വോട്ട് ചെയ്യാന്‍ അവസരം ലഭിച്ച തിരഞ്ഞെടുപ്പിലൂടെ നെല്‍സണ്‍ മണ്ടേല രാജ്യത്തിനെ പ്രസിഡന്റ്‌ ആകുന്നു.

വെളുത്ത വര്‍ഗ്ഗക്കാര്‍ റഗ്ബി കളിക്കുകയും കറുത്ത വര്‍ഗ്ഗക്കാര്‍ അതിനെ വെറുക്കുകയും ചെയ്യുന്ന അവസ്ഥ ആണ് ദക്ഷിണാഫ്രിക്കയില്‍ നിലനിന്നിരുന്നത്. ദക്ഷിണാഫ്രിക്കന്‍ റഗ്ബി ടീം ആയിരുന്ന 'സ്പ്രിംഗ് ബോക്സ്' -ന്റെ മത്സരങ്ങളില്‍ എതിരാളികള്‍ക്ക് വേണ്ടി കയ്യടിക്കാന്‍ കറുത്ത വര്‍ഗ്ഗക്കാരും സ്റ്റേഡിയത്തില്‍ നിരന്നിരുന്നു. കറുത്ത വര്‍ഗ്ഗക്കാരും വെളുത്ത വര്‍ഗ്ഗക്കാരും തമ്മില്‍ നിലനിന്നിരുന്നു പല പ്രശ്നങ്ങളുടെയും ഒരു പ്രത്യക്ഷ ഉദാഹരണം ആയിരുന്നു റഗ്ബിയോടുള്ള രണ്ടു കൂട്ടരുടെയും സമീപനം.

ദക്ഷിണാഫ്രിക്കന്‍ നടന്ന റഗ്ബി ലോക കപ്പില്‍ മത്സരിക്കാന്‍ തയാറെടുക്കുന്ന ടീമിനെ പ്രത്യക്ഷമായി പ്രോത്സാഹിപ്പിച്ചു രാജ്യത്തിന്റെ നേട്ടത്തിന് ഉപകരിക്കാന്‍ മണ്ടേല പദ്ധതി ഇടുന്നു. കറുത്ത വര്‍ഗ്ഗക്കാരെയും റഗ്ബി യിലേക്ക് ആകര്‍ഷിക്കാന്‍ പല നടപടികളും സ്വീകരിക്കുന്നു. ഫൈനലില്‍ എത്തിയതോടെ കറുപ്പും വെളുപ്പും വ്യത്യാസം ഇല്ലാതെ രാജ്യം മുഴുവന്‍ ടീമിനെ പ്രോത്സാഹിപ്പിക്കുന്ന അവസ്ഥ എത്തുന്നു.

ഷാരുഖ് ഖാന്റെ 'ചക്ക്ദേ ഇന്ത്യ' പോലെ ഒരു കഥ. പക്ഷെ അതൊരു ചരിത്ര സംഭവം ആയിരുന്നു എന്ന് വിശ്വസിക്കാന്‍ പ്രയാസം തോന്നും.ഇങ്ങനൊരു സംഭവം നടന്നു എന്ന് പോലും ഈ സിനിമ ഇറങ്ങുന്നതിനെ പറ്റി വായിച്ചപ്പോള്‍ ആണ് അറിയുന്നത്.

തന്റെ 79-ആം വയസിലും ഊര്‍ജ്ജസ്വലതയോടെ ഇങ്ങനൊരു സിനിമ സംവിധാനം ചെയ്തു പുറത്തിറക്കാന്‍ കഴിഞ്ഞ ക്ലിന്റ് ഈസ്റ്റ്‌ വുഡ് , മണ്ടേല യിലൂടെ ഒരു ഓസ്കാര്‍ നോമിനേഷന്‍ കൂടി നേടിയ മോര്‍ഗന്‍ ഫ്രീമാന്‍.

27 - വര്‍ഷത്തോളം തടവില്‍ കിടന്നപ്പോള്‍ തനിക്കു പ്രചോദനം ആയിരുന്ന , ഇന്‍വിക് റ്റസ് (invictus) എന്ന ചെറു കവിത മണ്ടേല റഗ്ബി കാപ് റ്റന് പരിച്ചയപെടുത്തുന്നു.

Out of the night that covers me,
Black as the pit from pole to pole,
I thank whatever gods may be
For my unconquerable soul.

In the fell clutch of circumstance
I have not winced nor cried aloud.
Under the bludgeonings of chance
My head is bloody, but unbowed.

Beyond this place of wrath and tears
Looms but the Horror of the shade,
And yet the menace of the years
Finds and shall find me unafraid.

It matters not how strait the gate,
How charged with punishments the scroll,
I am the master of my fate:
I am the captain of my soul.

(ഇതൊന്നു മലയാളത്തില്‍ പരിഭാക്ഷപ്പെടുത്താന്‍ ഉള്ള ശ്രമം ഞാന്‍ ഉപേക്ഷിച്ചു)

പന്ത്രണ്ടാം വയസില്‍ എല്ലുകള്‍ക്ക് ക്ഷയം ബാധിച്ചു പിന്നീട് കാലുകള്‍ നഷ്ട്ടപ്പെട്ടു ജീവിച്ച 'വില്ല്യം ഏണെസ്റ്റ് ഹെന്‍ലി ' 1875- ല്‍ എഴുതിയതാണ് മുകളിലെ കവിത.

ചിത്രകാരന്റെ 'ഭയം എന്ന വില്‍പ്പനച്ചരക്ക് ' എന്ന പോസ്റ്റില്‍ പ്രതിപാദിക്കുന്ന സാധാരണക്കാരന്റെ ഭയം, മുകളിലെ കവിതയില്‍ പ്രതിപാദിക്കുന്ന ഭയം ഇല്ലാത്ത അവസ്ഥ ഗാന്ധിജി,മണ്ടേല തുടങ്ങിയ മഹാന്മാര്‍ക്ക് മാത്രമേ സാധിക്കു.

വിക്കി യില്‍ കൂടുതല്‍ വായനക്ക്.

Invictus(film))

Invictus(poem)

എന്തിനാണ് സ്വകാര്യ പ്രാക്ടീസ്.

2010-02-20T06:06:00.000-08:00

കനപ്പെട്ട സര്‍ക്കാര്‍ ശമ്പളവും മറ്റു ആനുകൂല്യങ്ങളും പിന്നെ ജീവിതാവസാനം വരെ പെന്‍ഷന്‍ തുടങ്ങിയവ എല്ലാം ലഭിക്കുന്ന മെഡിക്കല്‍ കോളേജ് ഡോക്ടരുമാരുടെ സ്വകാര്യ പ്രാക്ടീസ് ചെയ്തും കാശ് സമ്പാദിക്കാന്‍ അവസരം വേണം എന്ന വാദം സമൂഹത്തിനു നേരെ ഉള്ള സംഘടിതമായ വെല്ലുവിളി ആണ്.

സ്വകാര്യ പ്രാക്ടീസ് ചെയ്യാതിരുന്നാല്‍ സര്‍ക്കാര്‍ പ്രത്യേക അലവന്‍സ് പോലും കൊടുക്കുന്നുണ്ട് എന്നത് ഒരു പുതിയ അറിവാണ്.അത് പോലും വേണ്ട, സ്വകാര്യ പ്രാക്ടീസ് തങ്ങള്‍ നടത്തും എന്ന പിടിവാശി നല്ലതല്ല.

ജോലിയോട് അല്‍പ്പം പോലും ആത്മാര്‍ത്ഥത കാണിക്കാതെ, തോന്നുമ്പോള്‍ ഒക്കെ സമരം ചെയ്തു പാവം പൊതുജനത്തെ പീഡിപ്പിക്കുന്ന ഇമ്മാതിരി വര്‍ഗങ്ങളെ നിലക്ക് നിര്‍ത്താന്‍ ഉള്ള രാഷ്ട്രീയ ഇച്ഹാശക്തി സര്‍ക്കാര്‍ കാണിക്കട്ടെ.

വര്ഷംതോറും കേരളത്തിലും പുറത്തും പഠിച്ചിറങ്ങുന്ന ഡോക്ടര്‍മാര്‍ ഒന്നും ജോലി ചെയ്യേണ്ട എന്നാണോ ഇവരുടെ നിലപാട്?

വീട്ടില്‍ ചെന്ന് ഡോക്ടറിനു കൈമടക്കു മാത്രം കൊടുത്താല്‍ മാത്രമേ സര്‍ക്കാര്‍ ആശുപത്രികളില്‍ വേണ്ട വിധം പരിഗണിക്കപ്പെടുക ഉള്ളു.ഇതേ കൂട്ടര്‍ ഏതു സമയത്തും മിന്നല്‍ പണിമുടക്ക്‌ നടത്തി രോഗികളെ പീഡിപ്പിക്കും. ആരോടും സമാധാനം പറയേണ്ട ആവശ്യം ഇല്ല.

മെഡിക്കല്‍ കോളേജ് അധ്യാപകരുടെ മാത്രം സ്വകാര്യ പ്രാക്ടീസ് ആണോ, അതോ എല്ലാ സര്‍ക്കാര്‍ ഡോക്ടര്‍ മാരുടെയും പ്രാക്ടീസ് ആണോ സര്‍ക്കാര്‍ നിരോധിച്ചതെന്ന് എനിക്ക് അറിവില്ല.

സര്‍ക്കാര്‍ ഡോക്ടരുമാരുടെ സമരം നിയവിരുദ്ധം ആയി പ്രഖ്യാപിച്ചു അവരെ സര്‍വീസില്‍ നിന്നും പുറത്താക്കാന്‍ ഉള്ള തന്റേടം ഭരണകൂടം കാണിക്കണം.

ഓരോ വര്‍ഷവും ആയിരകണക്കിന് പുതിയ ഡോക്ടരുമാര്‍ പഠിച്ചു ഇറങ്ങുന്നുണ്ട്.അവര്‍ക്ക് നേരെ കൊഞ്ഞനം കുത്തരുത്.

മുരളീധരനെ വേണ്ടേ വേണ്ട ...

2010-01-27T04:56:00.000-08:00

കരുണാകരന്‍ മകന്‍ മുരളീധരനെ കോണ്‍ഗ്രസിന്‌ വേണ്ട എന്ന് വീണ്ടും പ്രഖ്യാപിച്ച കെ.പി.സി.സി. ക്ക് ആശംസകള്‍.

'മൂന്ന് രൂപ അംഗത്വം ','രണ്ടു വര്‍ഷത്തേക്ക് സ്ഥാനങ്ങള്‍ വേണ്ട', 'വയോധികനായ കരുണാകരന്റെ ഒടുക്കത്തെ ആഗ്രഹം' ,'ഇപ്പോള്‍ കോണ്‍ഗ്രസില്‍ ഉള്ളവരെല്ലാം കോണ്‍ഗ്രസില്‍ നിന്ന് പുറത്തു നിന്നിട്ടുള്ളവര്‍ ആണ്','ഹൈക്കമാണ്ട് നിര്‍ദേശം' തുടങ്ങി തക്കിട തരികിട സമ്മര്‍ദ്ദങ്ങളെ എല്ലാം ഭാവിയിലും ചെറുക്കാന്‍ കെ.പി.സി.സി. ക്ക് കഴിയട്ടെ.

ഇനി കുറെ നാള്‍ എങ്കിലും എല്ലാ മാധ്യമങ്ങളും ഈ മുരളി വിശേഷങ്ങള്‍ അവസാനിപ്പിക്കുക.

ഇന്ന് മുരളീധരന്‍ ആയിരിക്കുന്ന അവസ്ഥക്ക് കാരണം അയാള്‍ മാത്രമാണ്.
ചാനലുകളിലൂടെ ഉള്ള വീമ്പു പറച്ചില്‍ അഭ്യാസങ്ങള്‍ ആദ്യം നിര്‍ത്തുക.

ജനങ്ങളെ സേവിക്കാന്‍ അത്ര മുട്ടി നില്‍ക്കുക ആണെങ്കില്‍ ഇടതും വലതും അല്ലാത്ത ഒരു മൂന്നാം മുന്നണി ഉയര്‍ത്തികൊണ്ടു വരാന്‍ മുരളീധരന്‍ ശ്രമിക്കട്ടെ. അതിന് എന്റെ എല്ലാ ആശംസകളും.

ആയിരം നീന്തല്‍ കുളങ്ങള്‍ - തമാശ ആണോ?

2010-01-06T03:28:00.000-08:00

ഒരു വര്ഷം കൊണ്ട് കേരളത്തില്‍ ആയിരം സ്റ്റേഡിയങ്ങളും നീന്തല്‍ കുളങ്ങളും നിര്‍മ്മിക്കും എന്ന് മന്ത്രി വിജയകുമാര്‍.

ഇത് മന്ത്രിയുടെ തമാശയോ അതോ മനോരമ വക അച്ചടി പിശകോ എന്നുറപ്പില്ല.

ഇപ്പറഞ്ഞത്‌ പ്രായോഗികം ആണോ? അതും ഒരു വര്ഷം കൊണ്ട്?

ഇപ്പോള്‍ ഉള്ള സ്റ്റേഡിയങ്ങളും നീന്തല്‍ കുളങ്ങളും എല്ലാ സൌകര്യങ്ങളോടെ വൃത്തിയോടെ ആണോ സൂക്ഷിക്കുന്നത്?

കേരളത്തില്‍ മൊത്തം 991പഞ്ചായത്തുകള്‍.

അപ്പോള്‍ ഓരോ പഞ്ചായത്തിലും ഓരോ സ്റ്റേഡിയം വീതം വേണം.

ഞങ്ങളുടെ പഞ്ചായത്തില്‍ ഒരെണ്ണം ഉണ്ട് :)

ഇപ്പോള്‍ ഉള്ള സ്റ്റേഡിയങ്ങള്‍ ഉള്‍പെടെ ആണോ ആയിരം അതോ പുതിയ ആയിരം എന്നാണോ മന്ത്രി ഉദ്ദേശിച്ചത്?

കേരളം മൊത്തം കുളം കുത്താന്‍ ഉള്ള പരിപാടി ആണോ ആവോ?

'ഭ്രമരം' ത്തിന്റെ സബ് ടൈറ്റിലുകള്‍, മോസര്‍ബേര്‍ വക .

2009-12-31T04:28:00.000-08:00

മോഹന്‍ലാലിന്‍റെ 'ഭ്രമരം' സിനിമയുടെ ഡി.വി.ഡി. ഈയിടെ മോസര്‍ബേര്‍ (moserbaer) പുറത്തിറക്കിയിരുന്നു.

അതിലെ ചില ഇംഗ്ലീഷ് സബ് ടൈറ്റിലുകള്‍ ശ്രദ്ധിച്ചിട്ടുണ്ടോ?കുറ്റം പറയാന്‍ വേണ്ടി അല്ല. സംഭവം രസം ആണ്. ഇതാ ചില സാമ്പിള്‍.

1. "വീട്ടു ഭരണം മാത്രം അല്ല. ചിലപ്പോള്‍ കൈ വരെ കഴുകി കൊടുക്കേണ്ടി വരും"
സബ് ടൈറ്റില്‍: " Not only house hold work, sometime I have to give his tie also in his hand"

2. "കൂലി.... കൊച്ചിലെ (ചെറുപ്പത്തിലെ) ഞങ്ങള്‍ പിള്ളാര്‍ ഇവനെ അങ്ങനെയാ വിളിച്ചിരുന്നത്‌"
"Boys at cochin always call him Coolie"

3. "സ്റെപ്പിനി ഇല്ലേ?... ശരി നീ പോയി ജാക്കി എടുത്തോണ്ട് വാ "
"You go and bring the jockey"

4. "അണ്ണാറക്കണ്ണാ വാ പൂവാല ചങ്ങാത്തം കൂടാന്‍ വാ"
"Mischievous kanna come. come & join me in the play"

5. "അത് ഇവന് സൈക്കിള്‍ വാങ്ങാന്‍ വേണ്ടി അച്ഛച്ചന്‍ കൊടുത്തതാണ്"
"Father gave me to buy Encyclopedia"

2009-ലെ 'അളുപുളി' അവാര്‍ഡുകള്‍.

2009-12-30T04:03:00.000-08:00

എല്ലാവര്ക്കും നവവത്സരാശംസകള്‍

2009-ലെ മികച്ച പത്ത് ബ്ലോഗുകള്‍ക്കുള്ള 'അളുപുളി' അവാര്‍ഡുകള്‍ താഴെ പറയുന്ന ബ്ലോഗുകള്‍ നേടി.

1. മൊത്തം ചില്ലറ.
വര്‍ഷത്തിലെ ഒറ്റ പോസ്റ്റിലൂടെ അവാര്‍ഡ്‌ ജേതാക്കളുടെ ലിസ്റ്റില്‍ ആദ്യ സ്ഥാനം.. പോസ്റ്റുകളുടെ എണ്ണത്തില്‍ അല്ല കാര്യം.
'മൊത്തം ചില്ലറ ' യിലെ പോസ്റ്റുകള്‍ വായിച്ചു ചിരിക്കാതിരിക്കാന്‍ ഒരിക്കലും കഴിയില്ല.
ഇനി ഒന്നേ അറിയേണ്ടു. ഇതിനെ വെല്ലാന്‍ വിശാലമനസ്ക്കന്റെ ഒരു പോസ്റ്റ്‌ ഈ വര്ഷം അവസാന നിമിഷം പ്രതീക്ഷിക്കാമോ.

2. ബ്രിജ് വിഹാരം.
നരമ്മവും നൊമ്പരവും ഇടകലര്‍ന്ന, അരികും മൂലയും ഒക്കെ നന്നായി ചെത്തി മിനുക്കിയ ലക്ഷണം ഒത്ത പോസ്റ്റുകള്‍.

3. കായംകുളം സൂപ്പര്‍ഫാസ്റ്റ് .
ശുദ്ധമായ നര്‍മ്മം. സുന്ദര ബ്ലോഗ്ഗര്‍.

4. നീര്‍‌മിഴിപ്പൂക്കള്‍.
അനുഭവങ്ങള്‍ ശുദ്ധമായി അവതരിപ്പിക്കുന്നു ഏച്ചുകെട്ടുകള്‍ ഇല്ലാതെ.

5. നന്ദപര്‍വ്വം.
എഴുത്തും വരയും എല്ലാം സുന്ദരം.

6. കേരള ഹ ഹ ഹ !
വലിയ ശരീരവും അതിനൊത്ത മനസും ഉള്ള ബ്ലോഗര്‍. ചെറായിയിലെ വരയ്ക്ക് ബോണസ് പോയിന്റ്‌.

7. പോങ്ങുമ്മൂടന്‍
ഹാസ്യം കൈകാര്യം ചെയ്യുന്ന ഒരു ഭയങ്കര പുലി.

8.നര്‍മ്മ സദസ്സ്
അധികം എഴുതിയിട്ടില്ല എങ്കിലും ചിരിപ്പിക്കാന്‍ ഉള്ള കഴിവ് അപാരം.

9. ആദ്യാക്ഷരി.
മലയാളം ബ്ലോഗിലെ തുടക്കാര്‍ക്ക് മാത്രമല്ല, എല്ലാവര്ക്കും ഉപകാരപ്രദമായ ബ്ലോഗ്‌.

10. ബെര്‍ളിത്തരങ്ങള്‍
സൂര്യന് കീഴെ എന്തിനെ പറ്റിയും പോസ്റ്റുകള്‍ പ്രതീക്ഷിക്കാവുന്ന ഒരു ബ്ലോഗ്‌ യന്ത്രം. അപാര ഭാവന വിളയാട്ടം.

2009-ലെ മോശം ബ്ലോഗുകള്‍ക്കുള്ള 'പുളുപുളി' അവാര്‍ഡുകള്‍ താഴെ പറയുന്ന ബ്ലോഗുകള്‍ നേടി.

1. കൊള്ളികള്‍
കവിത്വം കൊണ്ട് അനുഗ്രഹീതന്‍. പക്ഷെ കയ്യിലിരുപ്പു കൊണ്ട് മോശം ബ്ലോഗുകളുടെ പട്ടികയില്‍.

2. Sharan's Xerox ബ്ലോഗ്‌
ബ്ലോഗ്‌ കോപ്പി അടിയില്‍ ഏറ്റവും പുതിയ അവതാരം. ഒരു അവാര്‍ഡ്‌ അര്‍ഹിക്കുന്നു.

3. ജിക്കൂസ്
നല്ല ഭാവി ഉള്ള ബ്ലോഗിലെ പയ്യന്‍. പക്ഷെ പലപ്പോഴും മുതിര്‍ന്നവരുടെ ട്രൌസര്‍ ഇട്ടു ബ്ലോഗില്‍ വിളയാടാന്‍ ശ്രമം.

ഇതും കണ്ണുമടച്ചു വിഴുങ്ങിക്കോ.

2009-12-28T01:55:00.000-08:00

1992 -ല്‍ ശ്രീ. കെ. കരുണാകരനുണ്ടായ കാര്‍ അപകടവും അതെ തുടര്‍ന്ന് ഉണ്ടായ ചില നിഗൂഡ സംഭവങ്ങളുടെയും രഹസ്യം ഇതാ 17 വര്‍ഷങ്ങള്‍ക്കു ശേഷം പുറത്തു വരുന്നു മനോരമ അഴ്ച്ചപതിപ്പിലൂടെ.

രാത്രിയില്‍ ഉണ്ടായ അപകടത്തിന് ശേഷം നേരം വെളുക്കും മുമ്പേ അപകടത്തില്‍ തകര്‍ന്ന കാര്‍ സംഭവ സ്ഥലത്ത് നിന്നും മാറ്റി.
പത്ര റിപ്പോര്‍ട്ടര്‍മാര്‍ ഒക്കെ വരുന്നതിനും മുമ്പേ.

കാറില്‍ പല പെട്ടികളിലായി കള്ളപ്പണം ഉണ്ടായിരുന്നു എന്ന് ആരോപണം ഉയര്‍ന്നിരുന്നു.

പക്ഷെ കാര്‍ മാറ്റാന്‍ ഉണ്ടായ കാരണം അതി ഭയങ്കര രഹസ്യം ആയിരുന്നു.
അന്നത്തെ ഐ.ജി. ജോസഫ്‌ തോമസ്‌ ഇതാ 17 വര്‍ഷങ്ങള്‍ക്കു ശേഷം അത് മനോരമ വാരികയിലൂടെ വെളിപ്പെടുത്തുന്നു.
അപകടത്തിന്റെ ഭീകരത കണ്ടു ആശുപത്രി കിടക്കയില്‍ വച്ച് കരുണാകരന് മുഖ്യ മന്ത്രി സ്ഥാനം നഷ്ട്ടപെടതിരിക്കാന്‍ വേണ്ടി ആണ് കാര്‍ മാറ്റിയത്.

ഇത്ര കളങ്കം ഇല്ലാത്ത ഒരു കാരണം കൊണ്ട് കാര്‍ മാറ്റിയപ്പോള്‍ അസൂയക്കാര്‍ എന്തൊക്കെ ആണ് പറഞ്ഞു പരത്തിയത്.

മനോരമ ആഴ്ചപതിപ്പ് ഇവിടെ വായിക്കാം

നുണ വീരനായ ഒരാളുടെ സില്‍ബന്ധി നുണ വീരന്മാരുടെ വാരികയിലൂടെ വെളിപ്പെടുത്തുന്ന ഇത്തരം രഹസ്യങ്ങള്‍ തൊണ്ട തൊടാതെ വിഴുങ്ങാന്‍ പറ്റുമോ?

ഇങ്ങനുള്ള പഴയ രഹസ്യങ്ങളും മറ്റും വെളിപ്പെടുത്തുന്നത് ഒരു ഫാഷന്‍ ആണല്ലോ ഇപ്പോള്‍.
ഡി.ജി.പി ആയി വിരമിച്ച ജോസഫ്‌ തോമസ്‌ ഒരു പുസ്തകം എഴുതുന്നു. അതിനുള്ള ഒരു പബ്ലിസിറ്റി ആണോ ഇതുകൊണ്ട് ഉദ്ദേശിച്ചത്?

ഇന്ത്യക്കാരന്‍ എന്താണ് ഗൂഗിളില്‍ സെര്‍ച്ച്‌ ചെയ്യുന്നത്?

2009-12-15T12:25:00.000-08:00

ഒരു ഇമെയില്‍ ഫോര്‍വേഡ്. പഴയതാണോ എന്നറിയില്ല.

ഇന്ത്യക്കാരന്‍ എന്താണ് ഗൂഗിളില്‍ സെര്‍ച്ച്‌ ചെയ്യുന്നത്?

google.com -ഉം google.in -ഉം തമ്മില്ലുള്ള വ്യതാസ്യം ഇതാ..

അമ്പട ഞാനേ... എടാ ഭയങ്കരാ...

2009-12-14T04:21:00.000-08:00

അങ്ങനെ ഞാനും കോപ്പി അടിക്കപ്പെട്ട ബ്ലോഗര്മാരുടെ ക്ലബ്ബില്‍ അംഗം ആയി.

നന്ദി ശരണെ.. നന്ദി.

അടിച്ചു മാറ്റപ്പെടാന്‍ യോഗ്യത ഉള്ള ചില പോസ്റ്റുകള്‍ ഞാന്‍ എഴുതിയിട്ടുണ്ട് എന്നറിഞ്ഞതിന്റെ സന്തോഷം കൊണ്ട് എനിക്കിപ്പോള്‍ ഇരിക്കാന്‍ വയ്യ.

പോസ്റ്റുകള്‍ അടിച്ചു മാറ്റുക മാത്രമല്ല ബെര്‍ളിയുടെ ഒക്കെ പോസ്റ്റുകള്‍ പോലെ എന്റെയും പോസ്റ്റുകള്‍ ഇമെയില്‍ ഫോര്‍വേഡ് ആക്കി സഹായിക്കണം എന്ന് ഇതിനാല്‍ അഭ്യര്‍ത്ഥിക്കുന്നു.

പാവം പിടിച്ച എന്റെ പോസ്റ്റ്‌ തന്നെ അടിച്ചു മാറ്റി ബ്ലോഗ്‌ തുടങ്ങിയതിന്റെ ഐശ്വര്യം താങ്കള്‍ക്കും താങ്കളുടെ ബ്ലോഗിനും ഉണ്ടായിരിക്കട്ടെ.

എന്റെ മാത്രമല്ല അവിടെ കണ്ട മൂന്നാല് പോസ്റ്റുകള്‍ മറ്റു പലരുടെയും അടിച്ചു മാറ്റിയതാണ്.
അത്യാവശ്യക്കാര്‍ ദയവായി അവിടെ പോയി അദ്ദേഹത്തെ പ്രോത്സാഹിപ്പിക്കുക.

കുറെ നാള്‍ മുമ്പ് 'വേണാട്' എന്ന ബ്ലോഗില്‍ എന്റെ പോസ്റ്റ്‌ കണ്ടപ്പോള്‍ അത് അഗ്രിഗേറ്റര്‍ പോലെ എന്തോ സംഭവം ആണെന്നാ ആദ്യം കരുതിയത്‌.

പക്ഷെ പിന്നീട് മറ്റാരുടെയോ പോസ്റ്റ്‌ വായിച്ചപ്പോള്‍ ആണ് അവിടെ പോസ്റ്റുകള്‍ അടിച്ചു മാറ്റുന്ന ഒരു യന്ത്രം തന്നെ സ്ഥാപിച്ചിരുന്നു എന്ന് മനസിലായത്.

അടുത്ത പോസ്റ്റ്‌ എന്തിടും എന്ന് കരുതി ഇരിക്കുമ്പോള്‍ ആണ് 'ശ്രീ' യുടെ ഒരു കമന്റ്‌ കിട്ടിയത്.
നന്ദി ശ്രീ.

ബീമപള്ളി ഇസ്ലാമിന് ഒരു മറുപടി.

2009-12-08T00:59:00.000-08:00

ഒരു ക്രിസ്ത്യാനി ആണെങ്കിലും ബൈബിള്‍ ഉദ്ദരിച്ച്‌ ഒരാളോട് തര്‍ക്കിക്കാന്‍ ഉള്ള അറിവ് എനിക്ക് ഇല്ല എന്നതില്‍ ലജ്ജിക്കുന്നു.

എങ്കിലും ബീമപള്ളി ഇസ്ലാം എന്ന അനോണി ബ്ലോഗിലെ 'കുരിശ് മരണം ഖുര്‍ആനിലും ബൈബിളിലും.! ' എന്ന പോസ്റ്റിനു ഒരു മറുപടി.

ബൈബിളിനെ പറ്റി പറഞ്ഞതില്‍ വല്ല സത്യം ഉണ്ടോ എന്ന് ബൈബിളില്‍ തന്നെ നോക്കാം എന്ന് കരുതി.

ആ പോസ്റ്റിലെ ചില ഭാഗങ്ങളും എന്റെ മറുപടിയും താഴെ.
"
ബൈബിളില്‍ തന്നെ ബൈബിളിനെതിരായ പരാമര്‍ശങ്ങളാണു ഈ സംഭവത്തില്‍ നാലു സുവിശേഷകരും വിത്യസ്തമായി നല്‍കുന്നതു.

ചുമ്പനത്തിലൂടെയാണ് യൂദാസു യേശുവിനെ ഒറ്റിക്കൊടുത്തതെന്നു മത്തായി പറയുമ്പോള്‍ അത്തരം ഒരു സൂചന യോഹന്നാന്റെ സുവിശേഷത്തില്‍ ഇല്ല.

#ചുംബനത്തിലൂടെ ഒറ്റി കൊടുത്തു എന്ന് യോഹന്നാന്‍ പറയുന്നില്ല. യേശു സ്വയം മുന്നോട്ട് വന്നു എന്ന് പറയുന്നു.

യേശുവിനെ പിടിച്ചു ആദ്യം കയ്യാഫാസിന്റെടുക്കലാണ് കൊണ്ട്പോയതെന്ന് മത്തായി പറയുമ്പോള്‍ കയ്യാഫാസിന്റെ ബന്ധുവായ അന്നാസിന്റടുക്കലാണ് പോയതെന്ന് ലൂക്കോസ് പറയുന്നു.

#ഇത് തികച്ചും തെറ്റാണു. അന്നാസിന്റെ അടുക്കല്‍ കൊണ്ട് പോയി എന്ന് ഒരിടത്തും പറയുന്നില്ല.

"യേശുവിനെ പിടിച്ചു ബന്ധിച്ചവര്‍ പ്രധാന പുരോഹ്ഹിതനായ കയ്യഫസിന്റെ അടുത്തേക്ക് അവനെ കൊണ്ട് പോയി". മത്തായി 26:57-57

"അവര്‍ അവനെ പിടിച്ച് പ്രധാനാചാര്യന്റെ വീട്ടിലേക്ക് കൊണ്ട് പോയി.പത്രോസ് അകലെയായി അവനെ അനുഗമിച്ചിരിക്കുന്നു" ലൂക്കോസ് 22: 54-54

കുരിശു ചുമന്നത് യേശുവാണെന്ന് മത്തായി പറയുമ്പോള്‍ അതല്ല യേശുവിനോടോപ്പമുള്ള മറ്റൊരാളാണ് ചുമന്നതെന്ന് മാര്‍ക്കോസ് പറയുന്നു.

#യേശുവിനെ കൊണ്ട് കുരിശു ചുമപ്പിച്ചാല്‍ 'ഗോല്‍ഗോഥാ' മല വരെ എത്തില്ല എന്ന് അറിയാവുന്ന പടയാളികള്‍ ഇടയ്ക്കു ശിമയോനെ കൊണ്ട് കുരിശു ചുമപ്പിക്കുന്നുണ്ട്.

"അവര്‍ പോകുന്ന വഴി ശിമയോന്‍ എന്ന ഒരു കിറേനേക്കാരനെ കണ്ടു മുട്ടി. യേശുവിന്റെ കുരിശു ചുമക്കാന്‍ അവര്‍ അവനെ നിര്‍ബന്ധിച്ചു" മത്തായി 27: 32-൩൨

"അലക് സാണ്‍ടാറിന്റെയും റൂഫസിന്റെയും പിതാവായ കിറേനേക്കാരന്‍ ശിമയോന്‍ നാട്ടിന്‍പുറത്ത് നിന്നു വന്ന് അതിലെ കടന്നു പോവുക ആയിരുന്നു. യേശുവിന്റെ കുരിശു ചുമക്കാന്‍ അവര്‍ അവനെ നിര്‍ബന്ധിച്ചു" മാര്‍ക്കോസ് 15: 21-21 .

മത്തായിയുടെ സുവിശേഷ പ്രകാരം അവസാനസമയത്ത് കുരിശില്‍ കിടന്നു യേശു പറഞ്ഞത് ദൈവമേ ദൈവമേ എന്നെ കൈവിട്ടതെന്തു എന്ന് പൊട്ടിക്കരഞ്ഞുകൊണ്ട് ജീവന്‍ വെടിഞ്ഞു എന്നാണ്.

പക്ഷെ യോഹന്നാന്‍ പറയുന്നത് മരണ സമയത്ത് എല്ലാം നിവിര്‍ത്തിയായി എന്ന് പറഞ്ഞു കൊണ്ട് തല ചായിച്ചു സമാധാനത്തോടെ ജീവനെ ഏല്‍പ്പിച്ചു എന്നാണ്.
#
"ആറാം മണിക്കൂര്‍ മുതല്‍ ഒമ്പതാം മണിക്കൂര്‍ വരെ ഭൂമിയിലെങ്ങും അന്ധകാരം വ്യാപിച്ചു.ഏകദേശം ഒമ്പതാം മണികൂര്‍ ആയപ്പോള്‍ യേശു ഉച്ചത്തില്‍ നിലവിളിച്ചു. ഏലി, ഏലി സബക്ഥാനി. അതായത്, എന്റെ ദൈവമേ,എന്റെ ദൈവമേ എന്ത് കൊണ്ട് നീ എന്നെ ഉപേക്ഷിച്ചു? അടുത്ത് നിന്നിരുന്നവരില്‍ ചിലര്‍ ഇത് കേട്ടു പറഞ്ഞു: അവന്‍ ഏലിയായെ വിളിക്കുന്നു.ഉടനെ അവരില്‍ ഒരാള്‍ ഓടിച്ചെന്നു നീര്‍പ്പഞ്ഞിയെടുത്ത്‌ വിനാഗിരിയില്‍ മുക്കി, ഒരു ഞാണിന്മേല്‍ ചുറ്റി അവനു കുടിക്കാന്‍ കൊടുത്തു.അപ്പോള്‍ മറ്റുള്ളവര്‍ പറഞ്ഞു:നില്‍ക്കു, ഏലിയാ വന്ന് അവനെ രക്ഷിക്കുമോ എന്ന് കാണട്ടെ.യേശു ഉച്ചത്തില്‍ നിലവിളിച്ചു കൊണ്ട് ജീവന്‍ വെടിഞ്ഞു" മത്തായി 27: 45-50

"അനന്തരം, എല്ലാം നിറവേറിക്കഴിഞ്ഞുവെന്ന് അറിഞ്ഞു തിരുവെഴുത്തു പൂര്‍ത്തിയാകാന്‍ വേണ്ടി യേശു പറഞ്ഞു: എനിക്ക് ദാഹിക്കുന്നു. ഒരു പാത്രം നിറയെ വിനാഗിരി അവിടെ ഉണ്ടായിരുന്നു.അവര്‍ വിനാഗിരിയില്‍ കുതിര്‍ത്ത ഒരു നീര്‍പ്പഞ്ഞി ഹിസോപ്പു ചെടിയുടെ തണ്ടില്‍ വച്ച് അവന്റെ ചുണ്ടോടു അടുപ്പിച്ചു.യേശു വിനാഗിരി സ്വീകരിച്ചിട്ട് പറഞ്ഞു: എല്ലാം പൂര്‍ത്തിയായിരിക്കുന്നു. അവന്‍ തല ചായ്ച്ച് ആത്മാവിനെ സമര്‍പ്പിച്ചു." യോഹന്നാന്‍ 19:28-30.

അവിടുന്നും ഇവിടുന്നും പൊട്ടും പൊടിയും ഒക്കെ അപ്പാടെ വിഴുങ്ങി പോസ്റ്റുകളിലൂടെ ചര്‍ദ്ദിക്കുന്നതിന് മുമ്പ് അല്‍പ്പം വായന ആവാം.

അത് ബൈബിള്‍ ആയാലും ഖുറാന്‍ ആയാലും.
Bible on the web.
Quran Explorer.

രണ്ടിലും അദ്ധ്യായവും വാക്യവും ഒക്കെ തിരയാം.

പിന്നെ ഇങ്ങനെ ബൈബിള്‍ ശരിയല്ല, യേശു മരിച്ചിട്ടില്ല എന്നൊക്കെ പ്രചരിപ്പിച്ചു ഊര്‍ജ്ജം കളയാതെ, 'സമാധാനത്തിന്റെ' മതത്തിലെ തോക്കേന്തിയ യുവാക്കളെ 'സമാധാനം' എന്ന വാക്കിന്റെ അര്‍ഥം എങ്കിലും പഠിപ്പിക്കാന്‍ ഉപയോഗിക്കു. അതും ലോകത്ത് മുസ്ലിങ്ങള്‍ ഏറ്റവും സമാധാനത്തോടെ ജീവിക്കാന്‍ സാഹചര്യം ഉള്ള ഇന്ത്യയുടെ നെഞ്ചത്ത്‌ തന്നെ കയറുന്ന ചെറുപ്പക്കാരെ.

അന്ധര്‍ അന്ധരെ വഴി നടത്തുന്ന പോലെ ആവരുത്.

ഇന്റര്‍നാഷണല്‍ കേരള കമ്പ്യൂട്ടര്‍ സൊസൈറ്റി

2009-12-07T14:14:00.000-08:00

'ദീപിക ഓണ്‍ലൈന്‍ പ്രവാസി'-യില്‍ ആണ് ഇങ്ങനൊരു പ്രസ്ഥാനത്തെ പറ്റി അറിയാന്‍ ഇടയായത്.
വിവര സാങ്കേതിക രംഗത്ത് ലോകം മുഴുവന്‍ പ്രവര്‍ത്തിക്കുന്ന കേരളീയര്‍ക്ക് വേണ്ടി ഉള്ള പ്രസ്ഥാനം.

2010 -ല്‍ ലണ്ടനില്‍ കുടുംബ മേള ഒക്കെ നടത്തുന്നു പോലും.

http://www.ikcoms.net

ഇന്‍റര്‍നെറ്റില്‍ വെബ്സൈറ്റ് ടെമ്പ്ലേറ്റുകള്‍ ആയിരക്കണക്കിന് ലഭ്യമാകുമ്പോള്‍, അതും സൌജന്യമായി, ഇത്തരം കൂറ, തല്ലിപ്പൊളി വെബ്സൈറ്റുകള്‍ കാണുമ്പൊള്‍ ഇവരൊക്കെ എന്നാ വിവര സാങ്കേതികം ആണ് ഉദ്ദേശിക്കുന്നതെന്ന് മനസിലാവുന്നില്ല.

ഇത് കാണുമ്പൊള്‍ 'അക്കരക്കാഴ്ചകള്‍' സീരിയലിലെ ജോര്‍ജ് തെക്കുംമൂട്ടില്‍ പറയുന്ന 'അമേരിക്കന്‍ മലയാളി ഇന്ത്യന്‍ ഓഫ് നോര്‍ത്ത് അമേരിക്ക (AMINA)' ആണ് ഓര്‍മ്മയില്‍ വരുന്നത്.

വേറൊരു ലിങ്കും ഓടുന്നില്ല എങ്കിലും 'മഹാനായ പ്രസിഡന്റിന്റെ' ജീവചരിത്രവും പടവും ഒക്കെ ഭേഷായി കൊടുത്തിട്ടുണ്ട്‌.

മഞ്ഞിലുറങ്ങിയ ആനക്കുട്ടി - ല്യുബ

2009-12-05T01:14:00.000-08:00

നാല്പ്പതിനായിരത്തോളം വര്‍ഷങ്ങള്‍ക്ക്‌ മുമ്പ് മരിച്ച് മഞ്ഞുപാളികളില്‍ ശരീരം കേടാകാതെ കിടന്ന ഒരു ആനക്കുട്ടിയെ രണ്ടു വര്ഷം മുമ്പ് സൈബീരിയയില്‍ നിന്നും കണ്ടെടുത്തു.

ആനകുട്ടി എന്ന് വിളിക്കാമോ എന്നുറപ്പില്ല, വംശ നാശം സംഭവിച്ച ആനയുടെ പൂര്‍വികര്‍ ആയ മാമ്മോത്ത് (Woolly Mammoth) വിഭാഗത്തില്‍ പെട്ടതാണ് ശാസ്ത്രഞ്ജര്‍ 'ല്യുബ' ( ഇത് കണ്ടെത്തി പുറം ലോകത്തെ അറിയിച്ച തദ്ദേശവാസി 'യുറി ഖുദി' ,Yuri Khudi, യുടെ ഭാര്യയുടെ പേരാണ് Lyuba) എന്ന് പേരിട്ട ഈ ആനക്കുട്ടി.

ഒരു മാസം മാത്രം പ്രായം ഉള്ളപ്പോള്‍ 'ല്യുബ' മരിച്ചത് ചെളിയില്‍ മുങ്ങി ആണെന്ന് കരുതപ്പെടുന്നു.

ഇതിനു മുമ്പും കേടാകാത്ത ഇത്തരം ശരീരങ്ങള്‍ കിട്ടിയിട്ടുണ്ട് എങ്കിലും അധികം കേടാകാതെ കിട്ടുന്നത് ആദ്യം. അത് കൊണ്ട് തന്നെ 'ല്യുബ' യെ കിട്ടിയത് നിധി കിട്ടിയത് പോലെ ആണ് ശാസ്ത്ര ലോകം കരുതുന്നത്.

'ല്യുബ' യുടെ ശരീരത്തില്‍ നടത്തുന്ന പരീക്ഷണങ്ങളിലൂടെ മംമോത്തുകളെ പറ്റിയും, അക്കാലത്തെ സസ്യങ്ങളെ പറ്റിയും ഒക്കെ കൂടുതല്‍ കൂടുതല്‍ വിവരങ്ങള്‍ ശാസ്ത്രഞ്ജര്‍ കണ്ടു പിടിക്കും. എന്തിനേറെ പറയുന്നു 'ല്യുബ' കുടിച്ച മുലപ്പാലിന്റെ അംശങ്ങള്‍ പോലും പരീക്ഷണവിധേയമായി.

പരീക്ഷണങ്ങള്‍ക്ക് ശേഷം 'ല്യുബ' ഒരു പ്രദര്‍ശന വസ്തു ആകും.

'ല്യുബ' യെ ആദ്യം കണ്ടെത്തിയത് അതിശൈത്യത്തില്‍ ജീവിക്കുന്ന 'നെനെട്സ് (nenets ) വിഭാഗത്തില്‍ പെട്ട 'യൂറി ഖുദി (Yuri Khudhi)' ആണ്. അങ്ങനെ അവരുടെ ജീവിത രീതികളെ പറ്റിയും പുറം ലോകം കൂടുതല്‍ അറിഞ്ഞു.

ഇനി അവശേഷിക്കുന്നത് ഒരു 'മില്യണ്‍ ഡോളര്‍ ചോദ്യം' ആണ്.

'ല്യുബ' യെ ഉപയോഗിച്ച് ക്ലോണിംഗ് നടത്തി ഒരു വൂളി മാമ്മോത്തിനെ (Woolly Mammoth) നെ ജീവനോടെ ഉണ്ടാക്കി എടുക്കാന്‍ ശാസ്ത്ര ലോകത്തിന് കഴിയുമോ?

ഉത്തരം കിട്ടാന്‍ കാത്തിരിക്കണം.

'ല്യുബ' യുടെ കൌതുകമുള്ള കഥ വായിക്കാനും, 'Waking the Baby Mammoth documentary' എന്നൊരു ഡോകുമെന്ററി കാണാനും ഇടയായതാണ് ഈ പോസ്റ്റിനു കാരണം. കൂടുതല്‍ ശാസ്ത്രീയമായ വിവരങ്ങള്‍ക്ക് ഇന്റര്‍നെറ്റ്‌ സെര്‍ച്ച്‌ ചെയ്യുക.

courtesy for images : www.about.com

പഴശ്ശിരാജാ ആര്‍.എസ്.എസ് ആയോ?

2009-12-03T04:39:00.000-08:00

ഇപ്പോള്‍ ഇമെയില്‍ ഫോര്‍വേഡ്കളുടെ കാലം അല്ലെ.

രണ്ടു ദിവസം മുമ്പ് കിട്ടിയ ഒരു ഇമെയില്‍ ഫോര്‍വേഡ് ആണ് താഴെ.
മുമ്പ് ശിവരാത്രി 'മിശിഹാരാത്രി' ആക്കിയ വിദ്വാന്‍ തന്നെ ആണ് ഇതും പടച്ചു വിട്ടതെന്ന് തോന്നും.
മന:പൂര്‍വമോ അല്ലാതെയോ ഉള്ള അക്ഷരതെറ്റുകള്‍ ധാരാളം.

ഇങ്ങനെ എന്തൊക്കെ ഇമെയില്‍ തമാശകള്‍.

അതിബുദ്ധി...

2009-11-30T14:34:00.000-08:00

കുട്ടിക്കാലത്തെ ഒരു ചെറിയ അനുഭവം കൂടി.

ഞാന്‍ യു.കെ.ജി- യില്‍ ആണോ ഒന്നാം ക്ലാസ്സില്‍ ആയിരുന്നോ എന്ന് ശെരിക്കും ഓര്‍മ്മ ഇല്ല.
അന്ന് ഞങ്ങളെ മലയാളം പഠിപ്പിച്ചിരുന്നത് അന്നമ്മ ടീച്ചര്‍ ആണ്.

ടീച്ചര്‍ ദിവസവും ക്ലാസ്സില്‍ വന്ന് ഒരു വാക്യം ബോര്‍ഡില്‍ എഴുത്തും.
അത് ഇരട്ട വര ഇട്ട ബുക്കില്‍ ഒരു പേജ് മുഴുവന്‍ പകര്‍ത്തി എഴുതണം.
ആദ്യം ആദ്യം എഴുതി തീരുന്ന മിടുക്കന്മാര്‍ എഴുന്നേറ്റ് ടീച്ചറെ കാണിക്കും.
ആദ്യം എഴുതി തീര്‍ക്കുന്ന ഏഴെട്ടു പേരുടെ ബുക്ക്‌ നോക്കി ടീച്ചര്‍ ശരി ('ടിക്ക്') ഇട്ട് 'ഗുഡ്' എന്ന് എഴുതി കൊടുക്കും.

നല്ല കയ്യഷരം ഉള്ളവര്‍ക്ക് 'വെരി ഗുഡ്' ഉം ചിലപ്പോള്‍ കൊടുക്കും.

ബാക്കി എഴുതി തീരുന്നവര്‍ക്കൊക്കെ വെറും 'ടിക്ക്' കിട്ടും.

ഇങ്ങനെ 'ഗുഡ്' ഉം 'വെരി ഗുഡ്' ഉം ഒക്കെ കിട്ടുന്നത് അന്ന് വല്യ അഭിമാനം ആയിരുന്നു.

അക്ഷരങ്ങള്‍ എല്ലാം തന്നെ അറിയാമായിരുന്നു എങ്കിലും ഇങ്ങനെ വാക്യമായി എഴുതുന്നത്‌ വളരെ ശ്രമകരമായ ജോലി ആയിരുന്നു.എനിക്ക് ഒരിക്കലും മറ്റ് മിടുക്കന്മാരെക്കാള്‍ മുമ്പേ എഴുതി തീര്‍ക്കാന്‍ കഴിഞ്ഞിരുന്നില്ല, അതുകൊണ്ട് തന്നെ 'ഗുഡ്' , 'വെരി ഗുഡ്' ഒന്നും കിട്ടിയിരുന്നില്ല.

അങ്ങനെ ഒരു ദിവസം ടീച്ചര്‍ എഴുതാന്‍ തന്ന വാക്യം 'ഗോപാലന്‍ പശുവിനെ പുല്ല് തീറ്റുന്നു' എന്നായിരുന്നു.
അന്ന് എനിക്ക് പതിവില്ലാത്ത ഒരു ബുദ്ധി തോന്നി. 'ഗോപാലന്‍ പശുവിനെ പുല്ല് തീറ്റുന്നു' എന്ന് ഓരോ വരിയിലും എഴുതുന്നതിനു പകരം, 'ഗോ','പാ','ല' 'ന്‍ ' ഇങ്ങനെ ഓരോ അക്ഷരം വീതം പേജിന്റെ മുകളില്‍ നിന്ന് താഴേക്ക്‌ വേഗം എഴുതി. അങ്ങനെ ഒരു സമയം ഒരു അക്ഷരം മാത്രം ഓര്‍ത്തു എഴുതുമ്പോള്‍ വളരെ വേഗം എഴുതാന്‍ കഴിഞ്ഞു.

പക്ഷെ 'പുല്ല്' എന്ന് വരെ എഴുതി കഴിഞ്ഞപ്പോള്‍ പിന്നെ 'തീറ്റുന്നു' എന്ന് മുഴുവനായി ഒരു വരിയിലും എഴുതാന്‍ സ്ഥലം ഇല്ലാതെ ആയി.

അധികം ആലോചിച്ചില്ല, വലതു വശത്തെ അടുത്ത പേജില്‍ 'തീ','റ്റു','ന്നു' എന്ന് ഓരോ അക്ഷരമായി താഴേക്ക്‌ എഴുതി.

വേഗം തന്നെ തീര്‍ത്ത് ഒരു 'വെരി ഗുഡ്' അല്ലെങ്കില്‍ 'ഗുഡ്' പ്രതീക്ഷിച്ചു ടീച്ചറെ കാണിക്കാന്‍ എഴുനേറ്റു.
പതിവില്ലാതെ ഞാന്‍ ആദ്യം എഴുതി തീര്‍ത്തപ്പോള്‍ കൂട്ടുകാര്‍ക്കും അല്‍പ്പം അത്ഭുതം.

ടീച്ചര്‍ ബുക്ക്‌ വാങ്ങി ഒന്ന് നോക്കി. വേഗം മേശപുറത്ത്‌ നിന്ന് വടി എടുത്ത് എന്റെ തോളത്ത് രണ്ടു മൂന്നടി തന്നു.എന്നിട്ടും എനിക്ക് കാര്യം മനസിലായില്ല.

പിന്നെ ടീച്ചര്‍ ബുക്ക്‌ ഉയര്‍ത്തി എല്ലാവരെയും കാണിച്ചപ്പോള്‍ ആണോ എന്റെ 'ബള്‍ബ്‌' കത്തിയത്. അബദ്ധം മനസിലായതും.

അടി കിട്ടിയെങ്കിലും ഇങ്ങനെ വലത്തോട്ട് എഴുതുന്നതിനു പകരം ഓരോ അക്ഷരങ്ങളായി താഴേക്ക്‌ എഴുതുന്ന വിദ്യ വീണ്ടും ഉപയോഗിച്ചിട്ടുണ്ട്.
പ്രത്യേകിച്ച് പത്തും നൂറും തവണ എഴുതാന്‍ 'എമ്പോസിഷന്‍' (?) കിട്ടുമ്പോള്‍.

ശ്രീശാന്തമയം

2009-11-27T09:32:00.000-08:00

കേരളത്തിന്റെ ശ്രീശാന്ത്‌ ഇന്ത്യയുടെ ടെസ്റ്റ്‌ ടീമില്‍ മടങ്ങി വന്ന് ശ്രീലങ്കയ്ക്ക് എതിരെ മൊത്തം ആറ് വിക്കെറ്റ് നേടി 'മാന്‍ ഓഫ് ദി മാച്ച്' ആയി.

അഭിനന്ദനങ്ങള്‍...

തുടര്‍ന്നും കുറെ കാലം ശ്രീശാന്തിനു ഇന്ത്യന്‍ ടീമില്‍ തുടരാന്‍ കഴിയട്ടെ.

സ്ഥിരതയോടെ മൂന്നാല് മത്സരങ്ങള്‍ കളിച്ചാലേ ഒരു തിരിച്ചു വരവെന്നൊക്കെ പറയാന്‍ പറ്റു.

ശ്രീശാന്തിന്റെ പെരുമാറ്റം ശരിയല്ല എന്നൊരു ആരോപണം ഉണ്ട്.പക്ഷെ അത് വാശിയോടെ കളിക്കുമ്പോള്‍ സ്വാഭാവികമായി പുറത്തു വരുന്നതാണ് എന്നാണ് എനിക്ക് തോന്നിയിട്ടുള്ളത്‌.
അതത്ര വല്യ കുറ്റമല്ല. ഓസീസ് ടീം അംഗങ്ങള്‍ കാണിക്കുന്നതിന്റെ അത്ര ഒന്നും ശ്രീശാന്ത്‌ കാണിച്ചിട്ടില്ല.

പക്ഷെ താഴെ കാണുന്ന പോലെ ഉള്ള റിപ്പോര്‍ട്ടുകള്‍ വായിച്ച് ചിരിക്കുകയെ ഉള്ളു നിവര്‍ത്തി.
ശ്രീശാന്തിനെ വെറുക്കാനും കാരണം ഇത്തരം റിപ്പോര്‍ട്ടുകള്‍ ആണ്.

ഈ ചെറുപ്പക്കാരന്‍ ഒന്ന് സ്ഥിരതയോടെ കളിച്ചു രക്ഷപെടാന്‍ സമ്മതിക്കില്ല.

പല്ലും നഖവും ഇല്ലാത്ത റിപ്പോര്‍ട്ടുകള്‍, വെറും പത്തല്‍.

2009-11-24T02:36:00.000-08:00

പല്ലും നഖവും ഇല്ലാത്ത റിപ്പോര്‍ട്ടുകള്‍, വെറും പത്തല്‍.

ആദ്യമേ നമുക്ക് പരിതപിക്കാം..

ലക്ഷങ്ങള്‍ ചിലവിട്ട് 15 -ല്‍ അധികം വര്‍ഷങ്ങള്‍ എടുത്തിട്ടാണ് ഇന്നിപ്പോള്‍ ലിബറാന്‍ കമ്മിഷന്‍ റിപ്പോര്‍ട്ട്‌ പാര്‍ലമെന്‍റില്‍ വരുന്നത്.അതില്‍ കുറ്റാരോപിതര്‍ പ്രധാനമന്ത്രി മുതലുള്ള പദവികള്‍ പിന്നീട് വഹിച്ച് നമ്മെ നയിച്ചു.

കോണ്‍ഗ്രസിന്‌ കുറെ നാള്‍ ബി.ജെ.പി യെ അടിക്കാന്‍ ഉള്ള ഒരു പത്തല്‍ (വടി) ആയി മാത്രം ഇതിനെ കണ്ടാല്‍ മതി.
ഈ റിപ്പോര്‍ട്ട്‌ വച്ച് പാര്‍ലമെന്‍റില്‍ ബഹളം ഉണ്ടാക്കി കുറെ സമയം കളയാം എന്നല്ലാതെ മറ്റെന്താണ് ഇത്തരം റിപ്പോര്‍ട്ടുകള്‍ കൊണ്ട് പ്രയോജനം?
കുറ്റാരോപിതരെ ഉടനെ പിടിച്ചു ജയിലില്‍ ഇടാന്‍ സാധിക്കുമോ?

1984 -ല്‍ നടന്ന സിഖ് വിരുദ്ധ കലാപം ഇങ്ങനെ ലക്ഷങ്ങള്‍ മുടക്കി പത്തോളം കമ്മിഷന്‍ അന്വേഷിച്ചിട്ടും ആരെ എങ്കിലും ശിക്ഷിച്ചതായി അറിവില്ല. നഷ്ട്ടം സംഭവിച്ചവര്‍ക്കെല്ലാം നഷ്ട്ട പരിഹാരം എങ്കിലും കിട്ടിയോ എന്നും അറിയില്ല.

അതുപോലെ ബോഫോഴ്സ് കേസിന്റെ അന്വേഷണങ്ങള്‍ക്കായി ബോഫോഴ്സ് കേസിലെ കമ്മീഷന്‍ തുകയിലും കൂടുതല്‍ ചിലവിട്ടു എന്നാണ് എന്റെ അറിവ്.
ആരെ എങ്കിലും ശിക്ഷിച്ചോ?

ഇനി കുറെ നാള്‍ കഴിഞ്ഞു ബി.ജെ.പി അധികാരത്തില്‍ വന്നു അയോധ്യ സംഭവത്തില്‍ പുതിയൊരു കമ്മീഷനെ വയ്ക്കും.അത്ര തന്നെ.

അസ്ഹറുദ്ദിന്റെ വിലക്ക് നീക്കണം

2009-11-21T06:48:00.000-08:00

കോഴ വിവാദത്തില്‍ കുറ്റവാളി ആയ മുന്‍ ഇന്ത്യന്‍ ക്രിക്കറ്റ്‌ ടീം ക്യാപ്റ്റന്‍ മുഹമ്മദ്‌ അസ്ഹറുദ്ദിന്റെ ആജീവനാന്ത വിലക്ക് നീക്കണമെന്ന് കോണ്‍ഗ്രസ്‌.
മനോരമ ഓണ്‍ലൈന്‍ വാര്‍ത്ത‍ ഇതാ.

കോണ്‍ഗ്രസിന്റെ ന്യൂനപക്ഷ പ്രീണന രാഷ്ട്രീയത്തിന്റെ ഒരു ഉദ്ദാഹരണം ആയിരുന്നു അസ്ഹറുദ്ദിന് ലോക്സഭയിലേക്കു മത്സരിക്കാന്‍ അവസരം കൊടുത്തത്.

ബി.സി.സി.ഐ ഒരു ഗവര്‍മെന്റ് സ്ഥാപനം അല്ല എങ്കിലും 'ഇന്ത്യന്‍ ടീം' ആയി കളിക്കുന്നത് ബി.സി.സി.ഐ ടീം ആണ്.
ക്രിക്കറ്റിനെ കണ്ണും അടച്ചു സ്നേഹിച്ചു കളിക്കാര്‍ക്ക്‌ കോടികള്‍ വിലയുള്ളതാക്കിയത് ഇന്ത്യയിലെ കാണികളാണ്.
അവരെയും രാജ്യത്തെയും വഞ്ചിച്ച അസറുദ്ദിന്റെ മാന്യന്‍ ആക്കാന്‍ ഉള്ള കോണ്‍ഗ്രസ്‌ ശ്രമം അപലപനീയം തന്നെ.

കാലം തെറ്റുകള്‍ക്ക് മാപ്പ് കൊടുക്കും എന്ന് വേണമെങ്കില്‍ വാദിക്കാം. പക്ഷെ രാജ്യദ്രോഹികള്‍ ഒരു കാലത്തും മാപ്പ് അര്‍ഹിക്കുന്നില്ല. എത്ര കോടി ജനങ്ങളുടെ വിശ്വാസത്തെ ആണ് വഞ്ചിച്ചത.

അസ്ഹറുദ്ദിന് വിലക്ക് ഏര്‍പ്പെടുത്തിയത് ബി.സി.സി.ഐ ആണ്.അത് 2006 -ല്‍ പിന്‍വലിച്ചു എന്ന് വിക്കിപീഡിയ പറയുന്നു.
തങ്ങള്‍ അല്ല വിലക്കിയതെങ്കിലും ഐ.സി.സി -ക്ക് അസ്ഹറുദ്ദിന്‍ വിലക്കപ്പെട്ടവന്‍ തന്നെ.

നാണം ഇല്ലാത്ത കോണ്‍ഗ്രെസ്സെ ...
ഇനി കുറെ കഴിഞ്ഞു അഫ്സല്‍ ഗുരു, കസബ് തുടങ്ങിയവരെയും നിങ്ങള്‍ പുണ്യാത്മാക്കള്‍ ആക്കും.

ഇത്രയ്ക്ക് രാജ്യദ്രോഹം ഒന്നും ചെയ്യാത്ത ഒരു മുരളീധരന്‍ തെക്ക് വടക്ക് കത്ത് കൊടുത്തു നടപ്പുണ്ട്. ആരും കാണുന്നില്ലേ?

പീ.... പീ.....

2009-11-20T06:00:00.000-08:00

ഒരു പഴയ കഥ കൂടി.

പണ്ട് നാട്ടിന്‍പുറങ്ങളില്‍ 'പീ...പീ....' എന്ന് ശബ്ദം ഉണ്ടാക്കുന്ന ഒരു ചെറിയ സാധനം, അഞ്ചോ പത്തോ പൈസക്ക് കിട്ടുമായിരുന്നു.
'പീ.പീ' എന്ന് തന്നെ ആയിരുന്നു അതിന്റെ പേര്, ഒരു ബീഡിയുടെ വ്യാസവും പകുതി നീളവും ഉണ്ടാവും.

'പീ.പീ' ചുണ്ടില്‍ വച്ചും, അണ്ണാക്കില്‍ വച്ചും ഊതി ശബ്ദം ഉണ്ടാക്കാം.കുറച്ചു 'expert' ആയ കുട്ടികള്‍ക്ക് മാത്രമേ അത് അണ്ണാക്കില്‍ വച്ച് ഊതുന്ന ശീലം ഉണ്ടായിരുന്നുള്ളു.

വേനല്‍ അവധി കാലത്ത് പറങ്കി അണ്ടി പെറുക്കി അടുത്തൊരു മാടക്കടയില്‍ കൊടുക്കുമ്പോള്‍ ഒരു 'പീ.പീ' യും നാലഞ്ച് ജീരക മുട്ടായിയും ഒക്കെ കൂടി ഒരു ചെറിയ പ്ലാസ്റ്റിക്‌ കവറില്‍ കിട്ടുന്നത് ഇന്നും ഓര്‍മ്മയില്‍ ‍ഉണ്ട്.

ആയിടെ ഞങ്ങള്‍ കുട്ടികളുടെ ഇടയില്‍ ഒരു വാര്‍ത്ത‍ പറന്നു.
അടുത്തൊരു സ്കൂളിലെ ഒരു കുട്ടി 'പീ.പീ' അണ്ണാക്കില്‍ വച്ച് ഊതുമ്പോള്‍ അത് തൊണ്ടയില്‍ ഇറങ്ങി പോയി.
പിന്നെ അശുപത്രീല് പോയി തൊണ്ട കീറി മുറിച്ചാണ് 'പീ.പീ' പുറത്ത് എടുത്തത്‌.
ആ കുട്ടി 'പീ.പീ' തൊണ്ടയില്‍ കുരുങ്ങിയ ശേഷം സംസാരിക്കുന്നത് പുറത്ത് വന്നില്ല, പകരം 'പീ... പീ...' എന്ന ശബ്ദം മാത്രം.

ഈ സംഭവം കേട്ടതില്‍ പിന്നെ അണ്ണാക്കില്‍ വച്ച് 'പീ.പീ' ഊതാന്‍ എല്ലാവര്ക്കും ഒരു പേടി ആയിരുന്നു.

ഒരിക്കല്‍ ഞാനും എന്റെ ഒരു കൂട്ടുകാരനും അവന്റെ പറമ്പിലെ പറങ്കി മാവിന്‍ ചുവട്ടില്‍ കളിക്കുക ആയിരുന്നു.
എന്റെ പോക്കറ്റില്‍ ഒരു 'പീ.പീ' തടഞ്ഞപ്പോള്‍ അവനെ ഒന്ന് പറ്റിക്കാം എന്ന് എന്റെ ബുദ്ധിയില്‍ തോന്നി.

'പീ.പീ' തൊണ്ടയില്‍ പോയതായി ഒന്ന് അഭിനയിക്കുക.

അതിനായി 'പീ.പീ' അണ്ണാക്കില്‍ വച്ച് ഊതി, പെട്ടെന്ന് തൊണ്ടയില്‍ പോയതായി വെപ്രാളം കാണിക്കാം എന്ന് കരുതി.
പക്ഷെ എങ്ങനെയോ 'പീ.പീ' ശരിക്കും എന്റെ തൊണ്ടയില്‍ കുരുങ്ങി. ഞാന്‍ അവനെ കാര്യം പറഞ്ഞു മനസിലാക്കാന്‍ ശ്രമിച്ചു.
പക്ഷെ ശബ്ദം മുഴുവനായി തൊണ്ടയില്‍ നിന്ന് പുറത്തേക്കു വന്നില്ല, പകരം 'പീ... പീ...' എന്ന് ചെറുതായി ശബ്ദം മാത്രം.

'നിന്റെ വേല മനസിലായെടാ.. എന്നെ പറ്റിക്കാന്‍ നോക്കേണ്ട' എന്ന മട്ടില്‍ അവന്‍ ചിരിച്ചു കൊണ്ട് നിന്നതെ ഉള്ളു.

ഞാന്‍ ആകെ പേടിച്ചു വിറച്ച് വെപ്രാളപ്പെട്ട് എന്ത് ചെയ്യണം എന്നറിയാതെ ഒന്നു നിന്നു.

ഞങ്ങള്‍ നിന്നത് അല്‍പ്പം ഉയരത്തില്‍ ഉള്ള ഒരു പറമ്പില്‍ ആയിരുന്നു. അതിനു അരികില്‍ കൂടി നല്ല ഇറക്കമുള്ള ഒരു റോഡ്‌ ഉണ്ടായിരുന്നു.
ഞാന്‍ വേഗം പറമ്പില്‍ നിന്നും താഴെ ചാടി, റോഡ്‌ വഴി താഴേക്ക്‌ എങ്ങോട്ടെന്നില്ലാതെ ഓടി.

ഇറക്കത്തിലൂടെ ഓടയിതുകൊണ്ടാണോ എന്നറിയില്ല, ഭാഗ്യത്തിന് 'പീ.പീ' തൊണ്ടയില്‍ നിന്നും പുറത്തേക്കു തെറിച്ചു.
ഞാന്‍ ഭ്രാന്തനെ പോലെ അത് എടുത്തു എങ്ങോട്ടെന്നില്ലാതെ വലിച്ചെറിഞ്ഞു.

തിരികെ വന്നു കൂട്ടുകാരനോട് എന്റെ തൊണ്ടയില്‍ 'പീ.പീ' ശരിക്കും പോയി എന്ന് പറഞ്ഞിട്ടും അവന്‍ അത്ര വിശ്വസിക്കാന്‍ തയാറായില്ല എന്നത് വേറെ കാര്യം.

ശബ്ദം ഉണ്ടാക്കുന്ന പല കളിപ്പാട്ടങ്ങളിലും ഈ 'പീ.പീ' കാണാം.
അത് കാണുമ്പൊള്‍ എന്നും എന്റെ ഉള്ളില്‍ പേടിപ്പിക്കുന്ന ആ അനുഭവം ഓര്‍മ്മ വരും.

തേനും നരയും, മഷിയും വിഷവും

2009-11-18T15:01:00.000-08:00

ഈയിടെ 'പസങ്ക' എന്ന തമിഴ് സിനിമയില്‍ സ്കൂള്‍ കുട്ടികള്‍ സഹപാഠിയുടെ തലയില്‍ മുടി നരയ്ക്കും എന്ന് കരുതി തേന്‍ ഒഴിക്കാന്‍ ശ്രമിക്കുന്നത് കണ്ടു.

എന്റെ ഒരു സുഹൃത്ത്‌ ഇതുപോലെ ഒരു അതിബുദ്ധി കാട്ടിയ കഥ പണ്ട് പറഞ്ഞത് ഓര്‍മ്മ വരുന്നു.

സുഹൃത്തും സഹോദരനും വല്യ പ്രായ വ്യത്യാസം ഇല്ല. ഒരേ സ്കൂളില്‍ പഠിക്കുന്നു. അപ്പന്‍ ഗള്‍ഫിലാണ്. അമ്മയും വല്യ വല്യപ്പനും ഒപ്പം ആണ് ജീവിതം.
വല്യപ്പന്‍ നൂറു വയസിന് അടുത്ത് പ്രായം ഉണ്ടെങ്കിലും വെറുതെ ഇരിക്കാതെ അല്‍പ്പം കൃഷിയൊക്കെ പറമ്പില്‍ ചെയ്യും. എന്നും രാവിലെ പറമ്പൊക്കെ കൊത്തികിളയ്ക്കും. നല്ല ആരോഗ്യത്തോടെ ജീവിക്കുന്നു.

വല്യപ്പന്‍ വളരെ രാവിലെ തന്നെ എഴുന്നേല്‍ക്കും. കൊച്ചു മക്കളെയും വിളിച്ചുണര്‍ത്തും.പിന്നെ ഒരു അര മണിക്കൂര്‍ പ്രാര്‍ത്ഥന. അതിനു ശേഷം പഠനം.
വൈകിട്ട് സ്കൂള്‍ വിട്ടാലുടന്‍ അല്‍പ്പ സമയം കളിച്ചിട്ട് പഠിക്കാന്‍ ഇരിക്കുക.

ഇങ്ങനൊക്കെ വളരെ ചിട്ടയില്‍ ആണ് ഇവരെ വളര്‍ത്തുന്നത്.

എങ്കിലും പഠനത്തില്‍ ശ്രദ്ധിക്കാതെ കുരുത്തക്കേട്‌ കാണിച്ചു നടക്കുന്ന സഹോദരങ്ങള്‍ക്ക് വല്യപ്പന്റെ വക ചൂരല്‍ കഷായം സ്ഥിരമായി കിട്ടുമായിരുന്നു. ഒടുവില്‍ സഹികെട്ട അവര്‍ ഒരു തീരുമാനം എടുത്തു.

വല്യപ്പനെ കൊല്ലണം.

പക്ഷെ എങ്ങനെ? ഒത്തിരി ആലോചിച്ച് ഒരു വഴി കണ്ടു പിടിച്ചു.
വല്യപ്പന് ദിവസവും രാവിലെ കട്ടന്‍ കാപ്പി കുടിക്കുന്ന പതിവുണ്ട്.

ഒരു ദിവസം അവര്‍ പേനയില്‍ ഒഴിക്കുന്ന മഷി ആരും കാണാതെ കുറച്ചെടുത്തു വല്യപ്പന്റെ കട്ടന്‍കാപ്പിയില്‍ ഒഴിച്ചു കൊടുത്തു. വല്യപ്പന്‍ കാപ്പി കുടിച്ചു.

സഹോദരങ്ങള്‍ പ്രതീക്ഷയോടെ, പേടിയോടെ കാത്തിരുന്നു. ഒന്നും സംഭവിച്ചില്ല. അന്നും വല്യപ്പന്‍ പതിവ് പോലെ പറമ്പില്‍ കൊത്തിക്കിള തുടങ്ങി.

ഈ സഹോദരങ്ങള്‍ വര്‍ഷങ്ങള്‍ക്കു ശേഷം ജോലി ഒക്കെ കിട്ടി നല്ല നിലയില്‍ ജീവിക്കാന്‍ തുടങ്ങുന്നതും കണ്ടിട്ടാണ് വല്യപ്പന്‍ മരിച്ചത്.
അന്ന് എലിവിഷം, ഫ്യുരടാന്‍ (കുരുടാന്‍) തുടങ്ങിയവ ഒന്നും അന്ന് അവര്‍ക്ക് പരീക്ഷിക്കാന്‍ അറിയില്ലായിരുന്നു. വല്യപ്പന്റെ ഭാഗ്യം !

ഹര്ത്താലിന്റെ ജാതി

2009-11-10T02:39:00.000-08:00

പത്തനംതിട്ട ജില്ലയില്‍ ഈ മാസം സംഘ പരിവാര്‍ നടത്താന്‍ ഉദ്ദേശിക്കുന്ന ഹര്‍ത്താല്‍ നേരത്തെ ആക്കിയതായി വാര്‍ത്ത‍. ശബരിമല മണ്ഡല കാലം എന്നാണ് ആരംഭിക്കുന്നതെന്ന് സംഘ പരിവാറിന് നേരത്തെ അറിയില്ലായിരുന്നു.

എനിക്ക് തോന്നുനത് മണ്ഡല കാലം തുടങ്ങുന്ന തീയതി തിരു. ദ്വേവസം ബോര്‍ഡ്‌ വളരെ രഹസ്യമാക്കി ബാങ്ക് ലോക്കറില്‍ പൂട്ടി വച്ചിരിക്കുക ആയിരുന്നു എന്നാണ്.

ആര് നടത്തുന്ന ഹര്‍ത്താല്‍ ആയാലും,ഇടതോ,വലതോ, സംഘ പരിവാറോ , എന്തിന് ഇങ്ങനെ പള്ളി പെരുനാള്, ചന്ദന കുടം, അല്ലെങ്കില്‍ അമ്പലത്തിലെ ഉത്സവം തുടങ്ങിയവയെ ഒഴിവാക്കിയതായി പ്രഖ്യാപിക്കുന്നു.

ജനങ്ങള്‍ക്ക്‌ ദുരിതം ഉണ്ടാക്കുന്ന അനാവശ്യ ഹര്‍ത്താലുകളില്‍ നിന്നും എന്തിന് ഇങ്ങനെ വര്‍ഗീയ പ്രീണനം നടത്താന്‍ ശ്രമിക്കുന്നു.
ആരുടെ കണ്ണില്‍ പൊടിയിടാനാണ് ഇത്തരം ആനുകൂല്യങ്ങള്‍.

ഭക്ത ജനങ്ങളെ ദൈവം കാത്തുകൊള്ളും.

തിരഞ്ഞെടുപ്പ് ഫലപ്രവചനം.

2009-11-08T02:51:00.000-08:00

കേരള നിയമസഭയിലേക്ക് മൂന്ന് മണ്ഡലങ്ങളില്‍ നടന്ന ഉപ തിരഞ്ഞെടുപ്പ് ഫല പ്രവചനം.

ഒരു സീറ്റ്‌ എങ്കിലും നേടാനായാല്‍ അത് വി.എസ് സര്‍ക്കാരിനും ഇടതുപക്ഷത്തിനും വല്യ ആശ്വാസം ആവും.

കണ്ണൂരില്‍ ഇടതിന്റെ കള്ളാ വോട്ടുകള്‍ തടയാന്‍ കോണ്‍ഗ്രസിനും കേന്ദ്ര സേനക്കും ഒക്കെ ആയോ?
അതോ അബ്ദുള്ള കുട്ടിയെ നിര്‍ത്താനുള്ള (തെറ്റായ തീരുമാനവും,കീഴ്വഴക്കവും)തീരുമാനം തിരിച്ചടിക്കുമോ?

ഏറണാകുളം, ആലപ്പുഴ മണ്ഡലങ്ങളില്‍ ന്യൂനപക്ഷ വോട്ടുകള്‍ യു.ഡി.എഫ്‌ നു തന്നെ കിട്ടിയോ?
ആലപ്പുഴയില്‍ ആരോഗ്യ മേഖലയില്‍ ഉള്ള തകര്‍ച്ച പ്രചരണം ആക്കുന്നതില്‍ യു.ഡി.എഫ്‌ വിജയിച്ചോ?

ഉപതിരഞ്ഞെടുപ്പുകളില്‍ അസാധാരണമായി കണ്ട ഉയര്‍ന്ന പോളിംഗ് എന്തിനെ സൂചിപ്പിക്കുന്നു?
ബി.ജെ.പി വോട്ടുകള്‍ യു.ഡി.എഫ്‌ നു കിട്ടിയോ?

ഇങ്ങനെ നൂറു കൂട്ടം കാര്യങ്ങള്‍ ചാനലുകളില്‍ കൂടി ഉയരുന്നു. ആകെ 'കണ്‍ഫ്യൂഷന്‍' ആകുന്നു.
പത്താം തീയതി ഫലം വരുമ്പോള്‍ മുകളില്‍ പറഞ്ഞ കാര്യങ്ങളില്‍ ചിലത് വെട്ടി മാറ്റാം.

പക്ഷെ എന്റെ പ്രവചനത്തില്‍ കണ്ണൂര്‍,എറണാകുളം,ആലപ്പുഴ മണ്ഡലങ്ങളില്‍ യു.ഡി.എഫ്‌ സ്ഥാനാര്‍ത്ഥികള്‍ ജയിക്കും.

നിങ്ങള്‍ എന്ത് കരുതുന്നു?

ബ്ലോഗിലെ മുരളീധരന്‍

2009-11-07T01:29:00.000-08:00

അധികാര കൊതി മൂലം കെ.പി.സി.സി. പ്രസിഡന്റ്‌ സ്ഥാനത്ത് നിന്ന് മാറി മന്ത്രി ആയതു മുതല്‍ കെ.മുരളീധരന്റെ കഷ്ട്ടകാലം തുടങ്ങി. അത് വരെ കേരളത്തിലെ രാഷ്ട്രീയത്തില്‍ തലയെടുപ്പോടെ നിന്ന മുരളീധരന്‍ ,അച്ഛന്റെ ഒപ്പം കോണ്‍ഗ്രസ്‌ വിട്ട് പുതിയ പാര്‍ട്ടി ഉണ്ടാക്കുകയും പിന്നീട് ആ പാര്‍ട്ടി കൊണ്ടുപോയി വേറൊരു ഈര്‍ക്കില്‍ പാര്‍ട്ടിയില്‍ കലക്കി, ആ ഈര്‍ക്കില് വളച്ച് ഒരു വലിയ പൂജ്യം ഉണ്ടാക്കി തിരികെ കൊടുക്കുന്നത് വരെ നടത്തിയ രാഷ്ട്രീയ അഭ്യാസങ്ങള്‍ കണ്ടു കേരള ജനത മടുത്തിരുന്നു. ഇന്നിപ്പോള്‍ കോണ്‍ഗ്രസ്‌ പടിവാതിലില്‍ അംഗത്വത്തിനായി കേഴുന്ന മുരളി കേരള ജനതയുടെ മുമ്പില്‍ ഒന്ന് 'ക്ലീന്‍' ആവാന്‍ കുറെ കാലം എടുക്കും

അസൂയ ഒന്ന് കൊണ്ട് മാത്രം ബ്ലോഗ്‌ മീറ്റ് എതിരെ പ്രചരണം നടത്തി അങ്ങ് അമേരിക്കയില്‍ ഇരുന്നു മീറ്റ്‌ പൊളിച്ചു കളയാം എന്ന് ദിവാസ്വപ്നം കണ്ട ബ്ലോഗ്‌ മുരളീധരന്‍, ഒടുവില്‍ സ്ഥിരം കുഴലൂത്തുകാര്‍ പോലും തന്നെ കൈവിട്ടു എന്നറിഞ്ഞ് അബദ്ധം മനസിലാക്കിയപ്പോള്‍ വൈകിയിരുന്നു.ഈയുള്ളവനും ബ്ലോഗിലെ സംഭവ വികാസങ്ങള്‍ അപ്പോള്‍ മുതലാണ്‌ ശ്രദ്ധിച്ചു തുടങ്ങിയത്. അപ്പോഴേക്കും ബ്ലോഗ്‌ ലോകത്തെ 'വെറുക്കപ്പെട്ടവന്‍' ആയി കഴിഞ്ഞിരുന്ന ബ്ലോഗ്‌ മുരളീധരന്‍ അന്ന് മുതല്‍ പഴയ പുലി ആവാന്‍ കാട്ടികൂട്ടുന്ന അലമ്പ് വേലകള്‍ കൊണ്ട് ബ്ലോഗ്‌ ലോകം മലീമസം ആകുന്നു. 'മലം' ,'തെറി','ആസന്നം' തുടങ്ങിയ പ്രീയ പദങ്ങളുടെ കൂടെ ചേര്‍ക്കാന്‍ ഈയിടെ കിട്ടിയ ഒരു 'ഷഡ്ഡി' യും പൊക്കി പിടിച്ചു നടക്കുന്നു.

‍യാതൊരു കഴമ്പും ഇല്ലാതെ 'നാറുന്ന ഷഡ്ഡി','മണക്കുന്ന ഷഡ്ഡി' തുടങ്ങിയവ ആവര്‍ത്തിച്ച് മാന്യ (?)മുരളീധരനുമായി 'അഭിമുഖം' നടത്തി ചില 'പണി ചെയ്യുന്ന' ബ്ലോഗ്ഗരുമാര്‍ കൊടുക്കാന്‍ ശ്രമിക്കുന്ന പബ്ലിസിറ്റി വെറും പാഴ്വേല ആണ്. ആ പോസ്റ്റിനു കിട്ടുന്ന വിമര്‍ശനങ്ങള്‍ എല്ലാം ഉളുപ്പില്ലാതെ മോഡറേറ്റ് ചെയ്തു വെളിച്ചം കാണിക്കാതിരിക്കുകയും, ഒരു 'കൂതറ ബ്ലോഗ്ഗര്‍' ഇടുന്ന കമന്റുകള്‍ വെളിച്ചം കാണുന്നതിലെയും മായാജാലം ആര്‍ക്കും മനസ്സില്‍ ആവും.

മുരളീധരന്‍ തന്റെ 'D.I.C (K)' കൊണ്ട് പോയി എന്‍.സി.പി. യില്‍ കലക്കി ആള്‍ബലം കാണിക്കാന്‍ ശ്രമിച്ചത് പോലെ, ബ്ലോഗിലെ പ്രശസ്ത ബ്ലോഗ്ഗരുമാരുടെ പക്ഷം ചേര്‍ന്ന് നിന്ന് ആളാവാനും ബ്ലോഗ്‌ മുരളീധരന്‍ ശ്രമിക്കുനത് കാണാം.

രാഷ്ട്രീയ മുരളീധരന് വിമര്‍ശകരെ ഒതുക്കാന്‍ 'മുണ്ട് പറി' നടത്തുമ്പോള്‍ ബ്ലോഗ്‌ മുരളീധരന്‍ 'തെറി വിളി' യില്‍ ശ്രദ്ധ കേന്ദ്രീകരിക്കുന്നു.അതും വ്യാജ്യ പേരുകളില്‍ മിനിട്ടുകള്‍ക്കുള്ളില്‍ കമന്റില്‍ വിമര്ശിക്കുന്നവന്റെ വീട്ടുകാരെ പോലും തെറി വിളിക്കുന്ന മഹനീയ പാരമ്പര്യം വച്ച് പുലര്‍ത്തുന്നു. ഈയുള്ളവനും അത് അനുഭവിച്ചിട്ടുണ്ട്. എന്റെ ബ്ലോഗിലും അടുത്തിടെ ആണും പെണ്ണും കേട്ട അനോണി അവതാരങ്ങള്‍, അതും എന്റെ ഫോട്ടോ കോപ്പി ചെയ്തു പ്രൊഫൈലില്‍ തലതിരിച്ചു വച്ച്, മാറി മാറി തെറി വിളി തുടങ്ങിയപ്പോള്‍ തന്നെ അവയെല്ലാം ഡിലീറ്റ് ചെയ്തിരുന്നു.

ബ്ലോഗിലെ മുരളീധരാ, ആരുടെയും ഉപദേശം ഇല്ലാത്തതു കൊണ്ടല്ല താങ്കള്‍ നന്നാവത്തത്. വയസും പ്രായവും ഒക്കെ ആയില്ലേ മുപ്പീന്നെ, ഇമ്മാതിരി തറ വേലകള്‍ അവസാനിപ്പിക്ക്.ഇപ്പോള്‍ പൊക്കി കൊണ്ട് നടക്കുന്ന ഷഡ്ഡി ഒക്കെ ദൂരെ കളയു.

ഇവിടെ എങ്കിലും അനോണി അവതാരങ്ങളില്‍ തെറി കമന്റുകളുമായി വരാതെ, ആണുങ്ങളെ പോലെ നേരിട്ട് വാ.

തന്നേക്കാള്‍ തറ ടീമിനെ തന്റെ പേരില്‍ വിശേഷിപ്പിച്ചതില്‍ രാഷ്ട്രീയത്തിലെ മുരളീധരന്‍ എന്നോട് പിണങ്ങുമോ ആവോ..

പഴയൊരു മുരളീ പോസ്റ്റില്‍ പറഞ്ഞത് ആവര്‍ത്ത്തിക്കുന്നതില്‍ ക്ഷമിക്കുക.

വാല്. വഴിയില്‍ ആരെങ്കിലും വിസര്‍ജനം നടത്തിയാല്‍ അതി‌ വഴി നടക്കുന്നവരെ നാറും, അറിയാതെ ചവിട്ടുന്നവരെ നാറും, ചവിട്ടുനവര്‍ നടന്നു പോകുന്ന വഴി നാറും, ചവിട്ടി നടന്നു പോകുന്നവരുടെ പിറകെ നടന്നാലും നാറും... അത് പോലെ ചിലരെ പറ്റി ബ്ലോഗ്‌ ഇട്ടാല്‍ തന്നെ നാറും. ഒന്ന് പോയി കുളിക്കട്ടെ.......

ഒരു (ദുരന്ത) കമ്പ്യൂട്ടര്‍ പഠനം.

2009-11-05T10:08:00.000-08:00

ഇടുക്കി ജില്ലയിലെ ,എം.ജി. യുണിവേഴ്സിറ്റി അഫിലിയേഷന്‍ ഉള്ള ,ഒരു ന്യൂനപക്ഷ ആര്‍ട്സ് ആന്‍ഡ്‌ സയന്‍സ് കോളേജില്‍ ബി.എസ്.സി ( കമ്പ്യൂട്ടര്‍ സയന്‍സ്) പഠിക്കുന്ന ഒരു ബന്ധുവിനോട് ഈയിടെ പഠനത്തെ പറ്റി വിശദമായി ചോദിച്ചപ്പോള്‍ ആണ് ചില ദുരന്തങ്ങള്‍ മനസിലാകുന്നത്.

അവിടെ പഠിപ്പിക്കുന്ന അധ്യാപകര്‍ക്ക് കിട്ടുന്നത് 1500 - 2000 രൂപ മാത്രം ശമ്പളം, അതുകൊണ്ട് തന്നെ പലരും വേറെ ജോലി കിട്ടുന്നത് വരെ ഉള്ള ഒരു ഇടത്താവളമായി ഇതിനെ കാണുന്നു. അങ്ങനെ പഠിപ്പിക്കാന്‍ ഒരു താല്‍പര്യവും ഇല്ലാത്ത അധ്യാപകര്‍   ഇടയ്ക്കു മാറി മാറി വരുന്നു.

നെടു നീളന്‍ കമ്പ്യൂട്ടര്‍ പ്രോഗ്രാമുകള്‍ അധ്യാപകര്‍ ബോര്‍ഡില്‍ എഴുതുന്നത്‌ കുട്ടികള്‍ പകര്‍ത്തി എടുക്കുന്നു. മൂന്നോ നാലോ കുട്ടികള്‍ ഒരു കമ്പ്യൂട്ടറിന്റെ മുമ്പില്‍ ഇരുന്നു ഇതെല്ലം ടൈപ്പ് ചെയ്തു പ്രാക്ടിക്കല്‍ പൂര്‍ത്തിയാക്കുന്നു.

നെടു നീളന്‍ പ്രോഗ്രാം കോഡുകള്‍ കാണാതെ പഠിച്ചു പരീക്ഷ എഴുതുന്നു.

ഇതിനിടെ സിലബസ്സില്‍ ഉള്ള   HTML പഠിപ്പിക്കാന്‍ അടുത്തുള്ള കമ്പ്യൂട്ടര്‍ ഇന്സ്റ്റിറ്റ്ടുട്ടില്    നിന്നും ദിവസകൂലിക്ക് ആള് വരുന്നു.

ചില ബുദ്ധിയുള്ള കുട്ടികള്‍ ഇത് മാതാപിതാക്കളെ അറിയിച്ചു നേരത്തെ തന്നെ അവിടുത്തെ പഠനം നിര്‍ത്തി മറ്റു കോളേജുകളില്‍ ചേര്‍ന്നു.

പഠിച്ചു ഇറങ്ങുമ്പോള്‍ തന്നെ ജോലി കിട്ടും എന്നൊക്കെ വാഗ്ദാനം ചെയ്താണ് കുട്ടികളെ ചേര്‍ക്കുന്നത്.അവിടെ പഠിച്ചു ഇറങ്ങുമ്പോള്‍ കിട്ടാവുന്ന ഒരേ ഒരു ജോലി അവിടെ തന്നെ പഠിപ്പിക്കാന്‍ കയറുക ആണ്. എങ്ങനുണ്ട്?

ഇത്തരം സ്ഥാപനങ്ങളില്‍ പണം മാത്രമല്ല നഷ്ട്ടപെടുന്നത്. ഓരോ കുട്ടിയുടെയും മൂന്ന് വിലപ്പെട്ട വര്‍ഷങ്ങള്‍ ആണ് ഇങ്ങനെ കരിഞ്ഞു പോകുന്നത്. കമ്പ്യൂട്ടറുമായി ബന്ധപ്പെട്ട ആകര്‍ഷകമായ   ഒരു ജോലി സ്വപ്നം കണ്ട് ഈയാംപാറ്റകളെ   പോലെ ഇമ്മാതിരി തട്ടിപ്പ് സ്ഥാപനങ്ങളില്‍ പണവും സമയവും കളയുന്ന ആയിരങ്ങള്‍ ഉണ്ടാവും.

ഏഴോ എട്ടോ വര്ഷം മുമ്പ്, കേരളത്തിലും പുറത്തും പ്രൈവറ്റ് computer institute- കളില്‍ ഉയര്‍ന്ന ഫീസ്‌ കൊടുത്തു പഠിച്ച എനിക്ക് അവിടങ്ങളിലെ പരിതാപകരമായ അവസ്ഥ മനസിലായിട്ടുണ്ട്‍.

പക്ഷെ ഇപ്പോള്‍, അതിലും പരിതാപകരമാണ് ഇത്തരം കോളേജുകളില്‍ നടക്കുന്നതെന്ന തിരിച്ചറിവ് ഉണ്ടായി.

കമ്പ്യൂട്ടര്‍ എഞ്ചിനീയറിംഗ് ഗ്ലാമര്‍ ബി.എസ്.സി. ക്ക് ഇല്ലാത്തതു കൊണ്ടാണോ ഇങ്ങനെ സംഭവിക്കുന്നത്‌ എന്നറിയില്ല. അതോ കേരളത്തിലെ കമ്പ്യൂട്ടര്‍ പഠനം ഇപ്പോളും ഇങ്ങനെ തന്നെ ആണോ?

ഡെന്റല്‍, ടീച്ചേര്‍സ് ട്രെയിനിംഗ് ,പാരാ മെഡിക്കല്‍ കോളേജ് ,പബ്ലിക് സ്കൂള്‍ തുടങ്ങിയവ പലതും ഇതേ മാനേജമെന്റിന്റെ കീഴില്‍ അടുത്ത് തന്നെ ഉണ്ട്.ഉടനെ എഞ്ചിനീയറിംഗ് കോളേജ് തുടങ്ങും എന്ന പ്രഖ്യാപനവും.

മത്തി

2009-11-02T13:30:00.000-08:00

പത്തു രൂപയ്ക്കഞ്ചു മത്തി, ചാല കമ്പോളത്തില്‍
മത്തി പത്തു തിരഞ്ഞെടുത്തത്‌, കാപ്പില്ലാന്‍ സ്വയം
കുടല് മാല കീറി, പുറത്തെറിഞ്ഞത് കൂതറ
തൊണ്ട മുട്ടാതെ നായരച്ചന്‍, മാല വിഴുങ്ങി

ചിത്രകാരന്‍ കത്തി വീശി, നെടുകെ വരഞ്ഞു
മാത്ര ഉപ്പ്‌ കുറുക്കി വന്നത്, ഷാരടിമാഷും
കുടഞ്ഞു മഞ്ഞള്‍ അല്പ്പമായി, മാണിക്ക്യചേച്ചി
പൊടിച്ച കുരുമുളക് കൊടുത്ത് വിട്ടത്‌, താരകയോ?

ചുക്കുമായി ഗമയില്‍ വന്നൊരു, ഗീര്‍വാണനെ
ചൂലെടുത്ത്, നെടുകെ തല്ലി, വിട്ടത് കാവലാന്‍
നറുമണത്തില്‍ മുന്തി നില്‍ക്കും, വെളിച്ചെണ്ണയില്‍
വറുത്തെടുത്തൊരു മത്തിയെല്ലാം കാലിയായ് വേഗം

നാവില്‍ വെള്ളമൂറും മണം, മാത്രം ബാക്കിയായി

ആധുനിക കവിയുടെ പെരുമാറ്റ ചട്ടങ്ങള്‍

2009-11-01T07:55:00.000-08:00

ആധുനിക കവിയുടെ പെരുമാറ്റ ചട്ടങ്ങള്‍

1. ബുദ്ധിജീവിക്കളി പരിശീലിക്കുക.

2.കവിതയെ വിമര്‍ശിക്കുന്നവന്റെ അപ്പനപ്പൂപ്പന്മാരെ മാത്രമല്ല പഞ്ചായത്തുകാരെ വരെ തെറി വിളിക്കുകയും സംഘം ചേര്‍ന്ന് ആക്രമിക്കുകയും ചെയ്യുക.

3. വിമര്‍ശനം വന്നാല്‍ കമന്റ് ഓപ്ഷന്‍ അടച്ചിട്ടു വിമര്‍ശകരെ കൊഞ്ഞണം കുത്തിക്കാണിക്കുക.

4.പുറം ചൊറിയല്‍ കമന്റുകാരെ കൊണ്ട് കമന്റ് ഇടീപ്പിക്കുകയും പുകഴ്ത്തല്‍ ഗാന പാരായണങ്ങള്‍ നടത്തിപ്പിക്കുകയും ചെയ്യുക.

5.കവിത എഴുതി‌ തുടങ്ങുന്നവരെ വല്യേട്ടന്‍ ഭാവത്തില്‍ ശാസിക്കുകയും അടക്കി നിര്‍ത്തുകയും ചെയ്യുക. ഒപ്പം സീനിയര്‍ കവി ക്ലബുകളില്‍ തങ്ങള്‍ക്ക് സ്തുതിഗീതം പാടിയില്ലെങ്കില്‍ അംഗത്വം കൊടുക്കില്ലെന്ന് ഭീഷണിപ്പെടുത്തുക.

6.ആര്‍ക്കും മനസ്സിലാവാത്തതും തങ്ങള്‍ക്കു മാത്രം അറിയാവുന്നതെന്നും സ്വയം വിശ്വസിക്കുന്ന ഭാഷയിലെ ഇനി സംസാരിക്കൂ എന്ന് പ്രതിജ്ഞ എടുക്കുക. മറ്റുള്ളവര്‍ ആ ഭാഷ അറിയാത്തവര്‍ ആയതിനാല്‍ അവരുമായി സംവദിക്കാന്‍ സൌകര്യമില്ലേന്നു പറയുക.

7. ഉറുമ്പ്‌, ഈച്ച പാറ്റ തുടങ്ങിയ ജീവികളെ കവി കേസരികള്‍, കവി സിംഹങ്ങള്‍ , കവി ഗജങ്ങള്‍ എന്നിവരുടെ പേര് പറഞ്ഞു ഭീഷണിപ്പെടുത്തുക. ഉടക്കിയാല്‍ ചവിട്ടി മെതിക്കുമെന്നു ഭീഷണിപ്പെടുത്തുക.

8. ശബ്ദാവലിയില്‍ (ശബ്ദതാരാവലി ഇപ്പോള്‍ കിട്ടാനില്ല) ഉള്ളതും പ്രയോഗത്തില്‍ ഇല്ലാത്തതുമായ വാക്കുകള്‍ ഉപയോഗിച്ചുള്ള കവിതസാമ്പാര്‍ ഉണ്ടാക്കുക.

9. വൃത്തം, പ്രാസം, തുടങ്ങിയവയുടെ കാര്യം പറയുന്നവരുടെ വായില്‍ ഈയം ഉരുക്കിയോഴിക്കുക.

10. ആഴ്ചതോറും കവിസമ്മേളനം നടത്തുക.. വിമര്‍ശകരുടെ ലിസ്റ്റെടുത്തു അനോണി പട്ടാളത്തെ ഏല്‍പ്പിക്കുക.

ഡീ.സീ സമം പുസ്തകം

2009-11-01T02:54:00.000-08:00

*** കേരളപ്പിറവിദിനാശംസകള്‍ ***

എന്റെ വായന -മൂന്ന്

മലയാളത്തിലെ എന്നല്ല ഇന്ത്യയിലെ തന്നെ മികച്ച ഒരു പുസ്തക പ്രസിദ്ധീകരണ സ്ഥാപനം ആണ് ഡൊമനിക് ചാക്കോ കിഴക്കേമുറി തന്റെ അറുപതാം വയസ്സില്‍ സ്ഥാപിച്ച ഡീ.സീ ബുക്സ്.
അദ്ദേഹം ഒരു 'പുസ്തക കച്ചവടക്കാരന്‍' മാത്രം ആണെന്നായിരുന്നു പണ്ട് എന്റെ ധാരണ.
പക്ഷെ അറുപതു വയസിനു മുമ്പ് പല മേഖലകളിലും അദ്ദേഹം സജീവമായി പ്രവര്‍ത്തിച്ചിരുന്നു,
ഡീ.സീ ബുക്സ് പെന്‍ഷന്‍കാലത്തെ സംരംഭം മാത്രം.

കുങ്കുമം വാരികയില്‍ 'ചെറിയ കാര്യങ്ങള്‍ മാത്രം' എന്ന പംക്തിയിലൂടെ ഡീ.സീ എഴുതിയ ലേഖനങ്ങള്‍ പല പുസ്തകങ്ങളിലായി (സത്യം 95 ശതമാനം,പാലങ്ങളും പാലങ്ങളും, മെത്രാനും കൊതുകും......) പ്രസിദ്ധീകരിച്ചിട്ടുണ്ട്.

ആ ലേഖനപരമ്പരയിലെ അവസാനത്തെ പുസ്തകം ആണ് ' പുസ്തകങ്ങളുടെ മാത്രം ലോകം'.
വളരെ സരസമായി ഒരാഴ്ചയിലെ ആനുകാലിക സാംസ്‌കാരിക സംഭവങ്ങളെ പറ്റി ഡീ.സീ എഴുതിയത് കേരളത്തിന്റെ 'സാംസ്‌കാരിക ഡയറി' എന്ന് വിശേഷിപ്പിക്കപെടുന്നു. പുസ്തക പ്രകാശനങ്ങള്‍, സാംസ്കാരിക സമ്മേളനങ്ങള്‍, രാഷ്ട്രീയം തുടങ്ങി ആകാശത്തിനു കീഴെ എന്തിനെ പറ്റിയും അദ്ദേഹം എഴുതിയിരുന്നു.

1914 -ല്‍ ജനിച്ച ഡീ.സീ സ്വാതന്ത്ര്യ സമരത്തില്‍ പങ്കെടുത്തു ജയില്‍വാസം വരിച്ചിട്ടുണ്ട്. അവശത അനുഭവിക്കുന്ന സമര സേനാനികളുടെ കുടുംബത്തിനു അര്‍ഹതപ്പെട്ട സര്‍ക്കാര്‍ സഹായങ്ങള്‍ തരപ്പെടുത്തി കൊടുക്കുന്നതില്‍ ഡീ.സീ വളരെ അധികം പ്രയത്നിച്ചിട്ടുണ്ട്.

എഴുത്തുകാരുടെ കൂട്ടായ്മയില്‍ പുസ്തക പ്രസാധനം തുടങ്ങിയ ലോകത്തിലെ തന്നെ ആദ്യ സംരംഭം ആയ 'സാഹിത്യ പ്രവര്‍ത്തക സഹകരണ സംഘം' ത്തിന്റെ തുടക്കകാരില്‍ ഒരാള്‍ ഡീ.സീ ആയിരുന്നു.

ജനപ്രതിനിധികള്‍ പാര്‍ലമെന്‍റില്‍ ‍ ഐക്യകണ്ഠമായി തങ്ങളുടെ ശമ്പള/ആനുകൂല്യങ്ങള്‍ വര്‍ധിപ്പിക്കുന്ന ബില്‍ പാസ്സാക്കുന്ന പോലെ എഴുത്തുകാര്‍ ഭീമമായ റോയല്‍റ്റി സ്വയം നിശ്ചയിച്ചത് സംഘത്തിന്റെ സാമ്പത്തിക അടിത്തറയെ ബാധിച്ചു എന്ന് ഡീ.സീ പല ലേഖനങ്ങളിലും പറഞ്ഞിട്ടുണ്ട്.

കോട്ടയം പബ്ലിക്‌ ലൈബ്രറി ധന ശേഖരണത്തിന് ഡീ.സീ നടത്തിയ ലോട്ടറി യുടെ വിജയമാണ് പിന്നീട് സംസ്ഥാന സര്‍ക്കാര്‍ ലോട്ടറി തുടങ്ങാന്‍ പ്രചോദനമായത്.

ഒരു സസ്സ്യഭുക്ക് ആയിരുന്ന ഡീ.സീ ജീവിതത്തില്‍ പല നിഷ്ഠകളും വച്ച് പുലര്‍ത്താന്‍ ശ്രദ്ധിച്ചിരുന്നു. അവയില്‍ വളരെ അനുകരണീയമായി എനിക്ക് തോന്നിയത് കൃത്യനിഷ്ഠ ആണ്. ഏത് ചടങ്ങിനും സമയത്തിന് എത്താതിരുന്നാല്‍, അത് ഒരു മിനിറ്റ് വൈകിയാല്‍ പോലും, വിഷമിച്ചിരുന്ന ഡീ.സീ. അതുപോലെ ഒരു മിനിറ്റോ രണ്ടു മിനിറ്റോ മാത്രം പ്രസംഗിക്കാന്‍ ആവശ്യപ്പെട്ടാല്‍ അത്ര സമയം മാത്രം സമയം പ്രസംഗിക്കാനും അദ്ദേഹം ശ്രദ്ധിച്ചിരുന്നു.
1999 -ല്‍ അന്തരിക്കുവോളം അദ്ദേഹം കര്മ്മനിരതന്‍ ആയിരുന്നു.

എന്റെ വായന:

വായിച്ചു തീരുന്ന പുസ്തകങ്ങളെ പറ്റി രണ്ടു വരി എഴുതാന്‍ ഉള്ള ശ്രമം ആണ്.

എന്റെ വായന- ഒന്ന് കഥ ഇതുവരെ(സര്‍വീസ് സ്റ്റോറി) - ഡോ. ഡി. ബാബു പോള്‍.

എന്റെ വായന- രണ്ട് എട്ടാമത്തെ മോതിരം- ശ്രീ. കെ.എം. മാത്യു.

ഓണ്‍ലൈനില്‍ പുസ്തകം വാങ്ങാന്‍ പറ്റിയ ചില സൈറ്റുകള്‍
http://www.dcbooks.com/
http://www.maebag.com/
http://www.puzha.com/

അണ്ണാറക്കണ്ണന്‍

2009-10-29T09:55:00.000-07:00

അണ്ണാറക്കണ്ണന്‍ ചിലച്ചു കൊണ്ട്
അങ്ങോട്ടും ഇങ്ങോട്ടും ചാടിടുന്നു
അതുകണ്ട പൂവന്‍കോഴി കൂവി
'അറിയാതെ കൈവിട്ടു പോകരുതേ...'

ഒരു പതിനഞ്ച് വര്‍ഷമെങ്കിലും മുമ്പ് 'ബാലരമ' യിലോ 'പൂമ്പാറ്റ' യിലോ പ്രസിദ്ധീകരിച്ച്, കാശു ഉണ്ടാക്കാന്‍ വേണ്ടി എഴുതിയ ഒരു കുട്ടിക്കവിത. അന്ന് അച്ചടിമഷി പുരണ്ടില്ല.

തീപ്പൊരി

2009-10-26T13:51:00.000-07:00

വാക്കെടുത്തുരച്ച് തീപ്പൊരി
നാക്കെടുത്തുരച്ച് തീപ്പൊരി
നോക്കെടുത്തുരച്ച് തീപ്പൊരി
കോലെടുത്തുരച്ച് തീപ്പൊരി

ഇതില്‍ ഏത് തീപ്പൊരി ആണ് ഏറ്റവും അപകടം എന്ന് വായനക്കാരാ, താങ്കള്‍ തീരുമാനിച്ചോള്ളു.

പാകിസ്ഥാനെ കാത്തുക്കൊള്ളണേ ദൈവമേ.

2009-10-23T11:16:00.000-07:00

സ്ഫോടന പരമ്പരകളുമായി പാകിസ്താന്‍ വിറങ്ങലിക്കുമ്പോള്‍, അവിടത്തെ സാധാരണ ജനങ്ങളെ ഓര്‍ത്ത് ഈ ഒരു പ്രാര്‍ത്ഥനയെ മനസ്സില്‍ വരുന്നുള്ളൂ.

തങ്ങള്‍ വിതച്ചത് നൂറു മേനിയായി കുടുംബത്ത് കിട്ടുമ്പോള്‍ എങ്കിലും ഇവര്‍ ഒരു പാഠം പഠിക്കുമോ?

യുവരാജനും മൂത്രപ്പുരയും പിന്നെ കൊതുമ്പു വള്ളവും

2009-10-22T15:11:00.000-07:00

ജനസമ്പര്‍ക്ക പരിപാടിയുടെ ഭാഗമായി നഗര മധ്യത്തിലെ ഒരു ട്രാഫിക്‌ പോസ്റ്റിനു മുകളില്‍ കെട്ടിയ ഏറുമാടത്തില്‍ യുവരാജന്റെ പള്ളിയുറക്കം.

ഏറുമാടത്തിലെ പരുപരുത്ത കിടക്ക വിട്ടു യുവരാജന്‍ എഴുന്നേറ്റു.
വല്ലാത്ത മൂത്ര ശങ്ക....
ഗോവണി വഴി താഴെ ഇറങ്ങി തൊട്ടടുത്ത പൊതു മൂത്രപ്പുരയില്ലേക്ക് ഓടി.

കാക്കി ഇട്ട ഭടന്മാരും, ഖദര്‍ ഇട്ട യുവഭടന്മാരും , ജീന്‍സ്‌ ഇട്ട പത്ര പടയും പുറകെ...
ഒരു രൂപ വരി കൊടുത്ത് യുവരാജന്‍ മൂക്ക് പൊതി കാര്യം സാധിച്ചു തിരിച്ചു വന്നു....

യുവ പടകള്‍ക്ക് രോമാഞ്ചം, ഉത്സാഹം
പായല് പിടിച്ചു വഴുകലുള്ള തറ ഉരച്ചു കഴുക്കുന്നു,കുമ്മായം കലക്കി ഭിത്തിയില്‍ പൂശുന്നു.

പത്ര പട തിരിഞ്ഞും മറിഞ്ഞും തല കുത്തി നിന്നും പടം പിടിക്കുന്നു.

യുവരാജന്‍ മുള്ളിയ മൂത്രപ്പുരയില്‍ മുള്ളാന്‍ ക്യൂ.
വരി ഒന്നില്‍ നിന്നും കൂടി നൂറായി.
എന്നിട്ടും ഒടുക്കത്തെ ക്യൂ. തൊട്ടടുത്ത ത്രീ സ്റ്റാര്‍ ഹോട്ടലില്‍ നിന്ന് പോലും അതിഥികള്‍ ഇവിടെ വന്നു മൂത്രാന്‍ തുടങ്ങി.

ചാനലുകളില്‍ ലൈവ്. യുവകള്‍ എ,ബി,സീ ക്രമത്തില്‍ ഗ്രൂപ്പ്‌ യോഗം ചേര്‍ന്നു, ഒടുവില്‍ സംയുക്തമായി അമ്മ മഹാറാണി ക്ക് ഫാക്സ് അയക്കുന്നു. മുതു മുതു മുത്തച്ഛന്‍ രാജാവിന്റെ പേരില്‍ ഉള്ള 'ഗ്രാമീണ മൂത്രപ്പുര ഉദ്ധാരണ ഫണ്ട്‌' -ല്‍ നിന്നും തുക അനുവദിക്കുന്നു.

കാര്യങ്ങള്‍ മണത്തറിഞ്ഞ യു.കെ.ജി സെന്ററില്‍, മുണ്ടിന്റെ കോന്തല ഉയര്‍ത്തി ചുവപ്പന്മാര്‍ തെക്കുവടക്ക് നടന്ന് ആലോചന തുടങ്ങി.
പഞ്ചായത്തില്‍ ചുവപ്പ് ഭരണം.
'വിളിക്കെടാ പ്രസിഡന്റിനെ.'
ഫോണ്‍ കറക്കി, 'വരട്ടു വാദം പറഞ്ഞു മൂത്രപ്പുര പൂട്ടിക്കെടോ, അത് വല്ല പഞ്ച നക്ഷത്ര മൂത്രപ്പുരയും ആക്കി മുതു മുതു മുത്തച്ഛന്‍ രാജാവിന്റെ പേരും അവന്മാര്‍ ഇടും'

പ്രസിഡന്റും പരിസ്ഥിതി, മലിനീകരണ പരിവാരങ്ങളും മൂത്രപുരയ്ക്ക് അകവും പുറവും പരിശോധന തുടങ്ങി.

'കിട്ടിപോയി..'

ആളുകള്‍ ക്യൂ നിന്ന് മൂത്രാന്‍ തുടങ്ങിയപ്പോള്‍ ടാങ്ക് കവിഞ്ഞ് മൂത്രം തൊട്ടടുത്ത തോട്ടിലൂടെ പുഴയിലേക്ക്.

പരിസ്ഥിതി പ്രശ്നം, മലിനീകരണം, ചൊറിച്ചില്‍.

പൂട്ടെടാ ഈ മൂത്രപ്പുര.

മൂത്രപ്പുര പൂട്ടി.

കുറെ യുവകള്‍ അതിനു മുമ്പില്‍ സ്റ്റേജ് കെട്ടി റിലേ സത്യാഗ്രഹവും തുടങ്ങി.

യുവരാജന്‍ അപ്പോഴേക്കും അടുത്ത സമ്പര്‍ക്ക പരിപാടിയുമായി മുക്കുവരുടെ ഇടയിലേക്ക്.
അവിടെ ചെന്ന് കൊതുമ്പു വള്ളത്തില്‍ കടലില്‍ പോകാന്‍ മോഹം.

നേവി ഹെലികോപ്റ്റര്‍ അഞ്ചെണ്ണം മുകളില്‍ വട്ടമിട്ടു പറക്കുന്നു. രണ്ടു അന്തര്‍വാഹിനി കടലിനടിയില്‍ കറക്കം തുടങ്ങി. ഇരുനൂറു നോട്ടിക്കല്‍ മൈല്‍ ചുറ്റളവില്‍ എല്ലാ കപ്പലുകളും വഴിതിരിച്ചു വിട്ടു.
സ്പീഡ് ബോട്ടുകള്‍ വേറെ പുറകെ. പത്ര പടയും സ്പീഡ് ബോട്ടില്‍. യുവരാജന്റെ കൊതുമ്പു വള്ള മീന്‍പിടിത്തം ചാനലുകളില്‍ ലൈവ്. ഒരു മൂന്നു മീന്‍ പിടിച്ചു യുവരാജന്‍ മടങ്ങി.

ആഹാ... ഇത് പോരെ ? നിര്ത്തുന്നു.

മില്യണ്‍ ഡോളര്‍ സിനിമ.

2009-10-19T14:47:00.000-07:00

'മില്യണ്‍ ഡോളര്‍ ബേബി', ക്ലിന്റ് ഈസ്റ്റ്‌വുഡ് സംവിധാനം ചെയ്ത്‌ 2004 പുറത്തിറങ്ങിയ ഈ ചിത്രം ഈയിടെ ആണ് ടിവിയില്‍ കാണാന്‍ കഴിഞ്ഞത്.

മറ്റു പല സിനിമകളുടെയും കഥ പോലെ, പല കടമ്പകളും കടന്നു നേട്ടം ഉണ്ടാക്കുന്ന (ഇവിടെ ബോക്സിംഗ് ചാമ്പ്യന്‍) ഒരു കഥാപാത്രം ആവും ഹില്ലാരി സ്വാങ്ക്(Hillary swank) അവതരിപ്പിക്കുന്നത് എന്ന മുന്‍ധാരണ അമ്പേ പൊളിച്ചെഴുതി, എന്നും അവശേഷിപ്പിക്കുന്ന ഒരു നൊമ്പരമായി സിനിമ അവസാനിക്കുന്നു.

മുമ്പ് പല സിനിമയിലെയും (The Shawshank Redemption, ... ) പോലെ മോര്‍ഗന്‍ ഫ്രീമാന്റെ ശബ്ദത്തില്‍ കഥാ മുമ്പോട്ട്‌ പോകുമ്പോള്‍ നമ്മുടെ തിലകന്റെ ശബ്ദം ആണ് എനിക്ക് ഓര്‍മ്മ വന്നത്.
ക്ലിന്റ് ഈസ്റ്റ്വുഡ്ഡും, മോര്‍ഗന്‍ ഫ്രീമാനും അവതരിപ്പിക്കുന്ന കഥാപാത്രങ്ങള്‍ തമ്മില്‍ ഉള്ള പല രംഗങ്ങളും തമാശ നിറഞ്ഞതാണ്‌. അതുപോലെ ഈസ്റ്റ്‌വുഡ് പള്ളിയിലെ പുരോഹിതനോട് നിഷ്ക്കളങ്കമായി ചോദിക്കുന്ന സംശയങ്ങളും ചിരി ഉണര്‍ത്തുന്ന രംഗങ്ങള്‍ ആണ്.

ക്ലിന്റ് ഈസ്റ്റ്‌വുഡ് സംവിധാനം ചെയ്ത 'Blood Work (2002)' കുറെ നാള്‍ മുമ്പ് കണ്ടപ്പോള്‍ പഴയ കൌബോയ്‌ നായകന്‍ വയസുകാലത്ത് സംവിധാനം ചെയ്ത ഒരു സിനിമ എന്നേ തോന്നിയുള്ളൂ. ഹൃദയം മാറ്റി വച്ച ഒരു പ്രായമുള്ള കഥാപാത്രം ആയിട്ടാണ് അദ്ദേഹം അതില്‍ അഭിനയിച്ചത്.

പക്ഷെ അദ്ദേഹത്തെ കുറിച്ച് കൂടുതല്‍ വായിച്ചപ്പോള്‍ ഇന്നും ഊര്‍ജസ്വലനായി, എഴുപത്തിയൊമ്പതാം വയസ്സിലും സിനിമയില്‍ സജീവമായി പ്രവര്‍ത്തിക്കുന്നു എന്നത് അത്ഭുതപ്പെടുത്തി.

74 വയസ്സ് ഉള്ളപ്പോള്‍ ആണ് അദ്ദേഹം 'million dollar baby' സംവിധാനം ചെയ്ത് ഓസ്കാര്‍ നേടിയത്. അതിനു മുമ്പേ 'unforgiven (1992)' എന്ന സിനിമയിലൂടെയും അദ്ദേഹം സംവിധായകനുള്ള ഓസ്കാര്‍ നേടിയിരുന്നു.

അഞ്ചു വര്‍ഷം മുമ്പ് ഇറങ്ങിയ ഈ ചിത്രത്തെ കുറിച്ച് ഒരു ചെറിയ കുറിപ്പേ ഈ പോസ്റ്റ്‌ കൊണ്ട് ഉദ്ദേശിച്ചുള്ളൂ.

എട്ടാമത്തെ മോതിരം- ശ്രീ. കെ.എം. മാത്യു.

2009-10-18T04:43:00.000-07:00

എന്റെ വായന- രണ്ട്‌
മലയാള മനോരമയുടെ മുഖ്യ പത്രാധിപര്‍, അടുപ്പം ഉള്ളവര്‍ 'മാത്തുക്കുട്ടിച്ചായന്‍' എന്ന് സ്നേഹപൂര്‍വ്വം വിളിക്കുന്ന, ശ്രീ. കെ.എം. മാത്യുവിന്റെ ആത്മകഥ ആണ് 2008-ല്‍ പ്രസിദ്ധീകരിച്ച 'എട്ടാമത്തെ മോതിരം'.

1973 -ല്‍ ആണ്, ഇപ്പോള്‍ തൊണ്ണൂറു വയസ്സ് പിന്നിട്ട, അദ്ദേഹം മനോരമയുടെ പത്രാധിപര്‍ ആയത്‌.
ഒരു ആത്മകഥ എന്ന് ഈ പുസ്തകത്തെ വിളിക്കാന്‍ പറ്റില്ല, ഇത് മലയാള മനോരമ പത്രത്തിന്റെയും മനോരമ കുടുംബത്തിന്റെയും കഥയാണ്‌,ഒപ്പം കേരള ചരിത്രത്തിലെ ചില രാഷ്ട്രീയ സംഭവങ്ങളും.

ഇതില്‍ ഒരു നായകന്‍ ഉണ്ടെങ്കില്‍ അത് കെ.എം മാത്യുവിന്റെ ജേഷ്ഠന്‍ ശ്രീ. കെ.എം ചെറിയാന്‍ ആണ്.
പക്ഷെ തീര്‍ച്ചയായും ഒരു വില്ലന്‍ ഉണ്ട്, അത് സാക്ഷാല്‍ സി.പി രാമസ്വാമി അയ്യര്‍ ആണ്.

വേമ്പനാട് കായലില്‍ ചേരുന്നതിന് മുമ്പ് പമ്പ ആറ് പിളര്‍ന്നു രൂപപ്പെട്ട 'കുപ്പപ്പുറം' എന്ന വിളിക്കുന്ന വെള്ളത്താല്‍ ചുറ്റപ്പെട്ട തുരുത്തിലെ ബാല്യകാല ജീവിതത്തിന്റെ ഓര്‍മകളുമായി വായന തുടങ്ങാം. ഇന്നും അദ്ദേഹത്തിന്റെ ഓര്‍മയില്‍ കുളിരായി അവശേഷിക്കുന്ന കുപ്പപ്പുറത്തിന്റെ ഓര്‍മ്മകള്‍ വായനക്കാരും മറക്കില്ല.

സി.പി രാമസ്വാമി അയ്യര്‍ തിരുവതാംകൂറില്‍ ദിവാനായി നടത്തിയ സ്വേച്ചാധിപത്യ ഭരണത്തിന് എതിരായി മനോരമ പത്രം പ്രവര്‍ത്തിച്ചപ്പോള്‍ പത്രത്തെ ഇല്ലാതാക്കാന്‍ സി.പി തീരുമാനം എടുത്തു, ഒടുവില്‍ 1938-ല്‍ പൂട്ടി മുദ്ര വയ്ക്കുന്നു. ഇതാണ് പൊതുജനങ്ങള്‍ക്കു അറിവുള്ള കാര്യം ആണ്.

പക്ഷെ പത്രം പൂട്ടുന്നതിനും മുമ്പ് ഉണ്ടായിട്ടുള്ള ചില സംഭവങ്ങളും ശ്രദ്ധിക്കപ്പെടെണ്ടത് തന്നെ ആണ്.

മനോരമ കുടുംബം നടത്തിയ പല സംരംഭങ്ങളില്‍ ഒന്ന് മാത്രം ആയിരുന്നു 'മലയാള മനോരമ' പത്രം . ബാങ്ക്, ഇന്‍ഷുറന്‍സ്,ബലൂണ്‍ നിര്‍മ്മാണം, കാപ്പി/റബര്‍ തോട്ടങ്ങള്‍, ഖനനം തുടങ്ങി പല വിധമായ സംരംഭങ്ങളില്‍ ഏര്‍പ്പെട്ടിരുന്നു, പലതും നഷ്ട്ടത്തില്‍ കലാശിക്കുകയും ചെയ്തു.

മനോരമ കുടുംബത്തിന്റെ 'തിരുവതാംകൂര്‍ നാഷനല്‍ ബാങ്ക്' 'ക്വയിലോണ്‍ ബാങ്ക്' -മായി സംയോജിച്ച് 'നാഷനല്‍ ആന്‍ഡ്‌ ക്വയിലോണ്‍ ബാങ്ക്' ആയി തീരുന്നു. അതിനു മുമ്പ് തന്നെ രണ്ട്‌ ബാങ്കുകളും ചേര്‍ന്ന് 'ന്യു ഗാര്‍ഡിയന്‍ ഓഫ് ഇന്ത്യ' എന്നൊരു ഇന്‍ഷുറന്‍സ് കമ്പനിയും സ്ഥാപിച്ചു നല്ല നിലയില്‍ മുമ്പോടു പോകുന്നു.

സി.പി യുടെ വാശി ആദ്യം ഈ ബാങ്കും ഇന്‍ഷുറന്‍സ് കമ്പനിയും തകര്‍ക്കുന്നതില്‍ ആയിരുന്നു.
സി.പി യുടെ ബുദ്ധിയില്‍ ഉരുത്തിരിഞ്ഞ പല വിധമായ രീതിയിലും ബാങ്കിന് എതിരെ കിംവദന്തി പരക്കുന്നു. നിക്ഷേപകര്‍ പണം പിന്‍‌വലിക്കുന്നു.. ഒടുവില്‍ ബാങ്ക് പൂട്ടുന്നു. കുടുംബം സാമ്പത്തികമായി തകരുന്നു. ബാങ്കിന്റെ തലവന്‍ ശ്രീ.കെ.സി മാമ്മന്‍ മാപ്പിളയും മറ്റും അറസ്റ്റില്‍ ആവുന്നു. അതിനു മുമ്പ് തന്നെ 'നെയ്യാറ്റിന്‍കര സംഭവത്തെ' പറ്റി ഉള്ള വാര്‍ത്തയുടെ പേരില്‍ പത്രവും സി.പി പൂട്ടിക്കുന്നു.

ബാങ്കിന്‍റെ പണം കുടുംബത്തിലെ മറ്റു വ്യവസായങ്ങളില്‍ മുടക്കി നിഷേപകരുടെ പണം നഷ്ട്ടപെടുത്തി എന്നായിരുന്നു കെ.സി. മാമ്മന്‍ മാപ്പിളയുടെ പേരില്‍ ഉണ്ടായ കേസ്.

ഇതെല്ലം മനോരമ പത്രം പൂട്ടിക്കാന്‍ വേണ്ടി സി.പി പ്ലാന്‍ ചെയ്ത തിരക്കഥ ആയിരുന്നു എന്ന ശ്രീ.കെ.എം. മാത്യുവിന്റെ ആരോപണത്തില്‍ അല്‍പ്പം കല്ലുകടി തോന്നി എന്ന് പറയേണ്ടി വരും.
ബാങ്കും, ഇന്‍ഷുറന്‍സ് കമ്പനിയും പൂട്ടി ഇല്ലായിരുന്നുവെങ്കില്‍ ഇന്നവ രണ്ടും ലോകോത്തര നിലവാരമുള്ള സ്ഥാ‍പനങ്ങള്‍ ആകുമായിരുന്നു എന്നും ഗ്രന്ഥകാരന്‍ പറയുന്നു.

സി.പി ദുര്‍ഭരണം നടത്തി എങ്കിലും കേരളത്തില്‍ പല പുതിയ വ്യവസായങ്ങളും ആരംഭിച്ചു എന്നാണ് പൊതുവേ പറയപ്പെടുന്നത്‌. പക്ഷെ അവയൊക്കെ കോയമ്പത്തൂരും മറ്റുമുള്ള സി.പി യുടെ വ്യവസായ സുഹൃത്തുക്കളെ സഹായിക്കാന്‍ വേണ്ടി ആയിരുന്നു എന്ന് ശ്രീ.കെ.എം. മാത്യു വിലയിരുത്തുന്നു.

സ്വാതന്ത്ര്യത്തിനു ശേഷം മലയാള മനോരമ പത്രം പുനരാരംഭിക്കുന്നു, 1954 -ല്‍ ശ്രീ.കെ.സി മാമ്മന്‍ മാപ്പിള ദിവംഗതനായി ശ്രീ.കെ.എം ചെറിയാന്‍ പത്രാധിപര്‍ ആകുന്നു. പല വിധമായ ബുദ്ധിമുട്ടുകളെ തരം ചെയ്തു മനോരമ പത്രം വളരുന്നു.

ഓര്‍ത്ത്‌ഡോക്സ്-യാക്കോബായ വിഭാഗങ്ങളുടെ തര്‍ക്കം, രാഷ്ട്രീയ പാര്‍ട്ടികളോടുള്ള നിലപാടുകള്‍, പല പ്രഗല്‍ഭ പത്ര പ്രവര്‍ത്തകരുടെയും ജീവനക്കാരുടെയും മനോരമയുമായുള്ള ബന്ധം, മനോരമയുടെ ആധുനികവല്ക്കരണം ,പ്രൊഫഷണല്‍ സമീപനം ഒക്കെ ഈ പുസ്തകത്തില്‍ പ്രതിപാദിക്കുന്നുണ്ട്.

പുസ്തകത്തില്‍ പരാമര്‍ശിക്കുന്ന മനോരമ കുടുംബത്തിലെ അംഗങ്ങളുടെ സമാനമായ പേരുകള്‍ ചിലപ്പോള്‍ ആശയകുഴപ്പം ഉണ്ടാക്കും, പുസ്തകത്തോടൊപ്പം ചേര്‍ത്തിട്ടുള്ള വംശവൃക്ഷം പലപ്പോഴും സഹായകം ആകും.

ശ്രീ.കെ.എം മാത്യവിന്റെ പിതാവ്‌ ഭാര്യ മരിച്ചപ്പോള്‍ അവരുടെ ആഭരണങ്ങള്‍ എല്ലാം എടുത്തു ഉരുക്കി തന്റെ ഒന്‍പതു മക്കള്‍ക്കും ഓരോ മോതിരം പണിയിച്ചു നല്‍കി. എട്ടാമത്തെ മകനായിരുന്നു ശ്രീ. കെ.എം മാത്യു, അങ്ങനെ പുസ്തകത്തിന് 'എട്ടാമത്തെ മോതിരം' എന്ന പേരിട്ടു.

എന്റെ വായന:
വായിച്ചു തീരുന്ന പുസ്തകങ്ങളെ പറ്റി രണ്ടു വരി എഴുതാന്‍ ഉള്ള ശ്രമം ആണ്.

എന്റെ വായന- ഒന്ന് കഥ ഇതുവരെ(സര്‍വീസ് സ്റ്റോറി) - ഡോ. ഡി. ബാബു പോള്‍.

മിശിഹാരാത്രി = ശിവരാത്രി?

2009-10-16T12:01:00.000-07:00

അടുത്തിടെ ഇമെയില്‍ വഴി ലഭിച്ച ഒരു വാര്‍ത്ത‍.ഏതെങ്കിലും മാധ്യമത്തില്‍ പ്രസിദ്ധീകരിച്ചതാണോ എന്നുറപ്പില്ല. അതുകൊണ്ട് തന്നെ ചിലപ്പോള്‍ ആരെങ്കിലും തട്ടികൂട്ടി ഫോര്‍വേഡ് ചെയ്തു തുടങ്ങിയതാവാനും സാധ്യത ഉണ്ട്.

എന്തൊക്കെ ആയാലും വിഷലിപ്തമായ ചില വസ്തുതകള്‍ ഇതില്‍ കാണാനുണ്ട്.
ഞാന്‍ അംഗം ആയിരിക്കുന്ന സിറിയന്‍ കത്തോലിക്കാ വിഭാഗത്തിലെ സഭാതലവന്‍ ആണ് ചിത്രത്തില്‍.

കേരളത്തിലെ ക്രിസ്ത്യാനികള്‍, പ്രത്യേകിച്ച് സിറിയന്‍ ആരാധനക്രമം പിന്തുടരുന്ന സഭകള്‍ പലപ്പോഴും ഹൈന്ദവം എന്ന് പറയപ്പെടാവുന്ന പല ആചാരങ്ങളും പിന്തുടരുന്നതായി തോന്നിയിട്ടുണ്ട്.പള്ളിയിലും, വിവാഹത്തിനും ഒക്കെ നിലവിളക്ക് ഉപയോഗിക്കുന്നത്( നിലവിളക്കിനു മുകളില്‍ കുരിശുണ്ടാവും എങ്കിലും) ഒരു ഉദാഹരണമായി പറയാന്‍ കഴിയും.

1. ദസറ ഉത്സവം 'ദസറ പെരുന്നാള്‍' ആയി.

2.എഴുത്തിനിരുത്തല്‍ 'എഴുത്ത് കൂദാശ' ആയി.

3. എന്റെ ഓര്‍മ്മയില്‍ കണ്ടിട്ടുള്ള എഴുത്തിനിരുത്തല്‍ 'ഹരിശ്രീ ഗണപതായെ നമഃ' എന്നും, ശേഷം 'ത്രീയേക ദൈവത്തിന് സ്തുതി' എന്നും മണലിലോ അരിയിലോ എഴുതുന്നതാണ്. ഇവിടെ മലരും വെളുത്തുള്ളിയും (ഇതെന്തിനാണെന്നു ഒട്ടുമേ മനസിലായില്ല) നിറഞ്ഞ തളികയില്‍ 'ഈശോ മറിയം' എന്ന് മാത്രം എഴുതുന്നു.

4. കുഞ്ഞാടുകള്‍ എന്നൊരു പ്രയോഗം പരിഹാസ്യമായി പോകുന്നു ഇവിടെ.

5.ലക്ഷ്മിയും സരസ്വതിയും ഒക്കെ മാറി നിന്ന് പകരം സഭയിലെ വിശുദ്ധന്മാരുടെ പടം വച്ച് കുരിശും കൊന്തയും മെഴുകുതിരിയും സാക്ഷി നിര്‍ത്തി എഴുതിക്കുന്നു.

6.ഇതില്‍ ഏറ്റവും രസകരമായതാണ് മിശിഹാ രാത്രി ലോപിച്ച് ശിവരാത്രി ആയെന്ന വാദം.പണ്ടൊരു പാസ്റ്റര്‍ K.A. എബ്രഹാം ത്രിവര്‍ണ പതാകയെ പുതിയൊരു വ്യാഖ്യാനം കൊടുത്തത് നമ്മളൊക്കെ കണ്ടതാണ്. ഇതും ഒരു തമാശ.

സഭ ഔദ്യോഗികമായി ഇങ്ങനെ ഒരു നിലപാട് എടുക്കും എന്ന് എനിക്ക് ഒരിക്കലും തോനുന്നില്ല.
പക്ഷെ പരസ്പര ഐക്യത്തില്‍ കേരളത്തില്‍ ജീവിക്കുന്ന ജനങ്ങള്‍ക്കിടയില്‍ തെറ്റിധാരണ പരത്താന്‍ വിഷലിപ്തമായ ഇത്തരം വാദഗതികള്‍ മുമ്പോട്ട്‌ വരുന്നത് നന്നല്ല.

Edit:ഇതാരോ തട്ടിക്കൂട്ടിയത് തന്നെ. സെബിന്റെ വിശദമായ പോസ്റ്റ്‌.
മിശിഹാരാത്രിയോ മഹാശിവരാത്രിയോ?

കഥ ഇതുവരെ - ഡോ. ഡി. ബാബു പോള്‍.

2009-10-16T08:20:00.000-07:00

എന്റെ വായന- ഒന്ന്
കഥ ഇതുവരെ(സര്‍വീസ് സ്റ്റോറി) - ഡോ. ഡി. ബാബു പോള്‍.

കര്‍മ്മ കുശലത ഉള്ള ഒരു ഉദ്യോഗസ്ഥന്‍,എഴുത്തുക്കാരന്‍, വാഗ്മി, ദൈവ ശാസ്ത്ര പണ്ഡിതന്‍ എന്നിങ്ങനെ ഒരു ബഹുമുഖ പ്രതിഭ ആണ് അദ്ദേഹം.

1964 -ല്‍ എഴാം റാങ്കോടെ ഐ.എ.എസ് നേടിയ ശ്രീ. ഡാനിയേല് ബാബു പോള്‍ നാല്‍പതു വര്‍ഷങ്ങള്‍ കൊണ്ട് മുപ്പതില്‍ അധികം തസ്തികകളില്‍ ജോലി ചെയ്തു. ഹൈക്കോടതി ജഡ്ജിക്ക് തുല്യമായ ഓംബുഡ്സ്മാന്‍ ആയി വിരമിക്കുന്നതിനു മുമ്പ് ചീഫ്‌ സെക്രട്ടറി ഗ്രേഡില്‍ ആറ് വര്‍ഷത്തോളം അദ്ദേഹം ജോലി ചെയ്തു.

ഈ കാലയളവില്‍ അദ്ദേഹം വഹിച്ച ചില പദവികളെ പറ്റിയും അതിനോട് ചേര്‍ന്ന് ഉണ്ടായിട്ടുള്ള ഭരണ-രാഷ്ട്രീയ സംഭവങ്ങളെയും ഒക്കെ ഈ പുസ്തകത്തില്‍ പ്രതിപാദിക്കുന്നു.

കേരളത്തിന്റെ വികസനത്തിന്‌ കാരണമായ പല പദ്ധതികള്‍ക്കും പിന്നില്‍ ശ്രീ. ബാബു പോളിന്റെ ബുദ്ധിയും കരങ്ങളും ഉണ്ട്. പല പദ്ധതികളും സര്‍ക്കാരിന്റെയോ രാഷ്ട്രീയ പാര്ട്ടികളുടെയോ ഒക്കെ നേട്ടമായി അറിയപ്പെടുമ്പോള്‍ അതിനു പിമ്പിലുള്ള ഉദ്യോഗസ്ഥരുടെ പ്രയത്നങ്ങള്‍ പൊതുജനം അറിയാതെ പോവുന്നത് സാധാരണ കാര്യമാണ്.

ഇടുക്കി ജല വൈദ്യുതി പദ്ധതിയുടെ വിജയത്തിന് പ്രൊജക്ട് കോ-ഓര്‍ഡിനേറ്റര്‍ , ഇടുക്കി ജില്ലയുടെ ആദ്യത്തെ കളക്ടര്‍ തുടങ്ങിയ പദവികളില്‍ ബാബു പോള്‍ നടത്തിയ മികച്ച പ്രവര്‍ത്തനങ്ങള്‍ ഒരു പ്രധാന കാരണമായിരുന്നു.

വിവിധ വകുപ്പുകളുടെ ഏകീകരണമില്ലായ്മ , തൊഴില്‍ തര്‍ക്കങ്ങള്‍, കുടി ഒഴിപ്പിക്കല്‍ പ്രശ്നങ്ങള്‍ തുടങ്ങി പല വിധമായ കാരണങ്ങള്‍ കൊണ്ട് മുടന്തി നീങ്ങിയ ഇടുക്കി പദ്ധതിയുടെ പ്രൊജക്ട് കോ-ഓര്‍ഡിനേറ്റര്‍ ആയി എത്തിയതു മുതലുള്ള അനുഭവങ്ങള്‍ കൂടുതല്‍ 1975- ഇല്‍ പ്രസിദ്ധീകരിച്ച 'ഗിരിപര്‍വ്വം' എന്ന പുസ്തകത്തില്‍ വിശദമായി പ്രതിപാദിക്കുന്നു.

ഇപ്പോള്‍ നിര്‍മ്മാണം തുടങ്ങിയിട്ടുള്ള വല്ലാര്‍പാടം ടെര്‍മിനല്‍ പദ്ധതി 1985-ഇല്‍ ശ്രീ. ബാബു പോള്‍ മനസ്സില്‍ കണ്ടു റിപ്പോര്‍ട്ട്‌ തയാറാക്കി കേന്ദ്രത്തിനു അയച്ചതാണ്.അതിപ്പോള്‍ മാത്രം തുടങ്ങിയത് നമ്മള്‍ തിരഞ്ഞെടുത്തു വിടുന്ന ഇരുപതു നട്ടെല്ലുകളുടെ എണ്ണമോ,ബലമോ കുറഞ്ഞത് കൊണ്ടാവും.

ബാബു പോള്‍ ടൂറിസം സെക്രട്ടറി ആയിരുന്നപ്പോള്‍ ആണ് 'ദൈവത്തിന്റെ സ്വന്തം നാട്' എന്ന പരസ്യ വാചകം പ്രചാരത്തിലായത്. ടൂറിസം വികസനത്തിനുള്ള പല നടപടികളും അദേഹം മുന്‍കൈ എടുത്തു നടപ്പിലാക്കിയിട്ടുണ്ട്.

ട്രാവന്‍കൂര്‍ ടൈറ്റാനിയം എം.ഡി. ആയതിനു ശേഷം ഒരു കോടിയില്‍ അധികം ഡിവിഡന്‍ഡ് വ്യവസായ വകുപ്പിന് കൈമാറാന്‍ കഴിഞ്ഞതും അഭിനന്ദനം അര്‍ഹിക്കുന്നു.

താന്‍ പ്രവര്‍ത്തിച്ച വകുപ്പിലെ മന്ത്രിമാരെയും, മന്ത്രിയുടെ സില്‍ബന്ധികളെയും, മുഖ്യമന്ത്രിമാരെയും ഒക്കെ അദ്ദേഹം വിശകലനം ചെയ്യുന്നുണ്ട്.
അതുപോലെ തന്നെ പൊതുജനം പലപ്പോഴും അറിയാന്‍ ഇടയില്ലാത്ത ഭരണത്തിന്റെ ഇടനാഴികളിലെ ഉപജാപങ്ങളുടെയും, ഐ.എ.എസ് ഉദ്യോഗസ്ഥരുടെ ഇടയില്‍ ഉള്ള പരസ്പര പാര വയ്പ്പുകളുടെയും ഒക്കെ കഥ ഈ പുസ്തകത്തില്‍ വായിക്കാം.

ഇംഗ്ലീഷില്‍ ഉള്ള ചില നെടു നീളന്‍ സംഭാഷണങ്ങള്‍ മലയാളത്തിനു പകരം ഇംഗ്ലീഷില്‍ തന്നെ അച്ചടിച്ചാല്‍ നന്നായിരുന്നു.
രസകരമായി വായിച്ചു പോകാവുന്ന ഒരു പുസ്തകം.
അദ്ദേഹവുമായി മനോരമ ന്യൂസിലെ 'നേരെ ചൊവ്വേ' യില്‍ വന്ന അഭിമുഖം ഇവിടെ കാണാം.
(ആദ്യ ഭാഗം)

എന്റെ വായന:-പഠനത്തിന്‌ ശേഷം ജോലി തേടി നാട് വിട്ടപ്പോള്‍ പുസ്തകം വായിക്കുന്ന ശീലം കുറഞ്ഞു. ഇപ്പോള്‍ നാട്ടില്‍ അവധിക്കു പോകുമ്പൊള്‍ ഒരു പത്തു പുസ്തകം എങ്കിലും വാങ്ങി കൊണ്ട് വരാറുണ്ട്.കുറേശ്ശെ ആയി വായിച്ചു തീര്‍ക്കുന്നുണ്ട്.

ഞാന്‍ ഒരു അതിഭയങ്കര ഗൌരവമായ വായനക്കാരന്‍ ആണെന്ന് തെറ്റിദ്ധരിക്കല്ലേ.സാര്‍ത്ര്, കമു, നെരൂദ തുടങ്ങി സാധാരണ പറഞ്ഞു കേള്‍ക്കുന്ന ബുദ്ധിജീവി (?) എഴുത്തുകാരെ ഒന്നും ഞാന്‍ വായിച്ചിട്ടില്ല. ആനന്ദിന്റെ ഒക്കെ പുസ്തകം പണ്ട് വായിച്ചു മനസിലാക്കാന്‍ സാധിക്കാതെ തിരിച്ചു കൊടുത്തിട്ടുണ്ട്‌. കൂടുതലും ആത്മകഥകളും ഓര്‍മ്മ കുറിപ്പുകളും ഒക്കെ ആണ് ഇപ്പോള്‍ വായിക്കുന്നത്ത്. വായിച്ചു തീര്‍ക്കുന്ന പുസ്തകങ്ങളെ പറ്റി ഇനിയും പോസ്റ്റുകള്‍ ഉണ്ടാവും. :)

മുമ്പ് വായിച്ച പുസ്തകങ്ങളെ പറ്റിയും ചില പോസ്റ്റുകള്‍ ഇട്ടിട്ടുണ്ട്.

എന്‍.എന്‍. പിള്ള യുടെ ആത്മകഥ 'ഞാന്‍' (അഞ്ഞൂറാനു മുമ്പ് എന്‍ . എന്‍ . പിള്ള. )

തോപ്പില്‍ ഭാസിയുടെ ഓര്‍മ്മക്കുറിപ്പുകള്‍‍ 'ഒളിവിലെ ഓര്‍മ്മകള്‍ക്ക് ശേഷം' (കമ്മ്യൂണിസ്റ്റ്‌കാര്‍ക്ക് നേതാവ് കൊമ്പനാന അല്ല.)

ചെങ്ങറ സമരം തീര്‍ന്നതായി റിപ്പോര്‍ട്ട്‌.

2009-10-05T02:16:00.000-07:00

രണ്ടു വര്‍ഷത്തില്‍ അധികമായി നീണ്ട ചെങ്ങറ സമരം അവസാനിച്ചു.

മുഖ്യമന്ത്രിയും, പ്രതിപക്ഷ നേതാവും, സമര സമിതി നേതാക്കളും ഒക്കെ ചേര്‍ന്നു നടത്തിയ ചര്‍ച്ചക്ക് ശേഷം ആണ് തീരുമാനം.

ഒരു മേശക്കു ചുറ്റും നേതാക്കള്‍ ഒരു മണിക്കൂര്‍ ഇരുന്നു സംസാരിച്ചാല്‍ തീരാവുന്ന ഒരു പ്രശ്നം രണ്ടു വര്‍ഷത്തില്‍ ഏറെ ഇങ്ങനെ വലിച്ചു നീട്ടി ഭരണ പക്ഷവും പ്രതിപക്ഷവും സമരക്കാരും ഒക്കെ ചേര്‍ന്ന് പരസ്പരം ചെളി വാരി എറിഞ്ഞു മുതലെടുപ്പ് നടത്തിയത് എന്തിനു വേണ്ടി ആയിരുന്നു.

ദേശാഭിമാനിയില്‍ പലപ്പോഴായി സമര നേതാക്കളെ പറ്റി പല വിധ ആക്ഷേപങ്ങളും വായിക്കാന്‍ ഇടയായി. വീടും സ്ഥലവും ഉള്ളവര്‍ ആണ് അവിടെ സമരം ചെയ്യുന്നതെന്നും, നേതാക്കള്‍ ഒക്കെ സമ്പന്നര്‍ ആണെന്നും ഒക്കെ ആയിരുന്നു വാര്‍ത്തകള്‍. അതുപോലെ ഇടതുപക്ഷം അവിടെ ഉപരോധം തീര്തതായും കേട്ടിരുന്നു.

ദളിതരുടെയും , ആദിവാസികളുടെയും താല്പര്യങ്ങള്‍ സംരക്ഷിക്കുന്നതില്‍ ഇടതു ഭരണം പിന്നിലാണെന്ന് ഈയിടെ ഇടതു മുന്നണിയിലെ ആര്‍.എസ്.പി (R.S.P) നേതാവ് ചന്ദ്രചൂഡന്‍ പറഞ്ഞിരുന്നു.

ഇപ്പോള്‍ വായിച്ച വാര്‍ത്ത‍: സീ.പീ.എം. ന്റെ ഭീക്ഷണി ഭയന്നാണ് സമരത്തില്‍ നിന്നും പിന്മാറിയതെന്ന് സമര സമിതി നേതാവ് ളാഹ ഗോപാലന്‍ പറയുന്നു.

ഇങ്ങനെ ഒരു സമരം രണ്ടു വര്‍ഷത്തോളം നീണ്ടു നിന്നതിന്റെ ഉത്തരവാദികള്‍ ആരാണ്. സീ.പീ.എം. ന്റെ ഭീക്ഷണി ആണോ സമരം തീരാന്‍ കാരണം? പാവങ്ങളുടെ (?) ഈ ഗവര്‍മെന്റ്റ് സമരക്കാര്‍ക്ക് കൊടുത്തതായി പറയപ്പെടുന്നു വാക്ക് പാലിക്കുമോ?

കാത്തിരുന്ന് കാണാം....